¹ Opo ngali tikamo lino liyuva varume ngava kara va vasheshu unene, murume ghumwe tupu wa mudike ngava muku shakanena vakamali va vadike vatano na-vaviri, vavo ngava ghamba ashi, "Atwe kuna ku ku kwara na tuvantje, atwe ngatu dwata vyuma vyaku ghura naghu mwetu ntani ngatu lya ndya daku ghura naghu mwetu." Atwe kuna shana murume atu kware mposhi dino ntjoni da ghudike ditundepo pa petu. ² Shirugho kuna ku tikamo makura shirongo sha Israeli nga shiwapa na kufughura unene, nyango damu shirongo ngadi wapa ntani ngadi tovara ku vantu ovo ngava huparomo. ³ Vantu na vantje ovo ngava huparomo mu Jerusalemu ovo ngava piro ku fa ngava va vatwenya ashi vapongoki, kumwe na vantu na vantje ovo ngava tjanga ashi vavo kwa tunga mu Jerusalemu. ⁴ Ovino ngavi shoroka mposhi Hompa nga kushurura ndjo da vakamali vamu Jerusalemu, mposhi nga shayekitepo ghurunde wamu Jerusalemu ntani ghuye ngatengeka vantu va varunde na vantje vamu Jerusalemu, ghuye nga tuma mpepo na mundiro ngaghu shore navintje vyaku nyata. ⁵ Makura Hompa Karunga nga tuma liremo ku ndundu ya Siyoni ngali fike livhango oku vapongeranga, ghuye ngatura liremo lya linene lifike liyuva ku mwi ntani nga tuma shite sha kutema unene yira mundiro nga shitape ghukenu ku matiku; shite sha Hompa ntjo ngashi karo yira tende yaku tapa ghukenu mushitata na shintje. ⁶ Shirugho sha mwi ngaghu kara ghuvando wa vantu ku liyuva, ntani ngaghu kara nka ghuvando wa vantu ku mvhura ya mawe na mpepo.