1 Hompa Dafiti avarura vakavita vendi na kutoghorora mo vampititi mukatji kavo liyovi ntani navamwe lifere mwavo. 2 Makura Hompa Dafiti atumu vakavita mumbunga ntatu vaJoab, vafere matatu kwa Abishai mona Zeruiah, muunya Joab, ntani mafere matatu mulipititiro lya Ittai ndje Gttile. Dafiti aghamba kuva kavita ashi, '' Ame ngani yenda nawe nka.'' 3 Murume umwe aghamba ashi, '' Kwato hepero yakukukwama; atwe kuvura tukaduke ndipo vakatudipaye ove umwe wetu walifere murongo mushivaro! Hash kara momu mudoropa nakutuma mbatero muruku rwetu. '' 4 Dafiti alimburura kwato ashi, '' Ame ngani ruwana kehe vino mukumu popera, '' Hompa makura ayimana kuheka shirugho osho vakavita kuna kayenda vamwe mulifere vamwe mayovi. 5 Hompa atapa marondoro kwa Joab, Abishai, na Ittai na kughamba ashi, '' Kevererenu monarume walidina, Absalom.'' Vakareli navantje vava kavita vayuvire kumbudi atapire Hompa kuhamena mona walidina Ansalom. 6 Vakavita ava shapuka vayende mushirongo na karwita va Israel; mbudi ayikuhanene mushirongo sha Ephraim. 7 Vakavita vava Israel vava ketire unene vakavita va Hompa Dafiti; kwakalire lidipayo lyalinene omo vafire vakavita mayovi dimurongo mbiri. 8 Mbudi yino ayikuhanene muvirongo navintje, ntani varwi vangi vafiro mumutitu ntani vamwe kuvita vya marufuro na mbere. 9 Absalom agwanekere nava kavita va Hompa Dafiti. Absalom uye anarondo paKasino, kasino akadukiri munda ya shitondo shadimutavi dadinene, mutwe wendi apatamene mulipava. Ghuye andjendjerere kudimutavi mauru nakutikashi palivhu kasino arondire kako akatwikiri kuduka. 10 Umwe avi kengire ovyo vyashorokiro atantere Joab ashi, '' Kenga, ame namono Absalom kuna kundjendjerera kushitondo!'' 11 Joab are ana vikutantero ashi ndje Absalom,'' Kenga meshi una mumono! Vinke una diri kumudipagha? Ame ndi kuni kupa siliveri murongo dakuvembera na ruvya.'' 12 Murume alimburura kwa Joab ashi, '' Nampiri ghumpe siliveri mayovi dakuvembera livoko lyande nakutikakoshi mukudipagha monarume waHompa mukondashi nayuvhu ovyo ana murawiri Hompa nove, Abishai, ntani na Ittai, ashi naumweshi akakwato Absalom parutu. 13 Ntjene nivatuka marondoro gha Hompa nidipaye mona Hompa, weni opo ngaviyuva ntani nka yira kwato ovyo naruwana. 14 Kapi nahoro kuhepeka ruvede kutimwitira nove,' alimburura Joab. Nko kuhupa maghonga matatu nko kumutanda munturo ya Absalom, ghuye shimpe muyumi nka kuna kundjendjerera kushitondo. 15 Varume murongo vashimbiro virwito vya Joab ava kundurukida Absalom, ava mupongerere, nakumudipagha. 16 Ano Joab atapa shiyivito sharumbendo, vakavita ava vyuka shimboda kuva Israel, ashi Joab ana tapa shiyivito mukuvyuka muruku. 17 Vavo ava damuna rutu rwa Absalom nakuru vhukumina mulikwina vamuhoreke nakutura mawe kumbira yendi, shirugho sho vaIsrael ava kuhanene, kehe uno mundjugho yendi. 