¹ Ani ghamba ashi, ''Teghererenu weno anwe vampititi vambunga yaJakopo navapangeli vandjugho yaIsraeli: kapi vyahungama kukwenu ashi muvhure kuyiva vyakuhamena kuuhungami ndi? ² Anwe kwanyenga vyaviwawa nakuhorapo vyavidona, anwe kuyuva vipapa vyavantu, nyama davo kudiupa kuvifupa vyavo- ³ anwe kulya marutu gha vantu vande, nakushenda vipapa vyamarutu ghavo, anwe kutjoraura vifupa vyavo, nakuvitetaura ugcene-ugcene yira momu vatetauranga nyama mupoto. ⁴ Shirugho ngashiya opo vapangeli voye ngavalilira Hompa, ano ngoli Hompa kapi ngavalimburura. Hompa ngafukilira shipara shendi shirugho nashintje, mukonda kwavi mwarughana vyavidona.'' ⁵ Hompa ngaghamba vino ashi, ''Kwenu anwe vaporofete mwapititirango vanto muvipempa pakutwenyidira, nangeshi atapa vininke vyakulya, makura kuyighira, 'Mpora kwavo.' Kwava vadirango kutapa vyakulya, vavo kutokora mukuvaranyena vita. ⁶ Mpo ngoli shi, ngakukara mundema kukwenu anwe vaporofete ngamudire nka kupumba vyakumeho yenu; ngakukara dovera ngamudire nka kupita vantu vande. Liyuva ngalivadongonoka vaporofeta ntani liyuva ngalikara dovera papavo. ⁷ Ava vakupumba vyakughuto ngavavifa ntjoni ntani vakaro nkondo mukuyiva vyakughuto ngavavapukita. Ngevo davo ngavadimanga nadintje, kapi ngavawana lilimbururo kwaHompa.'' ⁸ Ano kwande ko ame, Hompa ngandjuda mpepo yendi, ntani ngampa nkondo nauhungami, wakukutantera mbunga yaIsraeli kuhamena kundjo davo. ⁹ Paweno teghererenu kwavino, anwe vampititi vambunga yaJakopo, na vapangeli vandjugho yaIsraeli, anwe mwanyengo vyauhungami, makura kutjindja vyauhungami vikare vyamapuko. ¹⁰ Anwe kuna kudika ndjugho yaHomps naHonde ntani nandjo yayinene kumbara yaJerusalemu. ¹¹ Vampititi venu kupungura naufuki mukonda yamfuto, vapilisteli venu kushongera vawaneko ndodo ano vavo vaporofete kuruwana vawaneko vimaliva. Shimpe vavo kughamba ashi Hompa pavo anakara, ''Nani Hompa kapishi natwe anakara? Kwato vyavidona ovyo ngavitiko kwetu?'' ¹² Mpo ngoli shi, mukonda yoye, Siyoni ngavamupurura yira lifuva, ove Jerusalemu ngaukara ndambo yavihando, ano ntembeli ngayikara mutitu.