Lipisaromu lyaDaviti. ¹ Hompa, ogho akaro muvapumbi venu? Are ogho ghatungo kundundu yenu yakupongoka? ² Nkehe ghuno wakuyenda mumarundiro, kurughana vyavihunga ntani kughamba ghushiri kutundilira kumutjima wendi. ³ Keheghuno wakupira kukonga naruraka rwendi,kapi ghadjona ghurangapo vaghunyendi. Ntani kapi ghashanduranga vamaparambo vendi. ⁴ Muntu wakupira shikwafa kuyita lishwaghu kumantjo ghendi, ngoli ghuye kufumadeka ovo vatjiro hompa. ⁵ Ghuye kapi ghatjindjanga ovyo ghahora vyakutwalidira kumaliva. Ghuyenka kapi ghaghupanga vyamukaholya-holya ghangambipare ghufuku kuvahungami. Wakurughana vininke vino narumweshi ngakunyunga.