Kumupititili ntjumo. Lipisarome lyaDaviti, mupika waHompa, ogho ghayimbiro rushumo kwaHompa nkango darushumo runo muliyuva linya ghampopilire Hompa mumaghoko ghavanankore vande navantje ntani mulighoko lyaSauli. Makura ghayimbi: ¹ Ame nakuhora, Hompa, nkondo dande. ² Hompa ndje liwe lyande. naghukorameno wande ove wandjitirome ghuvando; ghuye Karunga wande liwe lyande; ghuvando wande mumoye. ove shikukandulito shande, ruvinga rwaliparu lyande, nakoye nanenepera. ³ Ngani yita koye Hompa ogho ghafumano mukumupanda, ntani ngampoperame kuvanankore vande. ⁴ Mango damfa dinankundurukida me, ntani ruhandjo rwavimema vyakupiramulyo vinamukiliri. ⁵ Rughodi rwaSheyoli runankundurukidame; nalidumba lyamfa dinangandame. ⁶ Muvinka vyande ame kuyita Hompa; Ame kuromba mbatero kwaKarunga wande. ghuye kuyuva liywi lyande muntembeli yendi nkugho yande yambatero kuyenda kwendi; kuyenda mulitwi lyendi. ⁷ Makura livhu ghalikunyungu ntani ghalikinki; nalitateko lyandundu nalyo ghalikinki makura ghavikunyunganga mukondashi Karunga kwagarapire. ⁸ Muti ghaghuyendi muwiru kutundilira mumayuru ghendi, ntani maraka ghamundiro ghagha rupuka mukanwa kendi, makara ghaghatameke kupya kwagho. ⁹ Ghagharura liwiru gharupukamo makura ghaya palivhu, makura likurundema ghalikara munda yampadi dendi. ¹⁰ Ghuye gharondo pamuEngeli makura ghatuka; ghuye ghayendi nawa pamavava ghampepo. ¹¹ Ghuye ghatura mundema mulitaratara olyo ghakalire, maremo gha mvhura yayinene kuwiru. ¹² Mawe ghakundundu ntani namakara ghamundiro ghaghaghu kuruvadi kumeho yendi. ¹³ Hompa ghatura shikumo sharuradi muliwiru! liywi lyagho ghafumano ghaliyiyiri. Vimwe vyamamoneko ghantantani ngavikuwederera muruku rwakuyiyira, mawe ghakundundu namakara ghamundiro opo ngavimoneka yira lihudi kuna kukuvyukuruka kumamoneko ghakare. ¹⁴ Ghaponyo lishegho lyendi makura ghahanaghura vanankore vendi; maruvadi mangi ghavagaghunino. ¹⁵ Makura marunone ghamema ghagha moneke; litateko lyaghudjuni ghalikara muporongwa opo ghavishwenekire, Hompa, kutwara kumunku wamumayuru ghoye. ¹⁶ Ghuye ghatiki palivhu kutundjira muliwiru; ghankoko me nitunde muvimema vyavidona. ¹⁷ Ghampopere me kuvanankore vande vankondo, kovo vanyengo me, vavo kwakalire nankondo kwande. ¹⁸ Vavo makura ghavaya nakukulimba name muliyuva lyande lyavinka enengoli Hompa ghakalire ngundi yande! ¹⁹ Ghuye ghamangurulire mulivango lyalinene; ghampopilireme mukondashi ghahafilireme. ²⁰ Hompa ghamfutire me mukonda yaghulimburukwai wande; ghuye ghankushurura mukonda maghoko ghande ghakena. ²¹ Mbyovyoshi ame kwakwama mundjira yaHompa ntani kapi narughana vyavidona vyakutungwira mughongo kwaKarunga. ²² Kuvakushuki navantje kwararawira vakare kughuto wendi; kutwara mulifano, kapi navashuvilira. ²³ Ame nakaranka