¹ Mpepo ya Hompa Karunga papande yinakara, mukonda ashi uye ghankwita mukutapa mbudi yayiwa kovo vapa. Vantu mo nikaverure dimutjima odo daroroko, nikaghambelimanguruko kovo vakwata, nakugharura dorongo kovo vakundurukida. ² Kunantumu niyaghambe mwaka wauwa waHompa, liyuva lyamauvyutiro udona lyakarunga, nakuyashengawida vanya vakaro muruguvo. ³ Uye ghantuma-niyatape kovo vaguvo muZion-niyavape vikukava vyakumutwe mulivango lyamututwi, maghadi gharuhafomulivango lyaliguvo, livango lyakuraperera mumavango ghampepo dakukasha, mukuvayita vitondo vyavire vyalihungami, matapekero ghaHompa, mposhi vamutikire. ⁴ Ngavawapukurura matungo vavipita pashakare. Ngavawapukurura lidjonauro lyakapitiro. ⁵ Vantundwa virongo ngavaya pandya vidira vyenu, ntani vana vavakafumu vavantundwa virongo ngavayaruwana mumafuva ghenu namuvikunino vyamandjembere. ⁶ Ngavakuyita mupiliteli waHompa, ngavakuyita mukareliwaKarunga wetu. Ngaulya ugagho wavirongo, ntani kukupandayika mumaugavo wavo. ⁷ Mulivango lyalishwaghu lyenu ngavikuwederera, mulivango lyakupira likuto ngava hafera ruha rwavo. Momo ngavakara naukahe walivango lyavo mushirongo; ruhado rwakukarererapo narukara rwavo. ⁸ Momo ame, Hompa, nahoro mpora ntani nanyenga widi nakupira mpora. Nganivawapukurura, ntani nganiturapo likukwatakano lyakukarerapo navo. ⁹ Varuvaro rwavo ngavayiva mukatji kadimuhoko, ntani nandjambo davo mukatji kavantu. Navantjeya vakukenga ngavadimburura ashi mbo vantu ovo ghatungika Hompa. ¹⁰ Nganihafa mwamunene mwaHompa; mwaKarunga wande nganipandura. Momo uye andwateka navyuma vyaliyoghoko; ghantura shuma shashire sha uhungami, yira momo mukwali wamukamafumu anakuwapeko mwene nashituku, ntani yira mukwali wamukamali ana kudwateko mwene na udjegedjo. ¹¹ Yira momo livhu lya yangura vitondo vyakushetakera, ntani yira momo shipata sharenkanga vitondo vyasho vikure, moo ngoli Hompa ngaturapo uhungapi nalipando mukukulita kumeho yadimuhoko nadintje