¹ Kuruku rawruvede oro Abisalom awapayiki tukaraukara twavita natukambe mwanaghumwendi, navakafumu dimurongo ntano vakafumu kwapitire kumeho. ² Abisalomu karambukanga muruvindwira kumwe na kuyimana kuntere yashitaughura shayendo kumuvero wamangeneno. Opo kavayendanga vakankango kwahompa mukukava pangura, Abisalmu kumuyita nakughamba, ''Munkurumbara munke ghuna kutunda?'' Makura mukafumu kulimburura, ''Mukareli ghoye kuna kutunda mumuhoko ghumwe wavaIsraeli.'' ³ Makura Abisalomu nko kumutantera, ''Kenga, shirapota shoye shiwa ntani mughunga, ngol kwato umwe ankondope hompa mukuka tegherera shirapota shoye. '' ⁴ Abisalomu kuwedererako, ''Ashi ndi me vatulire mupanguli mushirongo, makura nkehe ghuno ana karo nakehe dino nkango ndi ahepe kuya kukwande, ngoli me ngani muyita muuhunga!'' ⁵ Makura kuruku yaruvede oro nkehe uno mukafumu kayango kwaAbisalomu mukuya mufumadeka, Abisalomu kamudingiranga maghoko ghendi kumwe nakumucmita. ⁶ Abisalomu ngoli karuwananga kwa kehe uno muIsraeli ogho kayango kwahompa mukuya mupangura. Makura Abisalomu ahamitiri dimutjima dambunga yaIsraeli kukwendi. ⁷ Kuruku rwama huliro ghamwaka waune Abisalomu nko kutantera hompa, ''Nakanderere mpuidirenu niyende kumwe nikafute litwenyidiro olyo natulire kwaKarunga muHeburoni. ⁸ Morwa mukareli ghoye kwatulire litwenyidiro ame shimpe kuna nta natungira muGeshura yamuArama, mukaghamba, 'Njeneshi Karunga nga mbyuta shimpe kuJerusalemu, makura ame ngani tongamena Karunga.''' ⁹ Makura hompa amutantere, ''Yenda mumpora.'' Makura Abisalomu ashapuka kumwe nakuyenda kuHeburoni. ¹⁰ Mara ngoli Abisalomu atumu vatushoro mwayendo muhoko waIsraeli naghuntje, aghamba, ''Tupu muyuvha mushayaro warumbendo, makura muna hepa kughamba, 'Abisalomu hompa waHeburoni.''' ¹¹ Kuruku rwaAbisalomu kwayendire navakafumu mafere maviri vakutunda muJerusalemu, ovo arekilire. Vavo kwayendilire kapukuru kavo, vahana kuyivako vintu kumaghayadaro ghaAbisalomu. ¹² Opo aka djambire ndjambo Abisalomu, atumini ahitofeli atunde mumundi wendi mumbara yaGilo. Ghuye kwakalire mutapi maghano waDaviti. Lihomono lyamukahore-hore yaAbisalomu alikara nankondo, morwa mbunga oyo yakwamino Abisalomu alikuwerere unene. ¹³ Ntumi ayiya kwaDaviti mukughamba, ''Dimutjima davaIsraeli dina ncenukire Abisalomu nakumukwamayera.'' ¹⁴ Makura Daviti atantere vakareli vendi avantje ovo akalire navo muJeruslemu, ''Shapukenu kumwe tutjwayuke, ndi kwat ghumwe wetu ngashuva Abisalomu. Kuwapiyikirenu wangu-wangu tutundemo, ndi kuvhura aya tu kondilikidemo ntantani ngoli, kumwe nakutuyitira ruhepo rwamfa nakuhomona nkurumbara naghutwe warufuro.'' ¹⁵ Vakareli vahompa ava tantere hompa, ''Kenga, Vakareli voye vana kuwapayikiri mukuruwana nkehe vino ntilyetu hompa atokora.'' ¹⁶ Hompa atundumo naikoro lyendi nalintje vamukwame, ngoli hompa kwashuviremo vakamali murongo, ovo vakaliro vihora; mukukunga mbara. ¹⁷ Kuruku tupu hompa arupuka nambunga nayintje oyo yamukwamino, ava ya yimana pandjugho yakuhulilira. ¹⁸ Vakavita vendi navantje avayendi kumwe naye, ngoli vamwe kumeho ava yendi muVakereti namuntje, namuVapeleti namuntje, namuvagitite-vakafumu mafere nta-yimwe ovo vamukwamino kutundilira muGata. ¹⁹ Makura hompa atantere Itayi wamuGiti, ''Morwa nke ghuyendera natwe? Vyuka kumwe ghuka kare nahompa wamupe, morwa ove ne ntundwa virongo