¹ Mumwaka wamurongo na ne da hompa Hesekiya, Senakeribu, hompa wa Asiriya, ahomokere nkurumbara damapopero da Juda na kukavikwata. ² Makura hompa waAsiriya atumu mukughona wa vakavita atunde muLakishi ayende kuJerusalemu kwa hompa Hesekiya na vakavita vavandi. Avakatika palipompwa apupanga mema atunde kuwiru, mundjira yakuyenda palivango lyakuruwanena vyuma, nko kuyimana mpopo. ³ Vakughona vavaIsraeli ovo vayendiro vatunde munkurumbara vakaghambe navo mbo vaHilikiya mona wamukafumu waEliyakimu, kamutjangi wambara, Shebina kamutjangi wahompa, na Asafa mona wamukafumu waJowa, mutjangi wamatokoro gha lipangero. ⁴ Mukughona wavakavita avatantere, ''Tanterenu Hesekiya ashi hompa wamunene, hompa waAsiriya, kuna ghamba ashi, 'Vinke viyeramo ovyo wahuguvara? ⁵ Ove kuna kughamba tupu nkango dahana mulyo, kuna kughamba ashi mpoghuli unandunge na nkondo muvita. Ngoweno mware mwahuguvara? Are anakumupo makorangedo mukuyandwanita? ⁶ Kenga, ove kwahuguvara vaEgipute, ove kunafana yira mbu yayire oyo unatura yira mpango, ngoli ntjene muntu ayidifura, kuvhura yikutjokere mulighoko nakukutwa. Ngoweyo ngoli kwahompa waEgipute Faragho kovo vamuhuguvaro. ⁷ Ngoli ntjene ghuntantera, ''Atwe kwahuguvara mwa Hompa Karungs wetu,'' Nani kapishi ndje akaro pamavango ghakupongoka na pashidjambero osho atamburako Hesekiya, nakutantera vaJuda na vaJerusalemu, munahepa kuyatongamena kumeho yashidjambero shino muJerusalemu''? ⁸ Ngoweno, ame Nashana tukumbetje nove mwantilyande hompa waAsiriya. Ame ngani kupa nkambe mayovi maviri, ntjeneshi ngaghuvivhura mukuwana varondi vato. ⁹ Weni omo ghuvhura kukandana mpili mukughona wavakavita umwe pavakareli vantilyande? Ove kwatura lihuguvaro lyoye muturukara twavita na varondi tukambe twa vaEgipute! ¹⁰ Makura ngoli, ame kwaya pano nahana Karunga niyarwanite shirongo shino nakushihanaura ndi? Karunga kwantantera, ''Homona shirongo shi nakushihanaura.'''' ¹¹ Makura Eliyakimu mona Hilikiya, na Shebina, na Jowa avatantere mukughona wavakavita, ''Tunakanderere ghamba navakareli voye muliraka lyaruArameya, Aramayiki, atwe kuruyuvha. Washa ghamba natwe muliraka rwavaJuda mukuyuvhika mumatwi ghavantu ovo vanakaro kulikuma.'' ¹² Ngoli mukughona wavakavita aghamba, ''Nani kapishi mo kantumu ntilyande mukuyaghamba nkango odo kwantilyenu nakukwenu ndi? Nani kapishi kwantumine kuvantu ovo vanashungiro kulikuma, ovo vanakulyo mbukuko yavavene nakunwa matikamo ghavavene kumwe nove? ¹³ Makura mukughona wavakavita ashapuka nakuyiyira naliywi lyalinene muliraka lyaruJewishi, aghamba, ''Teghererenu kunkango yahompa wamunene, hompa waAsiriya. ¹⁴ Hompa kuna ghamba, 'Mwasha pulitira Hesekiya amu shongaure, morwa kapi ngamuyoghora. ¹⁵ Mwasha pulitira Hesekiya amu renke muhuguvare mwaKarunga, mukughamba, ''Karunga vyaushiri kwatuyoghora; oyino nkurumbara kapi ngatuyitapa mumaghoko ghahompa waAsiriya. ¹⁶ Mwasha tegherera Hesekiya, morwa vino mbyo ana ghamba hompa waAsiriya mukughamba: 'Tulitenupo mpora name kumwe murupuke muye kwande. Makura kehe uno wenu ngayalye ovyo vina kutundo mumandjembere ghamwene nakumaukuyu ghamwene. ¹⁷ Ngamuviruwana vino dogoro ngani kaye nakumutura mushirongo shakufana yira shirongo shenu, shirongo shakaro rukokotwa nanavinwu yayipe, shirongo shamboroto navikunino vyamandjembere. ¹⁸ Mwasha tegherera Hesekiya amu pukite, mukughamba. 'Karunga kuvhura atu yoghorore.' Mpwali Karunga wavantu umwe ogho ayoghororo vamwe mulighoko lya hompa waAsiriya ndi? Kuninko Karunga wa Hamata na Arapadi? ¹⁹ Kuninko Karunga wa Sefaravayimu? Ayoghoroka vaSamariya munkondo dande ndi? ²⁰ Navantje ovo vaKarunga vovyo virongo, mpwalipo Karunga kehe una ayoghororo shirongo shendi munkondo dande, yira Karunga ngapopero Jerusalemu munkondo dande ndi?'' ²¹ Ngoli vantu ava kara pore nakulimbururashi, morwa veta yahompa kwakalire, ''Kwato kumulimburura.'' ²² Makura Eliyakimu mona rume wa Hilikiya, ogho akaliro mukughona wambara, Shebina mushongi veta, naJowa mona wamukafumu waAsafa , kamutjangi, ava yendi kwaHesekiya navyuma vana tavaura, kumwe nakuyamutantera odo nkango damukughona wavakavita.