¹ Lighudi unene kwa Ariel, Ariel, mu nkurumbara omo Ndafiti vamukundurukidire! Kuwederera mwaka ku mwaka, kure nka vilika vya kukukwama. ² Mara ame nganitapa Ariel, ntani ghuye ngakara muruguvo na shiliro; ntani ghuye ngakara kwande yira Ariel. ³ Ame ngani dingurukida ghunkore koye muli ghuta ntani ngani tura ghuna nkore koye na ndarate, ntai ame ngani wederera ghutapi viruwana kughuna n kore woye. ⁴ Ove ngava kughurumwita palivhu ntani ngaghu ghambera palivhu; ove shighamba ngashi kara kuntji ya mbundu, liywi lyoye nga lishaghara yira mpepo yina kuyungo palivhu ntabni pandje ya mbundu shighamba shoye ngava shighoghota. ⁵ Panomora yayinene yava na nkore ngava kara yira mbundu tayi walika, ntani na kuwederera kulidiro lihuguvaro yira viruhupwa ovyo vinapito kushuka. Vyavyo kushoroka wangu wangu, mu kupepumuka. ⁶ Karunga ogho aviturapo ngaya koye na ruvad, likinko livhu, muyoyo waghunene, na mpepo ya nkondo ntani mawe gha nyanya, ntani na marakanya gha kukwangulita pamundiro. ⁷ Ngavi kara yira kunaroto, oyo ndjodi ya kumatiku: mukavita wakuyendaura mudimuhoko nadintje ngarwanita ghuna nkore Ariel ntani ghuna nkondo wendi. Vavo ngavahomokera ghuye ntani ghuye kunkondopeka muku valya papendi. ⁸ Ngavikara yira ruvede rwa ndjara muntu kunakurota ghuye nakulya, ene ngoli pakurambuka, ghuye lipumba lyendi munderemo. Ngavi kara yira shirugho sha linota munru kuna kurota ghuye nakunwa, ene ngoli pashirugho shaku rambuka, ghuye kupwilira, ngoli ghuye linota ngoli kapishi makuta. Ghushiri, ngapa kara nomora dadinene da dimuhoko odo ngadirwanito ghuna nkore Mount Zion. ⁹ Kutetuka koye naghumoye ntani kara ghunatetuka; ghutwiku kwana ghumoye ntani kara ghutwiku! Kara ghuna korwa, ngoli kapishi na vinyu; ndjwe ndjwe, ene ngoli kapishi navikorwita. Karunga ¹⁰ asheghumukitiri mpepo papendi pandje ya kuporokera muturo. Ghuye afiki mantjo ghoye, vaPorofete, ntani a dwatekire mutwe davo, kumantjo gha mbunga. ¹¹ Navintje vishororwa vya yire kwendi murupe rwa nkango ya mu mbapira oyo vafika, uni n dje muntu wakuvura kutapa kwa umwe ogho akushongo, kughamba, '' Varura vino,'' Uye aghamba nka, '' Ame kapi nivura, kwavyo va fiki,'' ¹² Ntjene yi mbapira kwa yitapire kwaumwe wa kudira kuvarura, kughamba, '' kuvavura vino,'' uye aghamba, ''Ame kwato kuvarura.'' ¹³ Hompa aghamba, Ova vantu kunaya kukwande natunwa twavo ntani kufumadeka me nangegho davo, ene ngoli dimutjima davo ghure name. Lyavo lifumadeko kukwande kwakalire tupu dimuragho da vantu odo vava tantilire. ¹⁴ Mpo ngoli, kukengfa, Ame kuni twikira kuruwana vininke vya kutetukita mukatji kavano vantu, vitetu na vitetu. Kuukonentu wa vantu vaukotoki ngaudongonoka, ntani ku yuvilira vyavo ngavi dongonoko vantu ngava dongonoka.'' ¹⁵ Lihudi kuna vantje ovo ngava horeko unene mafaneko ghavo kwa Karunga, ntani are wakuruwana mumundema. Ava ghamba, '' Are wakutukenga atwe, '' ntani are wakutuyiva atwe?'' ¹⁶ Ove ngaupirura vininke vyakaropo! Kuvura mushongi lirova amoneke yira lirova, mposhi ovyo vininke varuwana kuvura kughamba kuhamena kwendi ogho aviruwano, '' Ghuye kapi amuruwanine uye,'' ndipo kuvininke ovyo ashongire kughamba kuhamena kwendi ogho avitendiro vyavyo, '' Ghuye kapi avulire kuyiyuva? ¹⁷ Mushirongo shashifupi, Lebanon ngali kutjindja livango, ene ngoli livango ngalikara mutitu. ¹⁸ Muliyuva linya va vipuru-puru ngavayuva nkango dayinya mbapira, ntani vamantjo ghakudira kukenga ngava kenga pandje ya likuru ndema. ¹⁹ Kulirenkereremo ngali vyukuruka kushamberera mwaKarunga, ntani mukatji kaVantu varuhepo ngamukara umwe walishamberero muUpongoki wa Israel. ²⁰ Muku dira lihuguvaro ngavishagha, ntani wakushinda ngadongonoka. Navantje ovo vahoro kuruwana viruwanadona ngava vadjonaurapo, ²¹ are wa nkango anaruwano muntu atunde ku undjoni. Ava tura shiraha sha mwene are anahepo mbatero ya uhungami palivero ntani kutura muhungami palivu na vipempa vyamaghoko-ghoko. ²² Mpo ngoli ovi mbyo Karunga aghambire kuhamena kumundi wa Jakopo-Karunga, ogho ayogholiro Ab raham, '' Jokopo kapi nkangakara ntjoni, n di kuvura shipara shendi kukara ruvara. ²³ Ene ngoli ruvedero ghuye pakukenga vana vendi, kuviruwana vya kumaghoko ghande, vavo ngava tura lidina lyendi upongoki. Vavo ngava tura upongoki kulidina lyava pongoki umwe waJakopo ntani vavo ngava yimana mulikwatitoko lya kwa Karunga wa Israel. ²⁴ Navantje valipuko mumpepo ngava yuvilira, ntani varunyeghenyo ngakuronga uyivi.''