¹ Umbangi walimoneko kumuramba wa Shimoko: Mukonda munke munayendere kundjumurangu ya ndjugho? ² Anwe kuvhura ngamuyuve munkurumbara muyoyo, mudoropa ruhafo? vafe venu kapi vavadipayiire kurufuro, ntani kapi vafire muvita. ³ Vampititi venu kwaduka vahana kuponyako nampili umwe navantje vava kwatire kumwe momu vadukilire kwaghure. ⁴ Mbyo naghamba ashi, '' Washa konga kukwande, kunilira unene.'' Washa sheteka kuntjengawida kulidjonauko lya monande wa mukadona.'' ⁵ LIyuva lyamapiyagano, linatiki papepi, ntani lipiyagano kwaHompa Karunga waviturapo, mumuramba wavimoneka, libamauro lyalikuma, ntani vantu ngava lilira kumandundu. ⁶ Elamu nga upa ncunu, kumwe namatemba ntani varondi vatukambe, ntani kiri ngatura shikukandulito shendi. ⁷ Vyavyo ngavi ya vyukilira kuya kumuramba wakuhoroghora wagho ngau yakara una yura wa matemba, ntani varondi tukambe vavo ngava upa mavango ghavo ghapamavero. ⁸ Ghuye ngaupapo lipopero lyaJuda; ntani ove wakengire muliyuva linya kumauta mumbara ya mumutitu. ⁹ Anwe mwakenga nkopa damu nkurumbara ya Ndafita, vavo kwa kalire vava yingi, ntani anwe mwakashimbiro mema gha kumukuro. ¹⁰ Anwe mwa varura ndjugho da Jerusalema, ntani anwe mwadjonaurapo ndjugho mukunkondopeka likuma. ¹¹ Anwe mwarughana dimukanko mukatji kamakuma maviri gha mema mughupungwiro wakare. Ene ngoli anwe kapi mwapakilire mbili vatungi va Nkurumbara, ovo vayi rongikidiro kare kare. ¹² Hompa Karunga waviturapo ayitire liyuva linya mukulira, kuguva, mukukukurura kudimutwe, ntani kudwata vikovero vya nkali. ¹³ Ene ngoli kenga, pankedi, kudipagha ndjwi, kulya nyama ntani kunwa vinyu; renkenu tulye nakunwa, mora yona ngatu fa. ¹⁴ Vino kwa vindjivitire mumatwi ghande kwa Hompa waviturapo: '' Ushiri dino ndjo kapi ngava dimuupirapo anwe, nampiri ngamu fe, '' Kaghamba Hompa Karunga waviturwapo. ¹⁵ Hompa Karunga waviturwapo, ana ghamba ashi, '' Kayendenu kouno muna mberewa, kuShebina, oghu ana karo pawiru yandjugho, ntani kughamba, ¹⁶ ' Vinke una kuya ruwana ko kuno ntani are ana kupo lipulitiro lya kukutetera naumoye mbira, kutima mbira yayire ntani kushonga livango lyakupyiyumukira muliwe?''' ¹⁷ Kenga, Hompa tantani tupu akuvhukume, mukafumu, ntatani aku vhukumine palivhu; ghuye ngakumamatera ndji-ndji. ¹⁸ Ghuye ngaku pepumuna ngakudinge, ntani ghuye ngakudinga yira mbara mukatji kashirongo. Kunya ngaghu kadohoroka, ntani uyerere wamatemba ghoye ngau kakara; ove ngau kafa ntjoni kundjugho yamuhona ghoye! '' ¹⁹ Ame ngani kurwanita kutunda kumberewo yoye ntani kutunda kulivango. ove ngani kukora nikughurumwite. ²⁰ Lyalyo ngaliya muliyuva olyo ame ngani kugha mukareli wande Eliyakimu mona Hilikiya. ²¹ Ame ngni mudwateka lirwakani lyoye ntani ngani tura papendi shikoverero eshi ngatura pamapepe ghendi, ntani ame ngani tuma una nkondo ghoye mumaghoko ghendi. Ghuye ngaka kara sha wavatungi vamu Jerusalemu ntani kundjugho ya Juda. ²² Ame nganitura tjapi dandjugho ya Ndafita pa mapepe ghendi; ghuye ngagharura, ntani kwato oghu ngaghoko; ghuye ngaghara, ntani kwato ogho ngagharuroko. ²³ Ame ngani mukwaterera, ngakare lidi mulivango lyalipopero, ntani ghuye ngakara shipuna shauyerere mundjugho davashe. ²⁴ Vavo ngavatura ghuyerere nauntje wava shavo papendi, vana narudi, shishimbirwa shididi unene kutundilira kunkinda dogoro kutundimbe. ²⁵ Muyuva oyo--- uno ngo umbangi waHompa waviturwapo---lidi ngava litwara mulivango lyakukarererapo, kushitaura, ntani mukumo wakaliroko ngava ghuupako---Hokmpa mbyo ana ghamba vino.