¹ Opo shatikiremo shirugho kuruku yakufa hompa wambunga yaVaamoni, makura monendi wamkafumu Hanunu akara hompa mulivango lyendi. ² Daviti aghamba, ''Ame ngani negheda ufenkenda kwa hanunu mona wamukafumu waNahashi, morwa vashe kwaneghedire ufenkenda kukwande.'' Makura Daviti atumu vakareli vendi mukuka shengawida Hanunu kuhamena vashe. Vakareli vendi a vangene mushirongo shambunga yavaAmoni. ³ Ngoli vampititi vambunga yavaAmoni ava tantere Hanunu ntilyavo, ''ngoli nove ushiri moghuna kuvighayara ashi Daviti kuna kufumadeka vasho mukutuma vantu vaya kushengawide ndi? Kapishi Daviti kuna tumu vakareli vendi kukoye vaya kengurure nkurumbara, vaya shininge mukahore-hore, murupe rwakushighupa?'' ⁴ Makura hanunu akwata vakareli vaDaviti, ava vakurura kundjwedu ruha rumwe, kuteta vyuma vyavo dogoro munyonga nakuva tuma vayende . ⁵ Opo vavifwatlire kwaDaviti, atumuko ntumi yikagwanekere navo, morwa vakafumu ovo kwakalire nantjoni dadinene. Hompa aghamba, ''Karenu muJeriko dogoro ndjwedu denu ngadi shokere , ntani ngoli ngamu vyuka. ⁶ Opo yakengire mbunga yavaAmoni ashi vana kuyitiri unkore kwaDaviti, mbunga yavaAmoni ava tumu nakukasheahera varameya vamuBeti Rehoba naZoba, vakavita vaparupadi mayovi dimurongo mbiri, nahopa waMaka navakavita liyovi navantu vamToba vakavita mayovi murongo namyovi maviri. ⁷ Opo aviyuvhire Daviti ovyo, atumu jowabu navakavita vakurongere vita. ⁸ vaAmoni ava rupuka nakuyatura dimukweyo davita palivero lya mangenneno ghankurumbara yavo, okuno vaArameya vamuZoba nava vamuRehobo , navakavita vamuToba naMaka, ava yimana mwana ghumwavo mumavango ghamuporongwa. ⁹ Opo adi kengire Jowabu dimukweyo davita dina mupirukiri nakuntje kumeho nakuruku, atoghororamo muvaIsraeli vamwe vakavita djuni nakuva wapayikira varwane naVaarmeya. ¹⁰ Mbunga yakuhupako ava tura mulighoko lyamughunyendi Abishayi, nakuva tulira ntere mulivango lyaku rwanita vakavita vaVaamoni. ¹¹ Jowabu aghamba, ''ntjeneshi vaArameya nkondo unene kukwande, makura ove, Abishayi, ghuna hepa kundjowora. Ngoli ntjeneshi vakavita vaAmoni nkondo unene kukoye, makura ame niye nakuyoghora. ¹² Karenu munapama, nakuku negheda naghumwetu uuna nkondo morwa mbunga yetu nanakurubara dakarunga, morwa Karunga kwaruwana ovyo vyawapo kutwara mushitambo shendi.'' ¹³ Makura Jowabu nava kavita vendi ava tameke kuyendera varwite vaAramey, ovo vakutininikiro mukuduka kumeho yava kavita vaIsraeli. ¹⁴ Opo vakengire vaAmoni ashi vaArameya vana duka, navo nka ava duka vatjire Abishayi nakuvyukiramo munkurumbara. Makura Jowabu avyuka ashuve mbunga yavaAmoni naku vyuka kuJerusalemu. ¹⁵ Opo vavikengire vaArameya ashi vavo vana vafundu vaIsrali, ava kupongayiki navantje pamwe shimpe nka. ¹⁶ Makura Hadarezere atumini vakavita vaarameya vakaliro pepi namukuro waEufuratesi. Ava ya paHelamu, naShobaka, ava rawiri vakavita vaHadarezere, mukuyenda kumeho yavo. ¹⁷ Opo vavimtantilire Daviti vino, apongeke vaIsraeli navantje pamwe, ava vindakana Jorodani, nakuya paHelamu. vaArameya ava kuwapeke naghumwavo nakutura dmikweyo davita mukurwanita Daviti makura ava murwanita. ¹⁸ VaArameya ava duka kuvaIsraeli, ngoli Daviti kwadipayire vakafumu vaturukara twavita mafere nta-mbiri navarondi tukambe mayovi dimurongo ne. Shobaka mukughona wavakavita vavo kwaremanine nakufera mpopo. ¹⁹ Opo vavikengire vahompa navantje ovo vakaliro vakareli vaHadarezere ashi vana vafundu vaisraeli, ava tulitapo mpora kumwe naIsraeli makura ava kara shiruwanito shavaIsraeli. Makura vaArameya ava kara naghoma mukuvatera nka makura vambunga yavaAmoni.