18 Opo akalire Absalom, ghuye muyumi, akudikiri liwe lyalifano lyendi ashi Hompa, '' Lifano lino ngalikaro livhurukiro, kulidina lyendi ntani kapi avhulire kushuva nampiri mwanuke'' Aruku lidina lyendi lyendi, Absalom, nalino shimpe ava vhuruka Absalom. 19 Ahimaaz mona wa Zodok aghamba, '' Ame kuna kuyenda nikatante mbudi yaruhafo, ashi Karunga ana mupopero kuva nankore vendi, '' 20 Joab alimburura aashi, namuntji kapi ghukatapa mbudi ya ruhafo kwaHompa, Walye kumayuva ghakumeho ntani. Namuntji katape mbudi yaruguvo ashi mona Hompa ana fu.'' 21 Joab atantere mutapi mbudi ashi, '' Yenda, katantere Hompa ovyo una kenge.'' mutumwa anyongeke mutwe kwa Joab, ntani akadukire. 22 Ahimaaz monarume waZadok atanta kwa Joab ashi, '' Kuhupako navintje vino vina shoroko, ndenke name niduke na kumukwama mutapi mbudi. '' Joab alimburura ashi, '' Mukonda munke uyendera, monande, koye kuhayara ashi ndjapo ko? 23 Kehe vino vishoroko, '' alimburura Ahimaaz, '' Ame kuni duka.'' Joab amupulitiri aduke.'' Makura Ahimaaz nko kuduka kukwamita ndjira, dogoro kapitakana mutapi mbudi. 24 Hompa Dafiti kwa shungilire pakatji daheka mbiri. Mukungi wendi uye kuwiru ya ndjugho nakutakamita nawa. Ghuye, akenge mukafumu kuna kutika pepi, kuna kuduka mpentjendi. 25 Mukungi ayiyiri atantere Hompa. Hompa alimburura ashi, '' Ntjenesh mpendjendi, anakara nambudi yayiwa, '' mutapi mbudi aduka dogoro pepi nambara. 26 Mukungi wa Hompa akenge nka murume umwe kuna kuduka mpendjendi, Ghuye atantere wapalivero ashi, '' Kenga, ame kuna kukenga murume ana kuduko mpentjendi,'' Hompa alimburura kwavo ashi, ''Naye kuna kuyita mbudi. 27 Ghuye alimburura na kughamba ashi, '' Rudukito kuna kumoneka yira rudukito rwa Ahamaaz mona Zadok.'' Hompa alimburura ashi, '' Ogho murume wamuwa nka kuna kuyita mbudi yayiwa.'' 28 Makura Ahimaaz ayiyiri na kutantera Hompa ashi, '' Navintje viwawa.'' Anyongeke mutwe wendi nakukurumana atanta ashi, '' Apongoka Hompa ghoye! Hompa ana tapa nakukupopera kuvana nkore voye. 29 Hompa apura ashi; ghuye monarume Absalom ne weni?'' Ahimaaz alimburura nakutanta ashi, ' Apa anantumu Joab, mukareli ghoye, koye, namono mbunga yina pongo, ngoli kapi nikwata lighano ashi vinke vina shoroko. 30 Hompa amutantere ashi, '' Piruka nakushuwenena kwande.'' Ahimaaz aruwana, mbyovyo amutantilire Hompa. 31 Ghumwe ayatikipo nka nakutanta kwa Hompa ashi, '' Nakara nambudi yayiwa kwa Hompa wande, Namuntji Karunga anakete vita kumbunga yina kuro vita nove rambangako nava nankore voye.'' 32 Dafiti apura mutapi mbudi ashi, '' Ghuye Absalom ne muyumi ndi?'' Mupika alimburura ashi, ovyo vina vhuro kushorokera Absalom ndi vishorokere kehe uno muna nkore ghoye yira momo tupu vina shorokere Absolom. 33 Hompa makura aguvu, ayendi mundjugho yendi pepi naheka akunyongamene uye nakuteka maruntjodi, mukulira kwendi ghuye kuna kuywenyaura lidina lya monendi Absalom! monande, monande hasha ndi ame nafo po, ove utunge, nane monande! nane, monande, nane monande!''