ntani mtjwayuki. Vyuka kulivango lyoye. ²⁰ Kutunda opo kaghutunduko yona, morwa nke ngoli renda-renda mwana muntje natwe? Name shi kapi niyiva ashi kuni nakuyenda. Vyuka na kughupamo vanashirongo voye vayende nove, ngoli ufenkenda nalihuguvaro ndi ghuyende nagho.'' ²¹ Ngoli Itayi alimburara hompa nakughamba, ''Karunga muyumi, nantilyande hompa muyumi, Ushiri nkehe lino livango oko ana kuyenda ntilyande hompa, namukareli ghoye naye nko ayenda, vikare shi muliparu ndi mumfa.'' ²² Makura Daviti atantere Itayi, ''Twikira kuyenda nakukara natwe.'' Makura Itayi mugiti ava yendi na hompa kumwe navantuvendi navantje nalikoro nalintje olyo akalire nalyo. ²³ Shirongo nashintje kwakalire nakulira opo yakavindakanine mbunga nayintje muramba waKidironi, nahomoa mwene aka vndakana. Mbunga nayintje ayipitiri yashitaura shayendo mburundu. ²⁴ Zadoko navaLevi navantje navo, kwashimbire shikesha shamakugwanekero shaKarunga, nasho vakalire. Ava tura shikesha shamakugwanekero shaKarunga, nasho vakalire. Ava tura shikesha shamakugwanekero shaKarunga, makura ntani Abiyatara aya kupakerere navo. Ava taterere dogoro mbunga nayintje yina tundumo munkurunbara. ²⁵ Hompa atantere Zadok, ''Vyuta shikesha shamakugwanekero shaKarunga munkurumbara. Ntjeneshi ngani kawane lifero nkenda mumantjo ghaKarunga, ghuye ngaka mbyuta kuno nakuya negheda shimpe shikesha shamakugwanekero nakulivango oko a kara. ²⁶ Ngoli ntjeneshi ngaghambe, 'Kapi nakukuhafera nka ve,' Kengenu, ame ghuno, ngaruwane tupukwanavintje vina kumoneko vyaviwa kukwendi.'' ²⁷ Hompa atantere nka muruti Zadok. ''Ove nani kapishi umumonindi? Vyuka munkurumbara mumpora, navana voye vavakafumu vaviri uvyuke navo, monoye wamukafumu Ahimayazi naJonatani mona wamukafumu waAbiyatara. ²⁸ Kenga, ame ngani kataterera kurukenka rwaArab dogoro mbudi ngayiye yina kutundo koye mukutantera.'' ²⁹ Makura Zadoko naAbyatara ava shimbi shikesha shamakugwanekero shaKarunga shivyuke muJerusalemu, kumwe nakuka kara momo. ³⁰ Ngoli Daviti aya kuuhura wampadi yandundu yamauywe arondo alire, ngoli kutwe wendi kwaufikire. Nkehe mukafumu mumbunga kwafikire dimutwe davo, nakuyenda valira muruyendo rwavo. ³¹ Umwe atantere Daviti mukughamba, ''Ahitofeli umwe ana kukuyendo kuntji kumwe naAbisalomu.'' Makura Daviti akanderere, ''Karunga, nakanderere pirura utapi ndunge waAhitofeli ukare ugova. ^{32 33 34} Kuruku rwaruvede opo ayatikire Daviti pawiru yashitaura, opo vakandereranga Karunga, Hushayi muAriki aya nakuyakugwanekera naye muvyuma vyandjwi vyakutaghuka okuno livhu pamutwe wendi. Daviti amutantere, ''Ntjeneshi name ghuna kuyenda, kuuditopita ruyendo rwande. Ngoli ntjene kughuvyuka kunkurumbara nakukatantera Abisalomu, 'Ngani kara mukareli wavasho ruvede rwakapito, makura ame ngani kare mukereli ghoye,' Makura ove ngaghu vhure kupukita Ahitofeli kuutape ndunge konda yande. ³⁵ Nani Kapishi namuruti Zadoki naAbiyatara wakara navo ndi? Makura nkehe vino ngaghuyuvha mumbara yahompa, ghuna hepe kuvitantera muruti Zadoki na Abiyatara. ³⁶ Kenga, kakare kumwe navo vana vaviri vaAhimaza, mona wamukafumu waZadoki, naJonatani, mona wamukafumu waAbiyatara. Ghuna hepa kuva tuma mulighoko lyovo vayita kwande nkehe vino ngaghuyuvha.'' ³⁷ Makura Hushayi, muholi waDaviti, ayendi munkurumbara okuno Abisalomu ana yaiki nko kungena muJerusalemu.