1 Makura Jowabu mona wamukafumu waZeruyiya avai dimburura ashi mutjima wahompa kuna shana kukenga Abisalomu. 2 Jowabu atumu liraka kuTekoya oko akalire mukamali wandunge kumwe nakumu yita kukwendi. Atantere mukamali, ''Nakanderere, kurenkite yira muntu wamalirankali kumwe udwate vyuma vyamalirankali. Nakanderer washa kuwava namaghadi, ngoli kara yira mukamali ogho akaro mumalirankali shirugho shashire morwa mufe. 3 Makura ghuyende kwahompa kumwe ghuka mutantere vyakuhamena kovyo nighamba.'' Makura Jowabu atantere mukamali nkango odo aka tantera hompa. 4 Opo aka ghambire naHompa mukamali wamuTekoya, Ghuye kwaralire kaghomba shipara mulivhu nko kughamba , ''mbatere, hompa.'' 5 Hompa mutantere, ''ghudito munke?'' Ghuye alimburura, ''Ghushiri ngoghuno ashi ame mufitakadi, ntani nturaumbo yande afa. 6 Ame, mukareli ghoye, kwakara navana vaviri vavakafumu, ngoli kuna kurwanene navantje lifuva, nka kwato ghumwe ana kulivagawinino. Umwe katu ghunyendi dogoro kumudipagha. 7 Ngoweno likoro nalintje lina shapuka lirwite mukarei ghoye, kumwe nakughamba ,'tupe mulighoko lyetu mukafumu ogho ana to mughunyendi, makura natwe tumudipaghe, afutemo monyo mwaghunyendi ogho ana dipagha.' Makura djonaurapo nka vapingi. Ovino ngava ntura pamakara ghagee kogho ana hupopo, kumwe ngava shuve panturaumbo yande pahana lidina ndi kwato mona pantunda yaudjuni.'' 8 Makura hompa atantere mukamali, ''Yenda kumundi ghoye, ngoli ame ngani rawira niruwaneko vintu kukoye. 9 Mukamali wamuTekoya aimburura hompa, ''Ntilyande, hompa, undjoni ngaukare wande navalikoro lyavavava. Hompa nalipundi lyoye lyauhompa lipire ndjo. 10 Hompa alimburura, ''nkehe uno ngaghambo kehe vino kukoye, ka muyite kwande, ghuye ngadire kukuguma nka makura.'' 11 Makura ghuye aghamba, ''Nakanderere, ndi hompa akuwe nakuvyurukita kwaShankendengere Karunga ghoye, makura livyuto rughoko rwahonde ngarudira kupinganena ghuno nka, Makura ngavadire kudipagha monande wamukafumu.'' Hompa alimburura, ''Karunga muyumi, kwato naruhuki shi rumwe kwamonoye wamukafumu ngaruwero paivhu.'' 12 Makura mukamali aghamba, ''Nakanderere pulidira mukareli ghoye aghambe shimpe nkango kwantilyendi hompa.'' Ghuye aghamba ''twikira kughamba'' 13 Makura mukamali aghamba, ''Morwa nke ngoli vakakukarera vitli kovyo kumbanga yaKarunga? Morwa mukughamba vinke evi, hompa kwa fana yira nkehe uno ogho ana ndjono, mukonda shi hompa kapi akavyuta shimpe kumundi monendi wamukafumu wamutjwayuki. 14 Morwa natuvantje ngatufa, nka atwe kwafana yira mema vanakutetera palivhu, ghakudira kuvhura kupongeka nka. Ngoli Karunga nakuvyutirashi monyo, ngoli, kuwana ndjira kovo vatjwayuko mukuka va vyuta. 15 Ngoweno, kenga ashi ame kunaya niya ghambe vininke vino kwantilyande hompa, mukonda yakutjilita vantu. Makura mukareli ghoye mbyo a ghambire pamwene, 'Ngani kavitimwitira hompa. Walye kuvhura hompa ngaka vatere kovyo ana kupura mukareli wendi. 