Kumpititi kurona wantjumo. Lipisaromu lyaDaviti. ¹ Ligova kughamba mumutjima wendi ashi, ''Kwato Karunga.'' Vavo kwapuka nakurughana ovyo vapira kupulitira; kwato wakurughana vyaviwa. ² Hompa kukenga palivhu kutundilira muliwiru kuvana vamuntu ghakenge ashi mpwalipo wakuyuvandi, wakuvura kumushana. ³ Navantje vanapirukiri kunya ngoli navantje vanapuka. Kwato wakuvura kurughana ghuwa, kwato nampiri ghumwe. ⁴ Vavo kapi vayiva kehevino, ovo vakuturomo ghunene, kovo valyango vantu vande yira moomo valyanga mboroto, ngoli are wakudira kukugha Hompa? ⁵ Vavo ngava kankama ghunene, mukondashi Karunga ngakara navahungami palipongo! ⁶ Ghuna shana kushandaghura vantu varuhepo nampindi ngoli Hompa ndje ghutjiliro. ⁷ Ashi liyoghoro lyavaIsraeli ngali tundilira muSiyoni! Opo ngayita Hompa vantu vendi vatunde mughumango, makura Yakobu ngahafa ntani Israeli ngayikara mumpora!