¹ Daviti aghamba, ''mpwaliko ghumwe ogho ahupopo palikoro lyaSauru ogho ngani vhura kunegheda ufenkenda morwa mukonda yaJonathani ndi? '' ² Mwakalire mulikoro lyaSauru mukareli walidina lyakaliro Ziba, makura ava muyita kwaDaviti. Hompa amutantere, ''Ove Ziba ndi?'' Ghuye alimburura, ''yii. Ame mukareli ghoye.'' ³ Makura hompa aghamba, ''kwato ghumwe ahupopo mulikoro lyaSauru ogho ngai negheda ufenkenda waKarunga ndi?'' Ziba alimburura hompa, ''Shimpe Jonathani ana kara namonend wamukafumu, ogho ana karo shirema maghuru ghendi.'' ⁴ Hompa amutantere, ''kuni ana kara?'' Ziba alimburura hompa, ''Kenga, mpwali mundjugho yaMakira mona wamukafumu waAmiyeli muLo Debara.'' ⁵ Makura Hompa Daviti amutumini nakukamushimbako kundjugho yaMakiro mona wamukafumu waAmiyeli atunde kuLo Debara. ⁶ Makura Mefibosheti mona wamukafumu waJonathani mona wamukafumu waSauru, aya kwaDaviti kumwe nakutongamena shipara shendi dogoro parupare rwamundjgho mukufumadeka Daviti. Daviti aghamba, ''Mefiboshetu.'' ghuye alimburura, ''Kenga, ame mukareli ghoye!'' ⁷ Daviti amutantere, ''Washa tjira, morwa ame vyaushiri ngani kunegheda ufenkenda mukonda yavasho Jonatani, nakukuvyutira shirongo nashintje shavanyakulyoye Sauru, ntani ve ngaghu lya kuntishe yande.'' ⁸ Mefibosheti anygama nakughamba, ''Vininke noli mukareli ghoye, ovyo ghuka muneghedera uwa wangoweyo ame ghuno nafano yira mbwa yakufa?'' ⁹ Makura hompa ayita Ziba, mukarei waSauru, kumwe nakumutantera, ''Navintje ovyo vyahaminino kwaSauru alikoro lyendi kuna vitapa kwamutekurwa ntilyoye. ¹⁰ Ngakare nandya dakulya. Morwa Mefibosheti, mutekurwa ntilyoye, ana hepa nkehepano kulya kuntishe yande,'' Ngoli Ziba kwakalire navakafumu murongo navtano navakareli dimurongo mbiri. ¹¹ Makura Ziba atantere hompa, ''Mukareli ghoye kwaruwana navintje ovyo ntilyande hompa ghuna raghura kwamukamali ghoye.'' Hompa awederereko, Morwa yira Mefibosheti ngalya kuntishe, yira umwe wavana vahompa vavakafumu.'' ¹² Mefibosheti kwakalire namonendi wamumati walidina lyakaliro Mika. Navantje ovo vatungiro mumundi waZiba kwakalire vakareli vaMefibosheti. ¹³ Makura Mefibosheti akatunga muJerusalemu, na kulya nkehe pano kuntishe yahompa, nampili momu akalire shirema maghuru ghendi naghantje.