¹ Lihudi lyalinene kwa vanamfumwa vayenga kwa nkehe nkorwi da Efraim, na dimucuko nida kudiro kutemuna, pawiru ya ndudndu datundiliranga vinyu! ² Kwaterera, Karunga atuma mutumwa apuro uye nka nkondo: yira fura yamawe, likunduku, yira mvhura yamudumbi na mema gharupupo; nakuya hanaghura lipititiro lya vankorwi palivhu. ³ Makunenepito ghalipititiro lya vankorwi ngavalilyatera kuntji dampadi. ⁴ Dimucuko ngadikombanita mulyo wado, palivhu lya ndombwe pawiru, ndo ngadihovo kughora kumeho ya kwenye, makura, nkehe ghuno mpo ngavimona, vyavyo vinakara mumaghoko ghendi, ana vimanapo. ⁵ Muliyuva lyo Karunga atuturopo ngakara nkata ya kuvedima na shineyedito shashiwa mukuvhurukita vantu vendi, ⁶ mpepo ya ghuhungami kogho ashungiro mughupanguli, na kupameka kovho vavyutiro vana nkore vavo kumaruha ghavho. ⁷ Mara na mpili likeverero lya vinyu na kupundauka na vidwa vya nkondo. Varuti na vaPorofete vakevelire vinwa vya nkondo, na kuvimina na vinyu. Avapundauka na vidwa vya nkondo, shitambo shakukora na likeverero lya matokoro. ⁸ Ushiri, ntishe nadintje kwadikavire na viruki, kapi kwakalire livango lya likenu. ⁹ Kware nga shonga ghuyivi, na kware ngashingonona mbudi? Kwava vatoveka vatunde kumashini ndi kwava vaghupa vatunde kumashe? ¹⁰ Kutunda lirawiro kuyenda lirawiro, lirawiroro kuyenda lirawiro; veta kuyenda veta, veta kuyenda veta; pano visheshu, panya visheshu. ¹¹ Ushiri, na ngegho daushoti na liraka lya va ntunda virongo nga ghamba kwavano vantu. ¹² Shirugho shakapito aghamba kwavho, '' Lino lipyuyumuko, tapa lipyuyumuko kwagho anaroroko; a peperereko,'' ana ngoli kapi vaterelire. ¹³ Makura nkango ya Karunga ngayikare kwavho lirawiro kuyenda lirawiro, lirawiro kuyenda lirawiro, veta kuyenda veta, veta kuyenda veta, pano visheshu, kunya visheshu; poshi ngavayende na kuwa kangaranyima, na kutjoka, kuvakwata na kuvatura mumpangero davho. ¹⁴ Teghera kunkango ya Karunga, kwenu vakushopa, anwe mwapangerango vano vantu vamuJerusalema. ¹⁵ Vino ngavishoroka mukonda mwaghambire, '' Twa turapo likuyuvho na mfa, na mushirongo shavafe twaturapo likuyuvo. Opo ngayipita mpepo ya kupongoka ruhafo, kapi ngaruyatika kwetu. Makura twakonga vapopeli vetu, na kuupa ushiri muliparu lya ghupuli Karunga. ¹⁶ Makura Hompa Karunga atanta, '' Kengenu, nganirangeka muZion liwe lya ushiri wa lipuliro, liwe lya kutapa ukonentu, muntu waghushiri na lipuliro, lipuliro lya ushiri. Gho apuro kapi ngafa ntjoni. ¹⁷ Nganitura uhungami ghukare metera ya ushiri wamahuguvalito na mulyo wa una nkondo waKarunga wakukarererapo. Heyili nga kwerapo vapopeli vamapempa, ruhandjo kuvhumbika mavango avandamo. ¹⁸ Likuyuvo lya kufa ngalitundamo, likuyuvo nashirongo shava fe kapi ngalikarapo. Opo ngarupupa rupupo rwaruhandjo, ngarumuvhumbika. ¹⁹ Nkehe kuno ngarupitira, ngarumuvhumbika, ngurangura dogoro ngurangura rwaro ngarupita na matiku na matiku ngaruya. Rruvede ro ngamukayuva mbudi, ngaliyitika ghoma. ²⁰ Mbete difupi kwa vakafumu mukukughonona, ngugho yididi mukuyikufika mwene.'' ²¹ Hompa ngarambuka yira ndundu ya Perazimu; nga kumanga mwene mulidamenena lya Gibiyona ngaruwane vininke vyendi, viruwana vyendi vya kutetukita, aneyeda vitetu. ²² Weno kwato muteghu, likukwatakano lyenu ngalikara lya kupama, ndjenditito da lidjonauro udjuni. ²³ Kwatenu lighano na kuterera livhu lyande; kwatalighano na kutegherera nkango dande. ²⁴ Dima wakupurura nkehe liyuvha kukuna, ndi kupurura palivhu? Ghuye kutwikira atavaure livhu na kuupa mo ntjitwa ya kudira kuwapa mulifuva? ²⁵ Opo awapayikire livhu, kapi wamwayire ntanga, kukuna livinga ghuli, kutura vilya mumutete na viberesi palivango lya uhunga, na rukokotwa kushikondo? ²⁶ Karunga wendi amuneyeda; ani shongo nawa nawa. ²⁷ Mwamuyingi, ntanga da kumwaya kapi vadihangwilire kuviyendera, kwato ambirumukiliro pa livinga ghuli; mara ntanga dakumwaya kwadi djonawire na vitondo, na livingi ghuli na shitondo shalirovo. ²⁸ Rukokotwa varutulire rwa mboroto mara kapi rwawapelire nawa nawa. na makosho ghakarukara kendi na kakambe kendi ava vimwaya, kakambe kendi mwasha kadjama. ²⁹ Vino navyo kwatundilira kwa Hompa muturwapo, ogho awapo mukuneyeda na ukonentu wakuwaperera.