¹ Hompa kuna kutanta ashi, '' Ava vana kupangero Juda vanapu kupangura mukondashi vavo kuudimbyuka. Vavo kuturapo maghano ogho nadiri kuvapa, vavo kuturapo maghano ghapana ghumwavo pahana lipititiro lya mpepo yakupongoka, vavo kunawederere ndjo kundjo. ² Vavo kunaturapo maruyendo ghaku Egipite, vahana kupura lipititiro lyande. Vavo kwashanine lipopero kwa Pharaoh nakuvanda mughuvando wa Egipite. ³ Makura lipopero lya Pharaoh ngalikara ntjoni denu, kuva popera, ano lipopero lya Egipite ngalishagha mughgudona, ⁴ Nampili ndi momu vatumwa vavo vayatike mu Egipite mbara ya Zoani na Hanesi. ⁵ Vavo ngava kara nantjoni mukonda yavantu ovo ngava diro kuvapopera, ovo vakaliro kapishi vavateli vavo vakuvashwaghukita. ⁶ Mbudi ya Karunga kuhamena vikorama vyamumburundu: Vatumwa vayendiro vavindakane virongo vya shiponga omo vakara vanyime namayoka ghaushungu na vambaura. Vavo kurondeka dimurongerero davo pavidongi na ngamero na maghushwi ghandiro mukutwara kushirongo hana kawana mbatero. ⁷ Mbatero ya Egipite ya hana mutompo. Ano nakara nalidina lyapeke lya Egipite, mbaura ya kudira shiponga. ⁸ Kwantantilire nitjange mumbapira vantu omo vatanta, mposhi ngalikarepo lipunguro ghukarodona wavo omo watanta. ⁹ Vavo vatundako kwa Karunga, kehe pano vipempa, kehe pano kushwena kutegherera marongo gha Karunga. ¹⁰ Kutantera vaPorofete, '' Vashamona'' ntani nakudira kughamba vyauhunga. Tutantere vyo tunashana kuyuva. Tushuve tukare muvipempa vyetu. ¹¹ Tundamo mundjira yetu wahsa tutjayira. Kapi tunasha kuyuva kuhamena Karunga ghoye wa kupongoka wa Israel. ¹² Ovino mbyo ana kughamba Hompa wa Israel: Muna ncenuna kovyo namutantera mbyo muna kuhamitiri mughukorokoshi na muvipempa. ¹³ Muva ndjoni, Anwe kunakara likuma lyalire linakaro namuta ghuna taghuro mukatji; natntani muwe. ¹⁴ Kuna kuyenda vamukwite yira poto walirova, lidjonauko lyalinene pahana kuhupara karuvambi kakuyukita mundiro ndi kakuvetita mema. ¹⁵ Mupangeli Hompa Karunga wa Israel kuna kutantera mbunga, vyukenu kwande muhuguvare me. Munnkondope mukare mulipopero, '' Mukonda munashwena kuviruwana. ¹⁶ Mbyo muna ghayara kushenduka vana nkore venu muduke natukambe. Mundjira munakara kutjwayuka nkokukarapo, anwe kuna kughayara ashi nkambe denu kuyomona unene, ano adi ngadi mushupuro dapitakana unene. ¹⁷ Mayovi gha mbunga yenu ngamuduka opo ngamumona mukavita wa vanankore venu, ano vakavita vatano vanagwana mukumutjida namuvantje. ¹⁸ Hompa Karunga munankondo kuna kutaterera mukumuyuvira nkenda. Ghuye anaku wapayikiri mukumufera nkenda mukondashi ghuye kuruwana vyauhunga; valirago mbovo vahuguvaro mwa Hompa. ¹⁹ Anwe vantu mwatungo muJerusalema kapi ngamulira nka. Karunga kwakara mulikeverero, opo mulilira likwato kwendi, ngamulimburuka. ²⁰ Karunga ngamupitita muvirugho vyaudito, ngoli ghuye mwene ngakarako mukumuronga, kapi ngamumushana nka, Mpili ndi ngamuyende ghure rulyo na rumontjo, ²¹ ngamuyuva liywi lyendi kuna kunaghamba, '' Yino ndjo ndjira, yikwamenu.'' ²² Ngamuhupa vaKarunga venu vavipempa vatika siliveri na ngorodo muvavukumine kunya yira hando, kumwe nakuyiyira, '' Vipitikenu kunya.'' ²³ Opo ngamukuna mbuto yenu, Karunga ngatuma mvhura mukuyi kulita nakutupa muyangu djuni, ntani vimuna vyenu ngaviwana malyero ghamawa ghakugwanenena. ²⁴ Hove navi dongi vyakupurura ngavilya ndya dadiwa. ²⁵ Liyuva olyo ngava tunda vana nkore yenu navantu vavo ngava vadipaghe, runone rwa mema ngarupupa kwa kehe ndundu navindundu wena. ²⁶ Kakwedi ngakatwedera yira liyuva, ano liyuvha ngalitwedera rutano naruviri kupi takana pakare, yira ghukenu wa mayuvga matano namaviri mwalimwe. Ovino mbyo ngavishoroko Karunga ngaverura vironda vya vantu vendi. ²⁷ Nkondo da Karunga na Untungi wendi ngavaumonena kughure, mundiro namuti kunegha ugara wendi, ghuye kughamba nkango yendi kutwera yira mundiro. ²⁸ Ghuye kutuma mpepo kumeho yendi yira ruhandjo runa kuhanauro navintje. Rwaro kudjona ghura virongo nakushayikita maghudona naghantje. ²⁹ Ano anwe, mbunga ya Karunga, ngamuhafa na kuyimba yira momu mwaviruwananga muvipito vya ndjambo. Ngamuhafa yira mbovo vayendango mundjira yamatangaukiro gha ntembeli ya Karunga, mupopeli wa Israeli. ³⁰ Hompa Karunga ngarenka vayuve liywi lya ghu Hompa wendi, ngakukarako maraka, maremo ghamadito, tumawe, na mvhura ya kutjilita. ³¹ Ano va Vaalisi ngava yomapa opo ngavayuvha liywi lya Hompa Karunga ngava yuvha matengeko a Hompa. ³² Ano Hompa Karunga mukutwikira matengeko ghendi ghantuvilira, mbunga yendi nga vawana ruvede rwa kuyimba na marumbendo, Hompa Karunga ngarwa nava Vaasilia. ³³ Kare-kare vamana kuwapayika livango oko ngakukaro mundiro ngauveveko vakurona yenditi va Vaasilia, lyalyo valitima lyarepa ano valirundayika vikuni. Hompa Karunga nga lisheterera maraka gha mundiro mukutweda mundiro ngautwere.