¹ Xonugbo nɔ lɔ; ɖe kpwɛ exe iɖo gɔ klisu ɔ mɛ; go ɖo awo e. un ayi ɖu klun na zɔn yɛsinsɛn ji fan xonugbo nɔlɔ. ² Iɖe wubla gbo mɛ; nɔ se vivɛ gantɛtɛ mɛ ɖe ayi mɛ. ³ Nyɔ tete ɔ, nɔ din fan mawu ni do na, mɔ ɖeun do zɔgo na klisu, na ɖagbɛ un nɔvi lɛ etɔn; yɛmɛ exe nyi un okɔta lɛ ɔ. ⁴ Yelɛ e nyi izlayɛlivi kpɛlɛ mawu kɔɛ loɖo ivi, é na ikpɔ nɔgɔ emɛ etɔn susunɔ lɔ wuye; e jɛ okɔ gɔdé, ena isɛn wuyɛ, é lɔ kɛn e wa sɛn ɖo ɔnɛ; e do é okpa lɛ nɛ. ⁵ Mi tɔgbo lɛ evi enyi, leun klisuɔ, ɖe é gbɛtɔ nyinyi é mɔ jiɔ, e okɔtamɛ eyi e jɔ ɖe. susu na mawu éxé nɔ ɖu kɔsu ɖe mi mɛ tɛtɛ nu gbɛnɔ kaka lo sɔ́n ɔ. Ami! ⁶ Ewa fan okpa exe mawu do ɔ gbɛ idɔn wiwa eyi nɔ lɔ e. ɖó ego wa emɛ exe izlayɛli ji lɛ tɛtɛ eyi enyi togun izlayɛli etɔn xonugboɔ e. ⁷ Etɔnɛ lokpo ɔ, ivi exe ablawamu ji lɛ tɛtɛ eyi enyi ivi titowungbe nie; ɖó mawu lo na ablaxamu fan: " izakiji eyi ola ɖo ivi exe é ekpa i do nɛ lɛ zɔn". ⁸ Enɔ nyi fán rewa ivi exe ablaxamu ji lɛ tɛtɛ oyi enyi mawu bi e, vɔ́, ivi exe mawu do e okpa keun e mɔ ji lɛ eyi mawu mɔ lo mɔ ivi xonugbo nugbo. ⁹ Ɖó mawu do okpa, fán: "nɛ gan exomɛ iɖo ɔ suɔ, la gɔ wa, keun sala mɔ do ivi sunu lokpo." ¹⁰ Tɛtɛ gowonɛ e.Hlebeka evi owolɛɔ, tɔ́ lokpoɔ eyi ejí; eyi enyi mitɔgbo Izaki. ¹¹ Vɔ́ mawu ɖo e tito, má lo cyan gbetɔ lɛ na: eyɔ tete eyi e jlo lo cyan emɛ; ewɛ enu wiwa eyi ekpɔnɛ alo ɖɛxlɛ fan eyɛ ɖo gbɛji na tito énɛ ɔ, elɔ na hlebeka fán:éivi sunu mɛ xoɔ la nɔ vikpɛvu lɔ é acɛmɛ," ¹² co ego jivikpɛ énɛ lɛ ga, énɛ mɛ e; hun égo waa inu ɖagbɛ alo inu nyinylan gan enɛ mɛ e. ¹³ Kɛn mawuxowɛma ɔ lɔ: " i nyiwan na jakɔbu vɔ́ igbɛ wan na esawu". ¹⁴ Amumiwa lɔ tɛn? Mawuɔ, hwɛ lɔtɔ eyi enyi? gblɛ kpɔn. ¹⁵ Ɖó e lo na moyizi fán:"la ku nuzinzin na emɛ exe nɔ din aku nuzinzin naɔ, mɔ kɔn odɔmɛ do emɛ exogo no din a kɔn odɔmɛ doɔ." ¹⁶ Hun, ewa ijlo gbɛtɔ etɔn eyi ala zɔn keun mawu mɔ kun nuzinzin na emɛ alo emɔ kɔn edomɛ do mɛgo e; gbɛ ego waa hinhlɔn didp gbɛtɔ lɛ étɔn eyi ewanu e, vɔ́, mawu exo kunuzinzin na emɛ ɔ nɛ. ¹⁷ Mawu lɔ na kɔsu Ejipu etɔn ɔ ɖɛ mawu xo wɛma mɛ fán: " inu éxé wanu ilo kwɛ kɔsu tawun ɔ eyi enyi fan la ɖoun hinhlɔn xlɛ zɔn iji i yi kwɛ kɔsu nɛ un nyikɔ l lo gbakpɛ zɔn awlangoɔ tɛtɛ ji." ¹⁸ Enɛ ɔ, mawu kú nuzinzin na emɛ exe jlo ɔ, ma bay keun emɛ exe ɛ nɔ din fán ni nyi totritɔ́ etrɔzún totritɔ. ¹⁹ Oƒɔ jɔhunɔ, ela kanse mi fán: nɛ inu ɖe etɔnɛ ɔ, amu e hwɛ mawu gɔ nɔ do gbɛtɔ lɛ? ɖó mɛti go kpego a nɔte ɖɛ e jlo ewunkɔn ɛ". ²⁰ Oyɔ gbɛtɔ ɔ, onyi, má dɔn nu gɔ mawu? kozɛn la kpego mɔ kanse emɛ exe bay fán amutu élo bay eyɛ etɔ ja nɛ? ²¹ Izɛnmɛtɔ tɛ́n ze baba lo bay inu éxé jloe ɔ: baba lokpo exe é nya ɔ e tɛn zolo bay ezɛn éxé é zán na inu jɔnuɔ. ²² Amu ola lɔ do mawu go? Enɔ din a ɖo e xomɛqin ixlɛ, má bay keun e mɔ nyɔ e hunhlɔn. Enɛ ɔ, gbetɔ éxé ciɖi izɛn exe e zán na inu nyinylan keun mawu mɔ ɖo asin xomɛ do, mɔ ɖo gbesisɔ mɛ, má su okun do lɛ ɔ, eɖo hunkuku gbo, mɔ yigbɛ keun emɔ nɔ kɔji ni. ²³ Enɔ din a ɖɛ kɛn esusu maɖo dogbo ɔ ixlɛ mimɛ exe ciɖi izɛn exe é zàn nà nujɔnu lɛ ɔ ha keun e mɔ kɔ nu zinzin na lɛɔ, mimɛ exe é mɔ bay ɖo san, keun mimɔ osusu yi lɛ. ²⁴ Ɖó miɛlɛ eyi owa emɛ exe eylɔ lɛ; gbɛ égowa emɛ éxé e ylɔ ɖɛ jwiƒu lɛ mɛ kɛɖɛ e, vɔ́, emɛ exe e ylɔ ɖɛ togun ɖɛɔ lɛ fe ɖe mɛ. ²⁵ Inu enɛ eyi mawu lɔ dɛ ozé e wema, mawu fán: "la ylɔ togun exe go nyi un togun san lɛ e fan un togun; la ylɔ okɔta exe igonyi wan na san eleɔ fan un wannyina mɔ vivɛna. ²⁶ Xie emɔ lɔ nɛ ɖe fan: migo wa un togun e ɔ ɖe ɔ, xinɛ lokpo ɔ eyi e la gɔ ylo miɖo fán mawu gbɛɖe ɔ evi ɖe. ²⁷ Ezayi ɔ, eyɔ do abobo, mɔ lɔ do izlayɛli etogun ɔ go fan " nɛ izlayɛli evi lɛ tɛ́ suɖi ikɔ exe ɖr xuta ɔ, emɛ vile jɛn la kpoɖɛ emɛ mɔ mɔ hwlɛnga . ²⁸ Ihwe exe aklunɔ la gɔ emɛ exe awlango jilɛɔ, ihwɛɖona emɛ éxé ɖ́émɛ ɔ, e la dɔn é oto nɛ hqwun, gɔdo hinhlɔn". ²⁹ Keun kɛn ezaui lokpo ɛ́nɛɔ mɔ lɔ ɖó san fán; " nɛ aklunɔ nutɛtɛ kpetɔɔ go jo evokpɛ ɖoɔlɛ ɖo nami ele ɔ, milamɔ ciɖi sodȯmu ha, mɔ ciɖi gomɔ ha" ³⁰ Amu mi wa lɔ tɛn? mila lɔ fan emɛ exe go nyi jwiƒu e, gbɛ e gonɔ din a nyi hwɛ jijɔ nɔ ɖɛ mawu e wunkɔn ele ɔ, mawu kwɛ́ lo trɔzu hwejijɔnɔ zɔn inuɖiɖi mɛ. ³¹ Vɔ́, togun izlayeli etɔn exe nɔ din a nyi osɛn lɛ tɛtɛ pɛpɛpɛ, má nyi hwɛ́ jijɔ nɔ ɖo mawu e wunkɔn lɛɔ, inu exe wanu ɔ lo ɖe ɔ, e go kpego mɔ bay e. ³² Amutu ego kpego? ɖo egonɔ din a kɔ e jiɖiɖo do mawu goɛ; emɔ lo mɔ fan eyɛ la nyi hwɛjijɔ nɔ ɖɛ mawu e wunkɔn zɔn eyɛ enu wiwa lɛ mɛ nɛsin. e gba eƒɔ do ekpɛn éxé go e gba eƒɔ do ɔ go. ³³ Ekpɛn enɛ xo mawu xowema ɔ lɔ fán: eyiwɛ! ido ekpɛn exe go e gba eƒɔ do, mɔ fun saɔ lokpo do sinyɔ; ekpɛn nɛhwɛn nɛ mɔ emɔ i liawan; vɔ́ emɛ exe ɖinu ni go na ɖu inyá ɛ"