¹ Opo ayendireko tupu Daviti kanano ghona kundundu ruvede rwakurombo, akugwanekere naZiba mukareli waMefibosheti navidongi viviri ana rondeke murongerero; pavyo kwakalirepo dimuntje damboroto mafere maviri, navshokombwa vyamandjembere lifere limwe, nadimungome lifere limwe lyaukuyu, natjako yashipapa omo yakalire vinyu. ² Hompa atantere Ziba, ''Morwa nke ghuna viyitiri vino kuno?'' Ziba alimburura, ''Vidongi vyahompa nalipata lyo murondepo, mboroto navikuki vyaukuyu vyavantu voye valye, ngoli vinyu yankehe uno ogho anaroroko mumburundu amwe." ³ Hompa aghamba, ''Makura kuninko mutekurwa ntilyoye?'' Ziba alimburura hompa, Kenga, ghuye kuna mushuvu muJerusalemu, morwa kuna ghamba, 'Namuntji lira lyaIsraeli kulivyuka ngoli kuuhompa wavavava kukwande.''' ⁴ Makura hompa atantere Ziba, ''Kenga, navintje vyahamo kwaMefibosheti ngoli ngavikara vyoye.'' Ziba alimburura, ''Nanyongama mukukufumadeka, ntilyande, hompa. Renka nikuhafitange mushikenga mantjo ghoye.'' ⁵ Opo ayatikire hompa Daviti pepi naBahurimu, arupukamo mukafumu wamukafumu wamulira lyaSauru, walidina lya kaliro himeyi mona wamukafumu waGera. Arupuka aya finge ayenda afinga. ⁶ Avhukumanga Daviti mawe nakunavantje marenga ghaDaviti, kupitira manyenye kuvakavita navakungi rutu ovo vakaliro kurulyo nakurumontjo rwaDaviti. ⁷ shimeya ava yita mulifingo, ''Kayende, tundamo muno ove mukorokotji, ove mukafumu wamurudiyi! ⁸ Karunga ana futu navintje koyo honde watetanga mulikoro lyaSauru, mulivango olyo ghuna kupangera. Karunga ana tapa uhompa mulighoko lya monoye wamukafumu Abisalomu. Kuna ya mukonda yakukombanita ove mukafumu wamurudipayi.'' ⁹ Makura Abishayi mona wamukafumu waZeruya, atantere hompa, ''Morwa nke yino mbwa yakufa ntilyande hompa? Kanderera renka nimuyenderere kumwe nikamutete mutwe.'' ¹⁰ Ngoli hompa aghamba, ''Vinke ovyo nikuruwanena, mona wamukafumu waZeruya? Walye evi ana kunfingira mukonda yaKarunga ana vimutantero, 'mufinge Daviti,' Are ngoliwakuvhura kumutantera, 'Morwa nke ghuna kufingira Hompa?'' ¹¹ Makura Daviti atantere Abishayi navakareli vendi navantje, ''Kengenu, vana vande vavakafumu, ogho nayita atundo murutu rwande, ndje anakushano kudipagha. Vinke vyavinenepo apa paghu muBenjamine ogho anahafero likombanito lyande? Mushuvenu nakutwikira kufinga morwa Karunga ana vimurawiro mukuviruwana. ¹² Walye Karungakwa mona ruhepo oru runa nkaro, kumwe a mfude navi vyaviwa morwa mulifingo vanakumfinganamuntji.'' ¹³ Makura Daviti navantu vendi ava twikiri kuyenda mundjira, okuno shimeyi kwayendire kushikondo shendi dogoro kuntere yandundu, okuno kuna kuyenda. ¹⁴ Makura hompa navantu navantje ovo akalire navo mukonda yaliroroko, makura ava yimana apwiyumuke mukonda yamatiku. ¹⁵ Makura Abisalomu navantu navantje vambunga YaIsraeli ovo vakaliro naye, ava ya muJerusalemu, ngoli Ahitofeli kumwe naye wakalire. ¹⁶ Kuruku rwaruvede Hushayi muAriki, muholi waDaviti, nko kuya kwa Abisalomu, makura Hushayi atantere Abisalomu, ''Hompa akare namonyo! Hompa akare namonyo!'' ¹⁷ Abisalomu atantere Hushayi, ''Oyino ne mfumwa kwamuholi ghoye ndi? Morwa nke ghuna diri kuyenda naye? ¹⁸ Hushayi atantere Abisalomu, ''Hawe! ngoli, nkehe uno ogho Karunga nambunga yino kumwe navantu navantje vaIsraeli ogho vanatoghorora, ogho ndje mukafumu oko nigham, kumwe nakukara naye. ¹⁹ Shimpe waro, mukafumu munke nikarera? Nakuvhurashi ngoli nikarere mulikaropo lyamonendi wamukafumu ndi? Yira momo nakalilire mulikaropo lyavasho, ame kuvhura nikukarere mulikaropo lyoye.'' ²⁰ Makura Abisalomu atantere Ahitofeli, ''Tupeko maghano ghoye ashi nke turuwana.'' ²¹ Ahitofeli alimburura Abisalomu, ''Yenda muvihora vyavasho ovo vana shuvu vakunge mbara, ngoli vaIsraeli navantje ngava yuvhe ashi ove ghuna kara munankore wamunene kuvasho ovo vana shuvu vakunge mbara, ngoli vaIsraeli navantje ngava yuvhe ashi ove ghuna kara munankore wamamunene kuvasho. Makura maghoko ghavantu navantje ovo ghuna kara navo ngava kare nankondo.'' ²² Makura ava muyandjumwini Abisalomu tende pawiru yambara, makura Abisalomu angene muvihora vya vashe mushikenga mantjo ghaIsraeli nayintje. ²³ Ngoli ghutapi ndunge waAhitofeli ogho katapanga mumayuva ogho kwakalire yira muntu ana kuyuvho vina kutundo mukanwa ka Karunga mwene. Ovyo movyakalire kuutapi-ndunge naghuntje waAhitofeli ovyo kavakwamanga navantje Daviti naAbisalomu.