¹ LIhudi lyalinene kovo vayendango ku Egipite vakashane mbatero na kuyeghamena kunkambe, nakuhuguvara muturukara ( vavo vayingi) na muvarondi vato ( vavo nakuvhurashi kuvawana). Nka waro kapi vahuguvara Hompa Karunga wakupongoka wa Israel, ndipo ashi vashane mbatero kwendi! ² Ghuye muyivi wana vintje, ayiva viruwana vyendi vyakufutita na kutapa viponga kuVantu vavadona nakovo vavapoperango. ³ Va Egipite kapishi Karunga vantu tupu, nkambe davo nyama kapishi mpepo mupongoki. Hompa nkene aghorora lighoko lyendi, kumuhoko wankondo ogho wapoperango muhoko ghuno wa kupira nkondo, ngaghuwa kumwe na muhoko ogho wapiro nkondo; ano dimuhoko dino ngadi djonaukapo nadintje. ⁴ Hompa atanta kwande ashi, '' Nyime nkene palirambo anakara, mpiri ndi weni vayiyira vashita nakukugha ghuye nambirishi, na Hompa wankondo nadintje mo ngoli, kundereko wakuvura kumukava mukupopera ndundu Zion. ⁵ Yira momo shatere mbanga shidira kushitunguru shasho shipopere vana vasho, mo ngoli name Hompa Karunga wankondo nadintje nganipopera Jerusalema; na kumukunga. ⁶ Ove mbunga ya Israel, wadjona kwande nakukulimba name, vyuka kwande. ⁷ Ruvede ngarutika oro ngamushuva namuvantje vaKarunga vavipempa vandjo ovo mwarughana na Siliveri. ⁸ Asilia ngahanaukapo kuvita; ngoli kapishi kunkondo dapaUntu. Vasilia ngava duka vita, ano vamati vamo ngava vapaka kuupika. ⁹ Mupangeli wavo ngayomona mrwa ghoma, ano marenga ngadigha tororoka dogoro kukomberamo marembe ghavita. Mo ana kughamba Homapa-ogho vatongamenanga muJerusalema mundiro wendi ngowa shwakererango ndjambao.