¹ Nkunge me. Karunga opo nakughupame livango mumoye. ² Ame naghamba kwaHompa, ''Ove Karunga wande; ghuwa wande navimweshi kughupango ove. ³ Kutwara ngoli kuvantu vakupongoka ovo vakaro palivhu, vavo vantu vavawa; vikara vyande navintje mumwavo. ⁴ Ghurunde wavo ngaghukuwederera, kovo vashanango vakarunga vavo. kapi ngani tetera vinwa vyandjambo yahonde kuvakarunga vavo. Ndi kufumadeka madina ghavo nangegho dande. ⁵ Hompa, ove ruha oro natoghorora me ntaninka ove nkinda yande. Ove wakwaterera mugigho wande. ⁶ Shimetito vanashintuliri kumeho yande mulivango lyakupandwira; ghushiri kupandura ghupingwa wande. ⁷ Ame ngani tundika Hompa, ogho ghankorangedo me; nampiri matiku ndunge dande kundawira me. ⁸ Ngani tura Hompa kumeho yande kehe ruvede, ntani ame kapi ngani kunyunga kulighoko lyendi lyarulyo! ⁹ Mpongolishi mutjima wande ghuna pandura; mapandero gharuhafo. Ghushiri ngani paruka mulikungameno. ¹⁰ Ngoli kapishi ngaghukomberere monyo wande kuSheyoli. Kapishi ngaghurenkite vahuguvali ngava mone likwina. ¹¹ Ove wantjonga ndjira yaliparu; ruhafo rwarunene mulikaropo lyoye; nalikuyuvo lyalinene lyakupira kushwena lighoko lyoye lyarulyo kunaruntje!''