Kumpititi kurona wantjumo. Lipisaromu lyaDaviti. ¹ Shirugho shakuhurapani ngaghukarera kumvhuramame? Shirugho shakuhurapani ngaghuhoreka shipara shoye kwande? ² Shirugho shakuhurapani nganikara nashinka ntani nakukara nandundutjima mayuva naghantje? Shirugho shakuhurapani vanankore vande ngava mfunda me? ³ Nkengeme makura ghundimburureme, Hompa Karunga wande! tapa shite kumantjo ghande, ndipo nirare turo twamfa. ⁴ Washa kengerera vanankore vande vaghambe ashi, ''namufundu'' enengoli vanankore vande vashaghamba, ''Atwe tuna mufundu''; manashi vanankore vande ngavahafa opo ngava ntura palivhu. ^{5 6} Mara ame nahuguvara mughufenkenda ghoye; mushima wande kuhafa mughuyerere ghoye. Ame nganikuyimbira Hompa mukondashi ove wahuguvara me ghunene.