¹ Teghererenu kunkango ghaghambire Karunga yamurwanitiro, vantu vamu Israeli, varwaninalikoro nalindje olyo naghupire mushirongo Egipute; ² Ame ove tupu natoghorora mumakora naghantje pano palivhu mpo ngoli ame ngani mutengeka nwe kundjo denu." ³ Ntjene ghavayendi vaviri kwandi vanakuyuvu ndi? ⁴ Nyime kuvhura ghanunge muwiya pahana kukara vintu ndi? Nyime ghona kuvhura gha ghone paghuraro wendi ahano kukwata kehe vino? ⁵ Kuvhura shidira shiwere mushiraha osho vanadiri kuteya? Shiraha kuvhura shimahuke palivhu shahana kukwata kehe shino? ⁶ Ntjene muyoyo wangamo ghushayare munkurumbara, vantu kapi vakakama? ⁷ Ushiri shiri Hompa Karunga kwato vyo ngaruwana kwandi ghuye kwavi shorolire shitambo kuvakareli vavaporofete. ⁸ Nyime ghuye anunga; are walye ngadiro kukara naghoma? Hompa Karunga aghamba; are ngadiro kutanta nkango? ⁹ Kayuvitirenu vino nalipameko muAshdod ntani mukapaka mushirongo sha Egipute; aghamba, kupongayikenu pandundu yaSamaria ntani mukukenga mapuko gha manene ghakomwendi. ¹⁰ Kutwara mwavo kapi vayiva kuruwana vyaghuhunga ghuno ghumbangi waHompa - vavo vakupungwira nyanya ntani namapuko muvindjonaura vyavo." ¹¹ Mpo ngoli shi vino mbyo aghamba Hompa Karunga: vanankore ngavamukundurukida mulivu lyenu, ntani vavo ngava mughupa ghunankondo wenu mukumushakana nwe nalipameko." ¹² Vino mbyo ghana kutanta Hompa; yira momo vapopilire mukungi wandjwi mukanwa kanyime maghuru maviri, ndi po ghugcene walitwi, ngoli vantu vamu Isaraeli vatungo muSamaria nga ngavava popere, vavo ngava shuva po tupu shipuna ndi po ghugcene wambete." ¹³ tegherera ntani ghutape ghumbangi nakurwanita mundi waJacob - oghuno ngo ghumbangi wa Hompa Karunga, Karunga wakutapa ghuturo: ¹⁴ "Liyuva olyo ngani tapa matengekero kundjo dava Isaraeli, mpo nka ngani tapa matengeko ku Altare yaBethel. Mbinga daku Altare ngava ditetako ngadiwere palivhu. ¹⁵ Ame ngani djanaura ndjugho yapakufu nandjugho yapakwenye. Ndjugho dambinga ngadi fererera ntani ndjugho dadinene ngadi dongonoka - oghuno ngo ghungambi waHompa."