¹ Tegherenu kwa yino nkango, anwe yira ngombe varera nawa damu Bashani, anwe muna karo kumandundu gha Samaria, anwe muna kurenkero mo vahepwe, anwe muna kukanduroko vatumbukirwa, anwe muna kurawiro va vyenu, "ashi yitenuko vinwa." ² Hompa Karunga mughano ghendi ghakupongoka, Kenga, liyuva ngaliya omo ngava mushimbira kumarovo, nkehe ghuno wenu ngakara yira ntjwi dakulirovo. ³ Anwe ngamurupukira mupitire mudimufa dalikuma, kehe ghuno ngavyukilira mpopo a rupuke mo ntani anwe ngava muvukumina pandje kuviha vyaHarmon-ghuno ngo ngoli mughano waHompa Karunga." ⁴ "Yenda ku Betheli nakadjona, kuGilgali nakavukita ndjo, yita ghushimurongo shoye mukehe liyuva lyautatu, ⁵ Tapa ndjambo yarupandu namboroto; yuvita naghumanguruki kuruwana, anwe vana vaIsraeli- Vino mbyo ana kungambipara Hompa Karunga. ⁶ Ame natulitapo ghukenu wamayegho munkurumbara detu nadintje ntani mukupira mboroto mumarongo ghenu naghantje. Ngoli shimpe kapi ghuna vyuka kwande mbyo ana kughamba Karunga. ⁷ Ame nashwenikire kurokita mvhura kwenu opo dakalire shimpe mwedi ntatuka, kumeho yamuyangu. Ame nayirokitilire munkurumbara yimwe , nakurenkita yidire kuroka munkurumbara nayopeke. Ruha rumwe rwa shirongo yarokire mo, ngoli ruha rumwe rwa shirongo omo ya pilire kuroka amukara rukukutu. ⁸ Nkurumbara mbiri ndi ntatu ngava pundaghuka vayende kumbara nayopeke vakamwe kumema, ngoli kapi ghaghangwanena po, shimpe kapi ghuna vyuka kwande- vino mbyo ana kughamba Karunga. ⁹ Nakuyuvitire kukara naMaghorwe. Namughungi wavipata vyenu; vikunino vyamandjembere ghenu maghukuyu ghenu, navitondo vya maghuywe- mambonde ngavigha manepo navintje. Shimpe kapi wavyuka kwande vino mbyo ana kungapipara Karunga. ¹⁰ Natumine me mahepeko koye yira momunya naruwanine muEgipute. Nadipayire vanarumwe narufuro, ani kwata tukambe twenu nakumushetelita lidumba lyamukamba denu mumbendende damayuru ghenu. Shimpe kapi mwa vyuka kwande- vinombyo ana tokora Hompa. ¹¹ Ame anidjonaura nkurumbara denu, yira moomo Karunga adjonaghura Sodomu naGomorrah. Omo wapalire yira shitondo vanayokora mumundiro. Shimpe kapi ghuna vyuka kwande - vino mbyo ana tokora Hompa Karunga. ¹² Mpo ngoli ame ngani ruwana vyavidona ghunene koye, Israeli; nakonda ame ngani ruwana vyavinene koye, kuwapayikira mukugwanekera naKarunga ghoye, ove Israeli! ¹³ Pahuka, kenga, ogho a totopo mandundu ntani kutura po mpepo, a shororo maghano ghendi kuvantu, ogho aturapo ruvindwira nakutunga kumavango ghakuyeruka mughudjuni. Hompa, Karunga wankondo, ndyo lidina lyendi."