muhungami kumeho yendi, mbyonka nakukaraghure nandjo. ²⁴ Mpongolishi Hompa ghavyuta me mukonda yaghuhungami wande, mukondashi maghoko ghande kwakena kumeho yamantjo ghendi. ²⁵ Kwakeheghuno ghakaronalihuvaro, kuneyeda naghumoye mwakuhuguvara; kwamuntu ghogho ghapiro marundiro. ²⁶ Kwakeheghuno wamukushuki, kunegheda naghumoye ghukushuki; ove ghumunandunge kwakeheghuno wakukutjindja-tjindja. ²⁷ Ove wampopilire kuvantu vavadona, makura ghaghutura palivhu valikunenepeko, ghaghuyerura mantjo! ²⁸ Ove watapa shite kuramba yande; Hompa Karunga wande kutwedera mumundema. ²⁹ Mpongolishi ove ame kuduka nipopere; naKarunga wande ame kuvhura nishenete palikuma. ³⁰ Kutwara mwaKarunga --- ndjira dendi davyukilira! Enengoli nkango daHompa dakushuka! ghuye shikukandulito shakeheghuno ogho ghaghupango ghuvando mwendi. ³¹ Makura are ngoli Karunga ghatamburo Hompa? are liwe ghatamburo Karunga wetu? ³² Ndje Karunga ogho ghaturo nkondo mwande yira ruvya, are wakutura marundiro mwamuntu wamundjira yendi. ³³ Ghuye kwapameka mpadi dande yira dampengu ntani kwanturame kuwiru! ³⁴ Ghuye kukuyombilita maghoko ghande muvita ntani maghoko kupeteka lishegho niponge. ³⁵ Ove wampame shikukandulito shaghuyerer ghoye. lighoko lyoye lyarulyo lyampamekame, ntani linantura yira nimunenepo. ³⁶ Ghuna rughana livango lyalinene munda yande mposhi mpadi dande dashasheneta. ³⁷ Ame nganikwama vanankore vande kumwe nakuvakaghura nka; kapi napirukireko dogoro ghaghuvahanaghurapo. ³⁸ Navafitire ntjoni dogoro kapi vanakuvura kuyimananka; vavokwawera munda yampadi dande. ³⁹ Mposhi ove kwandwateka nkondo yira ruvya muvita; ove watura munda yande ovo vayimananga nankukulimba name. ⁴⁰ Ove wampa mughongo vanankore vande! ntingo; ngani hanaghurapo ovo vanyengo. ⁴¹ Vavo ghavarombo mbatero, ngoli naghumweshi ghavapopiliro; vavo vayitire Hompa, ngoli kapi ghavalimburulire. ⁴² Ame kuvatetaghura muvighufefere yira mbundu kumeho yampepo; ame kuvavukuma yira litata mundjira. ⁴³ Wampopilire kumpanguro davantu. wantura mpititi muvirongo. Vantu vakupira kuyiva ghavankaveda. ⁴⁴ Opo tupavayuvire kuhamena kwande, ghavandimburukwa; vantunda virongo ghavivatininiki vantongamene. ⁴⁵ Vantunda virongo kuya nakukankamena mulivango lyankondo. ⁴⁶ Hompa muyumi; Hompa wande vamupande. Karunga mupopeli wande. ⁴⁷ Ghuye ndje Karunga wakundenkita nifunde vanankore vande, Ghuye kurenkita vantu vateyerere mwande. ⁴⁸ Ame namanguruka kuvanankore vande. ove wantura kuwiru yavo kavandwanitango! ghaghumpopere kuvahepeki. ⁴⁹ Mpongolishi ame kuna kutapa mpandu koye, Hompa, mukatji kavirongo; ngani yimba mapandero kulidina lyoye! ⁵⁰ Karunga kwatapa maketero ghamanene kwahompa, ntani kwanegheda lihuguvaro kuvatungikwa vande, kwaDaviti ntani naruvaro rwendi kunaruntje.