16 Shangashi hompa kuvhura antegherere nakutuyoghorora natuvantje name namonande wamukafumu mumaghoko ghamukafumu ana kushano kutu dipagha, morwa upingwa ogho atupa Karunga, 17 Makura mukareli ghoye mbyo anakukwambere, 'Karunga, nakanderere renka nkango yantilyande hompa mukumpa rufugho, morwa yikare yira muengeli waKarunga, nantilyande hompa mo akara mukughamba uwa kuudona. Ndi shankendengere Karunga ghoye akare nove.'' 18 Makura hompa alimburura nakutantera mukamali, ''Nakanderere washa horeka nkehe shino kukwande osho nikupura.'' Mukamali alimburura, ''Renka ntilyande hompa ghughambe ngoli.'' 19 Hompa a ghamba, ''Mwana vintjeya vino kapi mulighoko lyaJowabu ghuna wana ndi?'' Mukamali amulimburura nakughamba, ''Ndi ghukare namonyo, ntilyande hompa, kwato ogho nivishendukira lighoko lyarulyo ndi lyakamontjo kwanavintje ovyo ana ghamba ntilyande hompa. Ovino mukareli ghoye Jowabu ndje ana ndawiro nakutantera mukuya ghamba vininke vino ovyo ana ghamba mukareli ghoye. 20 Mukareli ghoye Jowaba kuna viruwanene vino mukutjinja ndjenditito oyo yina kushoroko. Ntilyande akotoka, yira ukonentu wavaengeli vaKarunga, nakuyiva navintje ovyo vina kushoroko mushirongo.'' 21 Makura hompa atantere Jowaba, ''Ngoweno kenga, ngani viruwana vino vininke. Ngoli yenda, nakuka yita mukafumu ghona Abisalomu akavyuke.'' 22 Makura Jowabu akuganda shipara mulivhu mukufumadeka nakupandura hompa. Jowabu aghamba, ''Namuntji mukareli ghoye ana vidimburura mushikenga mantjo ghoye ashi wahora, ntilyande, hompa, mukupulidira hompa hepero yamukareli wendi.'' 23 Makura Jowabu ashapuka, ayendi kuGeshure, kumwe nakuka vyuta Abisalomu kuJerusalemu. 24 Hompa aghamba, ''Avyukilire kundjugho yamwene, ngoli kapishi aya mone shipara shande.'' Makura Abisalomu aka vyuka kumundi wamwene, ngoli kapi aya kengire shipara shahompa. 25 Makura muIsareli nayintje kwato ogho afumanino mo muuwa apitakane Abisalomu. Kuntundilira kumpadi dendi dogoro kumutwe wendi kapi akalire nashito. Opo kakururanga huki kumutwe wendi kuuhura wankehe mwaka, mukonda yakumuditoperanga; Kadiwapayikanga; mukudivihita shekeli mafere mbiri ngoweyo mukutwara 27 mushimetero shakuvihita shahompa mughuhunga. 26 Abisalomu kwayitire vana vatatu vavakafumu ngoli umwe mona-kadi, ogho akaliro walidina Tamara. Ghuye kwakalire mukamali wamuwa. 28 Abisalomu kwatungire mwaka mbiri dakuyura muJerusalemu, ahana kumona shipara shahompa. 29 Makura Abisalomu atumu ndaka Jowaba ayende akamutume kwahompa, ngoli Jowaba kapi ayendire ko kukwendi. Makura Abisalomu atumu nka ndaka kukwendi rwa uviri, ngoli Jowaba shimpe kapi ayendireko. 30 Makura Abisalomu atantere vakareli vendi, ''Kengenu, lifuva lyaJowaba pepi lyakara neli lyande, ntani rukokotwamo. Yendenu kumwe muka tureko mundiro.'' Makura vakareli vaAbisalomu ava katura lifuva mundiro. 31 Makura Jowaba ashapuka kumwe nakuya ko kumundi waAbisalomu, nko kumutantera, ''Morwa nke vakareli voye vana katulira mundiro kulifuva lyande?'' 32 Abisalomu alimburura Jowabu, ''Kenga, ame kwatumine ndak kukoye mukughamba, 'Yakuno niya vhure kukutuma kwaHompa mukukaghamba,'Vinke nakatundirako kuGeshure? Hashako tupu ndi mponili nkoko. Ngoweno renka nimone shipara shahompa, ngol ntjeneshi ame kwadjona, murenke adipaghe.'''' 33 Makura Jowabu ashapuka ayende kwhompa kumwe nakukamutantera. Opo ayitire hompa Abisalomu, aya kwahompa kumwe nakunyongama dogoro paliwe palivhu kumeho yahompa, ngoli hompa ancumita Abisalomu.