Kumpititi kurona wantjumo; Ogho vatulire muShemiithe ngovera yaDaviti. ¹ Vatera, Hompa, kughukarunga ghunadongonokapo; lihuguvaro nalyo linatundupo. ² Keheghuno wakughamba nkango damuporongwa kwamaparambo ghendi; keheghuno wakughamba nangegho dakuyuna ntani nadimutjima mbiri. ³ Hompa, ngatetako ngegho dakuyuna, kehelino liraka lyakuhanene vininke vyavinene. ⁴ Ovino mbyovyo vaghamba, ''namaruraka ghetu ngatu ngavi rupuka. Opo daghamba ngegho detu, are wakukara mpititi kuwiru yetu?'' ⁵ Mukonda yalihepekereromo lyavahepwe, mukonda yamuyoyo wavo vanakaro mumpumbwe, ame ngani kupanda, '' ghaghamba Hompa. ''Ame nganikupa ghupopero ogho vashanashanango.'' ⁶ Nkango dahompa nkango dakukushuka. yira sisiliveri vanakukushurura vanayengumwini mulivhu. Kwayiyengumuna rutano naruviri. ⁷ Ove Hompa! ove kuvanomena. ove Karunga kupopera vantu kuvantu vavadona kunaruntje. ⁸ Vadinikarunga kuyendaghura kukehe ruha opo wakuhanenanga ghudona mumaruvaro ghavo.