¹ Yuva vino, ndjugho yaJakopo, ogho vatwenyanga ashi Israeli, ntani kwatunda muhonde yaJuda; anwe mwaghanango mulidina lyaYehova nakuhamitiramo Karunga waIsraeli, ngoli kapishi nadimutjima denu nadintje ntani kapishi mundjira yauhunga. ² Vavo kukutwenya vavene ashi vantu vashitata shakupongoka nakuhuguvara mwa Karunga waIsraeli. Yehova wavapangeli ndyo lidina lyendi. ³ Ame nakenitire vininke vyapakare-kare; vyavyo kwatundire mukanwa kande; ntani naviyivitire; makura mushirugho shashifupi tupu aniviruwana, makura avipiti. ⁴ Mukondashi nayivire ashi kapi munashana kutjindja maukaro ghenu, ntingo denu dadjindja yira vikugho, ntani vipara vyenu yira ngoporo, ⁵ mbyo nakuyuvitira vino vininke kumeho yaruvede; kumeho vikashoroke anwe namupukurura, mposhi kapishi ngamughambe ashi, 'Vintjwantjo vyande vinaviruwano' ndipo 'Ovyo nashonga navikugho vyande mbyo vinavitungiko.' ⁶ Mwayuvha kuhamena vino vininke; kengenu kumaumbangi naghantje ghano; makura anwe, kapi mupura ovyo naghamba ashi ushiri? Kufunda pano weno, ame kunmunegheda vininke vyavipe, ovyo vyavando ovyo mwapira kuyiva. ⁷ Ano ngoli, kapishi vyashirugho pita nka, vikarpo paweno, kumeho yalivhu lyanamuntji kapi mwaviyuva rumwe, kapi ngamuvhura kughamba ashi, 'Nhii, ame nayiva kuhamena kwavyo.' ⁸ Kapi mwaviyuvha; kapi mwaviyiva; vino vininke kapi vavihorora rumwe kumatwi ghenu mushirugho pita. Mbyovyoshi naviyivire ashi anwe kwakara na mashendu-shendu ghamanene, ntani anwe vahebeli kutunda kumashampuruko. ⁹ Kurenkera tupu lidina lyendi kunishekunita ugara wande, nafumadeko lyande, ame kunishayeka kumudjonaura nwe. ¹⁰ Kenga, ame namuwapukurura anwe, ngoli nakupitakana shi shiliveli, ame namukushurura nwe mulikuru ndiro lya shiliro. ¹¹ Mukonda yande naumwande, mukonda yanaumwande kuniruwanako shintu; mbyevishi weni mo nipulitira lidina lyande linyate? Kapi nitapa ghuyerere wande kwa kehe uno. ¹² Teghererenu kukwande, anwe vaJakopo naIsraeli ovo nayoghora: Ame uno; ame wakuhova, ame nka wakuhulilira. ¹³ Nhii, lighoko lyande lyayara uyimaneno walivhu, ntani lighoko lyande lyarulyo lyayandjumuna liwiru; opo naviyitanga, vyavyo kuyimana kumwe. ¹⁴ Kupongayikenu naumwenu, namuvantje, mutegherere! Are mukatji kenu ogho aviyuvito vininke vino? Vakwatitiko vaYehova ngavatikitamo shitambo shendi mukurwanita Babiloni. Ghuye ngatikitamo lirwameno lyaYehova lyakurwanita vaKalidiyani. ¹⁵ Ame, ame naghamba, nhii, ame namurawiri aye, namuyita ntani ghuye kwavitikitamo. ¹⁶ Yiyenu papepi name, teghererenu kwavin: Kutunda kulitameko ame kapi naghamba mukahorehore; opo ngavishoroka, ame mponilipo.'' Weno Hompa Karunga antuma me, nampepo yendi. ¹⁷ Vino mbyo anakughamba Yehova, muyogholi wenu, mupongoki waIsraeli. Ame me Yehova Karunga ghoye, ogho akushongango ve ashi weni omo utompora, ogho akupititirango ndjira oyo ghuvhura kuyenda. ¹⁸ Ntjene tupu aghufumadeke dimuragha dande! Ano makura mpora naukali nawa ndi kughupupa yira mukuro, naumanguruki ghoye yira mankumpi gha lifuta. ¹⁹ Varuvaro roye ndi ngavakara vavangi yira livhu, ntani vana vakutunda mumukogha ghoye ndi ngavakara yira rukokotwa rwalivhu; madina ghavo ndi kapi ngavaghatetako ndipo vaghakuyure atunde kuuto wande. ²⁰ Rupukenu mo muBabiloni! Vatjwayukenu vaKalideyani! Naliywi lyakulira viyuvitenu! Viyuvitenu vino, varenkenu viyende dogoro kuuhura waudjuni! Moo, anakughamba, 'Yehova ogho ayoghoro mukareli wendi Jakopo.' ²¹ Kapi vafire linota opo avapititilire vapite mumburundu; ghuye avapupitilire mema ghatubde mumawe. Agaghununa mawe agharuke, ntani mema aghadokomoka ghatunde mo. ²² Kundereko mpora kwa vadona- mo anakughamba Yehova.''