¹ Weno tegherera, Jakopo mukareli wande, ogho natoghorora: ² Ovino mbyo anakughamba Hompa, ghuye ogho ghakushitiro nakukutura nakukutura mushivarero shanyokwa ntani ogho ngakuvatero: ''Washatjira, Jakopo mukareli wande; ntani nove, Jeshuruni, ogho natoghorora. ³ Mbyevishi ame nganitetera mema mulivhu lyalinota, ntani dimukuro-wena dakupupa mulivhu lyakukuta; nganitetera mpepo yande pavana voye; ntani nganitungika vana voye. ⁴ Ngavakuyara mukatji kadimushoni, yira vitondo kuntere yatumukuro-wena kwamema. ⁵ Ghumwe ngaghamba, 'Ame nahamena kwa Hompa,' ntani ghumwe ngayita lidina lya Jakopo, ntani ghumwe ngatjanga palighoko 'kwahamena kwaHompa,' ntani ngakutape mwene lidina lyaIsraeli.'' ⁶ Ovino mbyo anakughamba Hompa- hompa waIsraeli m]namupopeli wendi, Hompa wavitulitapo: ''Ame wakuhova, ntani ame wakuhulilira; ntani Karunga enengoli ame. ⁷ Are wakufumana yira ame? Murenke aviyuvite ntani nakuvishingonona kukwande vishorokwa ovyo vyashorokiro kumeho nitateke vantu vande vakukakuru, varenke vangambipare vishorokwa vyakumeho. ⁸ Kapishi mukare nautjirwe ndi muntjire. Kapi navighamba kukwenu karekare, ntani nakuviyuvita ndi? Anwe vambangi vandi: mpwaliko karunga ghumwe kughupako ame? Ntani kwato liwe limweya nka; kwato ogho nayiva.'' ⁹ Navantje vawapeko vintjwantjo navimweshi; vininke ovyo vahafera vyapira mulyo: Vambangi vavo kapi vamonanga ndi kuyiva kehe vino, ntani ngavashwaghukita. ¹⁰ Are ngaturopo karunga ndi kuruwana shintjwantjwe vyakupira mulyo? ¹¹ Kenga, navantjeya vahameni vendi ngavavashwaghukita; vashongi vitondo mbo tupu vakafumu. Varenke vashapuke kumwe; kapi ngavakavitikitamo ntani ngavakashwaghuka. ¹² Muruwaniti vikugho kurughana naviruwanita vyendi, kushiruwana, nakuruwana pamakara. Kuvivyukilita nahamara ntani kushiruwanita namaghoko ghendi ghakukora. Ghuye ndjara, nkondo dendi kupwa; kwato kunwa mema nakupwilira. ¹³ Mushongi vipurangi kumeta vitondo namutunda wakuvyukilira, nakumereka. Ghuye kuwapeka viruwanita vyendi nakuvimereka nashiyivito maruha. Ghuye kuvimereka mushishwi shamuntu, yira muntu wakukoka vantu, mposhi shikare mundjugho. ¹⁴ Ghuye kuteta vitondo vyakuvyukilira, ndi kutoghorora vitondo vyamarudi, kukutowerera mwene vitondo muwiya, ghuye kutapeka shitondo ano mvhura kushirenkita shikure. ¹⁵ Makura muntu kushiruwanita kumuvikuni nakukuyenyeka mwene. Nhii, ghuye kukonkera mundiro nakukangapo mboroto. Makura ghuye kuruwanitako shikarunga nakushitongamena; ghuye kushiruwana shintjwantjwe nakushitongamena. ¹⁶ Kushora ruha rwa shikuni kuruwanitako mundiro, kukangapo nyama. Ghuye kulya ntani anakuta.'' ¹⁷ Navitondo navintje vyakuhupako ghuye kuruwana shikarunga shavimpempa, lifano lyendi; ghuye kushitongamena nakushifumadeka, natni nakushiraperera nakughamba, ''Mpopere, mbyeshi ve karunga wande.'' ¹⁸ Kapi vayiva, ndipo vakwate lighano, mbyevishi mantjo ghavo matwiku nakumonashi, ntani dimutjima davo nayivashi vintu. ¹⁹ Kwato wakughayara ndi kukwata lighano nakughamba, ''Nashoro ruha rwashitondo mumundiro; nhii, mbyo nayoto mboroto pamakara ghasho. Nakanga nyama pamakara mbyo nalyi. Weno nahepa kuruwana ruha rumwe rwashitondo shininke shashidona nitongamene ndi? Nitongamene vene shimbangu shashitondo ndi? ²⁰ Kunakara tupu yira kunalyi mutwitwi; mutjima wendi wakukukonga wamupititira mulipuko. Kwato kuvhura kukupopera mwene, ndi nampiri aghambe, ''Oshino shininke mulighoko lyande ne karunga wavipempa.'' ²¹ Ghayarako kuhamena vininke ovyo, Jakopo, naIsraeli, mbyevishi ve mukareli wande: Ame nakughungo; ove ghumukareli wande: Israeli, ame kapi nganimuvhurama. ²² Shinadjivi, yira liremo lyalinene, naviruwana vyavo vyamakulimbo, ntani yira liremo, ndjo denu; davyuka kukwande, mbyevishi ame namupopilire. ²³ Yimbenu, anwe vamuliwiru, mbyevishi Hompa anavimana vino; yighirenu, anwe mwakaro kughudami wa ntunda yalivhu. Taukenu mukuyimba, anwe ndundu, nove wiya nakehe shino shitondo shakaromo; moomo Hompa ghapopera Jakopo, ntani ngakanegheda likuto muIsraeli. ²⁴ Ovino mbyo aghamba Hompa, mupopeli ghoye, ogho akughungiro mulira: ''Ame Hompa, gharuwano navintje, ame pentjande nahungiro liwiru, ame nawapekiro udjuni. ²⁵ Anwe mwapirango kukwama viyivito vyavaghambi vakupira mulyo, novo vakushwaghukita ovo vavarurango vineghedito; ame napiruro ukonentu wavakonentu nakutura maghano ogho ghakare madona. ²⁶ Ame, Hompa, ogho ghakengururo nkango yamukareli wendi nakuyitapa lighayarero lyavantumi vendi, wakughamba kwaYerusalema, 'Ngavadidika nka, ntani nganiyerura madjonauro ghavo'; ²⁷ ovo vaghambo kuntji yalifuta, 'Kukutuka, nganikukutika ruho roye.' ²⁸ Hompa ndje aghambo kuvaCyrus, 'Ghuye mutakamiti wande, ghuye kuruwana kehe lino lishwero lyande; ngapangera Jerusalema, ngavayidikurura, ntani kuhamena kuntembeli, renka litateko valiturepo.''''