¹ Makura Ahithophel aghamba kwaAbusalomu, ''Weno kuvura kuyenda nika toghorore vakafumu mayovi-ro-mbiri, ntani kunashapuka nishupure Daviti matiku. ² Kuniya kukwendi uye anakasha niyamutetukite na ghoma. Vantu ovo vanakaro naye kuva duka, kuni kahomwena tupu hompa. ³ Kuna kuvyuta vanu navantjeya, yira mukwali anakayo kwamukafumu wendi, ntani vantu navantjeya kuvakara mumpora nove.'' ⁴ Ovyo Ahithopel aghamba vyakuhafita Abusalom ntani navakurona vaIsraeli. ⁵ Makura Abisalomu aghamba, ''Weno yitenu Hushayi wamuArkite, haye, nakurenka tuyayuve ovyo akaghamba.'' ⁶ Opo Hushai aya kwaAbsalom, Absalom ghashingonona kukwendi ovyo Ahithophel akaghambire makura Hushai apura, turwane mbyovyo anaghamba Ahithopel ndi? Ntjene kapishimo, tutantere ovyo unakukorangedako.'' ⁷ Mpo Hushai apukire kwaAbsalom, ''Makorangedo ogho Ahithophel anatapa runo ruvede kapi anawapa. ⁸ Hushai awederereko, ''Wayiva vasho navakafumu vavo kwakara navarwi vakupama ntani vavo varuru, yira libiyeri vanavaka vininke vyendi mulifuva. Vasho mukafumu wavita; Kapi arara kumwe nava rwivita matiku ghanamuntji. ⁹ Kenga, weno uye kuvhura anavanda mumakwina ndi walye kumavango ghamweya. kuvishoroka ashi vamwe vavakafumu voye kuvakava dipagha kumatamekero ghalihomweno kehe uno aviyuvho kuva kavighamba, lipagho lina karo mukashi kavarwi vita ovo vakwamo Absalom.'' ¹⁰ Makera nampiri varwi vankondopo unene, ovo vakara dimutjima davo yira davanyime kuvatjiramukonda ashi vaIsraeli navantjeya vayiva ashi vasho mukafumu wamunene, ntani ashi vakafumuvanakaro mumwendi ne vakora. ¹¹ Mbyo ngoli nakumukorangeda ashi vaIsraeli navantjeya vakupongeke kumwe kukoye, kutunda kuDan dogoro kuBeersheba, vavayingi yira musheke wakuntere yalifuta ntani muyendo muvita. ¹² Makura kutukayenda papendi kehe uno vawana, ntani kutuyamufika yira momo ndaghu yafikanga livhu. Kapi tukashuva nampiri umwe wavakafumu vendi, ndi nampiri naumwendi, uyumi. ¹³ Ntjene ngadimburura mushita, makura vaIsraeli navantje ngavayita marughodi kushitata shinya ntani ngatu shikokera mumukuro, dogoro ngapakare pato nampili liwe lyakuwanapo.'' ¹⁴ Makura Abusalomu navakafumu vaIsraeli avaghamba, Hushai wamuArkite makorangedo ghendi kupitakana gha Ahithophel.'' Homoa atungika lishweneno lyamakorangedo amawa gha Ahithophel mukuyita lidjonauko kwaAbisalom. ¹⁵ Makura Hushai aghamba kwaZadoki ntani kwa Ahitopel ghakorangedire Absalom navakaruha aIsraeli momo na moo mundjira yo, enengoli ame na ghambire vyapeke nka. ¹⁶ Weno ngoli, Yendenu wangu-wangu mukatate kwaDavid. Mukatante kwaDaviti. Mukaghambe kukwendi, 'Kapishi murarere muArabah, enengoli mukehe ndjira mukapitepo, ntjene kapishi ngoli hompa navantu vendi kuva kamumina . ¹⁷ Weno Jonathan na Ahimaaz vakalire kurogel. nkwami wamukamali kayendanga ghavatantere ovyo kavashanaga kuyiva, mposhi kapi vature mapuro ghavo mushiponga kuyenda mushitata. Opo yayire mbudi vavo vashanirekuyenda vakatantere Hompa Daviti. ¹⁸ Enengoli mukafumu wamwnuke avakenge ruvede runo nakatantera Absalomu. Mpo vaJonathani na Ahimaaz vakayendire wangu-wangu nakaya kundjugho yamukafumu muBahurim, ogho akaliro nalitope mumundi wendi, omo vaka kalire. ¹⁹ Makura wamukafumu aghupu shifikito shakulitope linya nakafikako, nakaturako mbuto, Momu kwato ayiviro vaJonatan na Ahimaaz kwakalire mulitope. ²⁰ Vakafumu vaAbsolam avaya kwa mukamali wandjugho yina nakughamba, ''Kuni vana kara vaAhimaaz naJonatani?'' Mukamali avatantere ''Vanavindakana mukuro.'' Makura opo vamanine kukenga kenga na kapi vavawanine, avavyuka kuJerusalema. ²¹ Aviya opo vatundirepo vaJonatani naAhimaaz avatundu momulitope. Avayendi vakatante kwahompa Daviti; avakaghamba kukwendi, ''Rambuka nauvatuke mema wangu-wangu mora Ahitophel anatapa lighano olyo kuhamena kukoye.'' ²² Makura Daviti arambuka navantu navantjeya ovo akalire navo, na kuruta mukuro waJordan kungarangura kwato umwe wapapavo ogho anavidakano Jordan. ²³ Opo Ahithophel akengire ashi lighano lyendi vanalikwama. Ghakutiri vidongi vyendi nakuyenda kushitata shendi. Akatura ndjugho yendi nawa nakumangerera mwene. mpo afire nakumuhoreka muntope yavashe. ²⁴ Makura Daviti aya kwaMahaniam. kwaAbsalom, uye arutu Jordan, uyena navantu vaIsraeli. ²⁵ Absalomu atura Amasa pavarwi vita hana Joab. Amasa kwakalire mona Jether wamu Israelite, ogho ayendiro ku Abigail, ogho akaliro mona nakashi ntani mukurwa Zeruiah, vawina vaJoab. ²⁶ Makura vaIsraeli naAbisalom avararere mushirongo shaGilead. ²⁷ Aviya opo Daviti ayire kuMahaniam ashi shobi mona Nahash wakuZabbah umwe wava Ammonite, ntani Makir mona Ammiel waku Lo Debar, na Barzillai wamuGileadite wakuRogelim, ²⁸ Ayitire vyakurara, ngugho, marukere na vapoto, namburumera, utura wakukanga vikuki, mbuto yakuyota, makunde, ²⁹ Ushili mbuta, vindjwi, na mashini, mposhi Daviti navantu ovo anakara navo valye. Varume vanya vaghamba, ''Vantu ndjara, vanakasha, nalinota mumburundu.''