Kumpititi kurona wantjumo. ngovera yaDaviti. ¹ Ngani ghupa vatjwayuki mwaHompa; weni omo ngaghughamba kwande, ''Kuna kukuyuva yira shidira kundundu''? ² Kengashi! vanyengi kukuwapayikira ghuta. vavonka kutura ngumba davo pepi parughodi vaponye mumundema kurulyo mumutjima. ³ Makura nangeshi litateko ghavalidjonaghura, vinke vyakuvura kurughanako vahungami? ⁴ Hompa mpali mutembeli yakupongaka; mantjo ghendi kukenga, mantjoghendi kukonakona vanavendi kumaghukaro ghapaghuntu. ⁵ Hompa ghakonakona navantje vahungami navavavadona, ngoli kwanyengire ovo vaholiro marwanambo. ⁶ Gharokita makara ghamundiro ntani namundiro wanaruntje kwava vavadona; likundungu ngalikara ruha rwankinda yendi! ⁷ Hompa ndjeghukenu, ntaninka kwahora vakushuki; vahungami ngavakamona shipara shendi.