¹ Ghu ngambi wakuhamena ku mburundu ya lifuta yira momo yayunganga mpepo yayinene yipepe ku Negev yiye yiyapite kutundilira mumandundu, dogoro kushirongo shashidona. ² Ava negheda limoneko lyakuyitira nkenda: mukafumu wa kupira lihuguvaro kurughana vya kupira kuhungama na mudjonaghuli ghuye kudjonaura. Shapuka uka homone; Elam, mukatji kavakavita, vanambudi; ngani shayikitapo maruhepo ghendi naghantje. ³ Mpo ngoli ruha rwande rwarutu runayura kukora; kukora yira mukamali anakushampuruko vinavareke kukara naudona kukwande; kuna kudonganita ovyo nakumona. ⁴ Mutjima wande kuna kupuma; nakukankama kuutjirwe. Matiku gha kalire litokoro lyande, mara vya ndjitilire ghutjirwe. ⁵ Ava wapayiki shitafura, ava yarapo shipapa sha shikoroma avali na kunwa; shapuka, vana vaHompa vavakafumu, waveka shikukandulito shoye na maghadi. ⁶ Pavino mpo aghambire Hompa kwande ashi, '' Yenda, katume mukengeli anakona katanta ovyo a mona. ⁷ Apa amonanga tukarukara twavakavita na mbunga yavarondi tukambe, varambiti vapatukambe, na varambiti vapangamero, anakona kutegherera na kupukurukwa.'' ⁸ Mukengeli adameke kulira, '' Hompa, kundagha-ndagha yalinomeno na yimana liyuva nalintje, kehe liyuva na palivango lyavirughana nayimana matiku naghantje'' ⁹ Apaya tukarukara twavakavita na mukafumu na mbunga yavarondi tukambe. Ayiyiri, '' Babylon yina ghu, yina ghu, na naghantje mavango ghaghuvando ghava Karunga ngagha djonaukira palivhu.'' ¹⁰ Mantorwa ghande navo vashenga, vana varupare rwande nayuva kwa Karunga waviturapo, Karunga wa Israel, mbyo natapa ghu ngambi kwenu. ¹¹ Ghu ngambi wakuhamena ku Duma. kutundilira kushirongo sha Seir umwe andjita, '' MUkengeli nke vinahupoko vya kumatiku? Mukengeli nke vina hupoko vya kumatiku?'' ¹² Mukengeli aghamba ashi, '' Ngurangura kuyiya na matiku nagho ntjene unahoro kupura, pura; ntani ukavyukanka.'' ¹³ Ghu ngambi wakuhamena ku Arabita mumandundu gha Arabita mo ukara matiku, ove mbunga yavantu va Dedanite. ¹⁴ Yita mema kovo vanakufo kulinota vatungimo vamushirongo sha Tema, yitenu ndya (mboroto) kovo vanakushenduko. ¹⁵ Ovo vanakushenduko kulifuro, olyo ngalitundo papepi kughuta wankandja, na unene wavita. ¹⁶ Pavino Karunga mpo antantilire ashi, '' Momuno mumwaka, murughani ogho vanakutu pa namwaka ngvikukengera, ghuyerere nauntje wa Kedar ngaushaya. ¹⁷ Vavasheshu tupu ngavahuparopo na uta wankandja pavakavita va Kedar,'' Mpo Karunga, Hompa wa Israel, anaghamba.