¹ Opo shatiiremo shirugho shakwenye, ruvede oro kavayendanga kehepano vahompa kuvita, okuno daviti atuma Jowabu, mukareli wendi, nava kavita navantje vavaIsraeli. Ava kashaununa vakavita vavaAmoni nakukundurukida Raba. Ngoli Daviti kwakalire muJerusalemu. ² Makura ashikara shitenguko shimwe osho arambukire Daviti pambete yendi nakuyendaura pambanda yambara yendi. Kutunda opo avi shoroka mukukenga mukamali ogho aku kushiro, ngoli mukamali kwakalire wamuwa unene mukumoneka. ³ Makura Daviti atumini mukuka purayera vantu ovo vayiviro kuhamena mukamali. Ghumwe aghamba, ''Kapishi ndje ghuno Batisheba, monakadi waEliyamu, nani kapishi ndje mukamali waUriya wamuHiti?'' ⁴ Daviti atumu ntumi nakuku mushimba; aya kukwendi, ngoli Daviti arara naye (Morwa ghuye kwaruwanine likushuro lyamwene lyakushidira). Makura avyuka kumundi wendi. ⁵ Mukamali akara marutu maviri, nko kutuma nakutantera Daviti, Batisheba kwaghambire, ''marutu maviri me.'' ⁶ Makura Daviti atumu ntumi kwaJowabu aghamba, ''ntumine Uriya waMuheti.'' Makura Jowabu atumu Uriya kwaDaviti. ⁷ Opo ayatikire Uriya, Daviti amupura om ana karere Jowabu, wen omo weni omo vanakuruwana vakavita, navit omo vina kuyendapo. ⁸ Daviti atantere Uriya, ''Yenda kumundi ghoye nakukayogha mpadi doye.'' Makura Uriya atundumo mumbara yahompa, ngoli hompa atapa naushwi kwaUriya opo atundirepo. ⁹ Ngoli Uriya arara palivero yambara yaHompa kumwe navakareli navantje vantilyendi, ngoli kapi ayendire kumudi wendi. ¹⁰ Opo vavi mutantilire Daviti, ''Uriya kapi kayendi kumundi wendi,'' Daviti atantere Uriya, ''Kapishi kuruyendo kaghuka tunda ndi? Morwa nke ngoli vyakudira kuyenda kumundi ghoye? ¹¹ Uriya alimburura Daviti, ''shikeshashamakugwanekero, navaIsraeli navaJuda muntunda vanakara, ntilyande Jowabu navakareli vantilyendi kuna tura ntanda mumavango ghamuporongwa. weni ngoli omo niyenda kumundi wande nikalye nakumwa kumwe na kukarara namukamali wande? vyaushiri ove ogho namonyo ghoye, ame kapi ngani viruwana vino.'' ^{12 13} Makura Daviti atantere Uriya, ''Namuntji kara pano shimpe, ngoli yona nganikurenka ghuyende.'' Makura Uriya akara muJerusalemu liyuva olyo dogoro liyuva lyakukwamako. Daviti amu korwita. Ku ngurova Uriya arupuka akarare pambete yendi kumwe navakareli vantilyendi; kapi ayendire kumundi wendi. ¹⁴ Makura ngurangura Daviti atjanga ntjangwa-tumwa kwaJowabu, kumwe nakuyituma mulighoko lyaUriya. ¹⁵ Daviti kwatjangire mutjangwa tumwa aghamba, ''Tura Uriya kumeho ununene oko vina kudida vita, makura ngoli ngamutundemo mumushuve mo, ngava vhure kumubwarura nakumu dipagha.'' ¹⁶ Makura Jowabu a kengurura likundurukido lyankurumbara, atura Uriya palivango olyo ayivire vakavita vavanankore vana karere nankondo mukurwana. ¹⁷ Opo varupukire vakafumu vamunkurumbara nakuya rwanita vakavita vaJowabu, vakavita vaDaviti vamwe kwava dipaghire, naUriya wamuhiti naye kwamudipaghire mpopo ¹⁸ Opo atumine nkango Jowabu kwaDaviti nadintje dakuhamena kuvita, ¹⁹ arawiri ntumi, mukughamba , ''opo ghuka mana kutanta navintje kwahompa kuhamena vita, ²⁰ kuvhura vika kare ashi hompa kwaka garapa, nakukakutantera, 'Morwa nke ngoli muna yendere dogoro pepi nankurumbara? Kapi mwaviyiva ashi kuvhura vamuponyene kulikuma ndi? ²¹ Are ogho adipaghiro Abimeleki mona wamukafumu waJerubu-Besheti? Nani kapishi mjkamali amu vhukumino kuwiru shinu shaliweshitunde kulikuma, makura afu paTebezi ndi? Mora nke ngoli munayendere dogoro pepi nalikuma?' Makura ove ghukalimburure, 'Mukareli ghoye Uriya waMuhiti naye ana kafa.''' ²² Makura ntumi ayitundupo nakuyenda kwaDaviti kumwe nakuka mutantera navintje ovyo amutumine Jowabu akatante. ²³ Makura ntumi ayi tantantere Daviti, ''Vana nkore kuna kara nankondo kupitakana twe opo tuna vareke; kwa rupukire vaye kukwetu murukenu, ngoli mbyo twatjidire vavyuke dogoro pamuvero wamangeneno. ²⁴ Makura vaponyi vavo nko kuponya mukavita ghoye kutundilira kulikuma, ngoli vamwe vakareli voye vana kava dipagha, namukareli ghoye Uriya waMuhiti naye vana kamu dipagha.'' ²⁵ Makura Daviti atantere ntumi, ''Katantere Jowabu vino, 'vyasha kuguvita vino, morwa rufuro kudipagha umwe shimpe nka navamwe. Kapamekenu viruwana vyenu vika kare shimpe nankondo mukurwanita nkururmbara, nakuyi kwata, nkuka mupa makorangedo.'' ²⁶ Makura opo ayuvhire mukamali waUriya ashi uriya nturaumbo yendi ana kafa, alilire unene morwa nturaumbo yendi. ²⁷ Opo rwapitire ruvede rwaliguvo, Daviti amutumini nakumughupa mumundi wendi amutware kumbara yendi, nakukakara mukamali wendi kumwe nakumuyitira mona wamukafumu. Ngoli ovyo aruwanine Daviti Karunga kapi vyamuhafitire.