¹ Tɛn ɔ, ehwɛɖo na emɛ gɔ ɖe na emɛ exe ɖɛ kpwɛ gɔ klisu yosu lɛ. ² Ɖó yɛsinsɛn oxɛ na egbɛ mɛ, ɖɛ kpwɛ exɛ eɖegɔ klisu yosu ɔ mɛ ɔ ɛ́ sɛn hwlɛn mi ɖo sɛn exe ɖe ehwɛ huhu gɔ ekú ixlɛ mi ɔ si. ³ Inu exe moyizi esɛn ɔ go kpogo mɔ baye ɖe hwɛhuhu e ninɔmɛ exe gbɛtɔ ɖo ɔ zɔn keun é mɔ vɔda wutu ɔ, mawu bay: é ɖo évi tete lohlan, ɖo ihwɛ huhu lɔ wútu, kéun é mɔ zɔn agbaza mɛ lowa; agbaza exé mɛ ɛ lowa loɖi hwɛhuhu e agbaza oxe gbɛtɔ̀ ɖoɔ mɔɖo. Mawu bay etɔnɛ, mɔ lɔ ɖo ehwɛ na ehwɛhuhu ɖo gbɛtɔ e agbaza mɛ. ⁴ Mawu bay inu ǒnɛ, nɛ inu exe esn lɔ fán e ɖoa bay ɔ, la nyi bi bay ɖe mimɛ; mimɛ exe gɔ zan mi egbɛ kɛ́n hwɛhuhu ɛ́ ninɔ mɛ exe mi ɖoɔ jlo ɖoɔe, mɔ zan kɛn yɛsinsɛn jlo ɖoɔ. ⁵ Xonugboɔ, emɛ exe zan gbɛ kɛn hwɛhuhu e ninɔmɛ exe miɖoɔ jlo ɖole ɔ, ninɔ mɛ hwɛhuhu etɔn é nu lɛ ji eyi e ayi nɔ́́, vɔ̌, emɛ exe zan gbɛ kɛn yɛsin sɛn jló ɖoɔ, yɛsinsɛn enu lɛ ji eyi e ayi nɔ. ⁶ Nɛ emɛ e ayi ɖo hwɛhuhu enylɛ jiɔ, eku eyi é kplán emɛ lă ná, emɛ e ayi xa ɖe yɛsinsɛn enylɛ jiɔ, e kplan mɛ kéun é mɔ nɔ egbɛ, mɔ́ mɔ fifá. ⁷ Emɛ exe ji ninɔmɛ hwɛhuhu etɔn enulɛ ɖu ga ɖɛ lɛɔ, mawu é kɛntɔ eyi enyi; ɖó ogo yigbe mɔ nɔ mawu é sɛn ɔ é acɛ mɛ e; gbɛ égo kpégo fé e. ⁸ Emɛ exe ɖe ninɔ mɛ hwɛhuhu etɔn exe yé ɖoɔ éacɛmɛ lɛ go kpego a wanu keun émɔ do jijwe ɛ na mawue. ⁹ Vɔ̌, miɛlɛɔ, migɔ zan mi egbɛ kɛn hwɛhuhu eninɔ mɛ exe miɖoɔ zɔ́n ɖo ɔ́e; kɛn yɛsinsɛn jlóɖoɔ eyi mi zan mi egbɛ ɖó; eyɛ mawu etɔn ɖe miji xonugbo ɔ wénɛ. Emɛ lɛlɛ go ɖo eyɛ klisu etɔn èle ɔ, emɛ lɔ go wa klisu etɔ́n e. ¹⁰ ́Nɛ klisu ́ɖe mimɛ ɔ́, mi agbaza ɖete na ikú, ɖó ehwɛhuhu wutu; có eyɛlɔ nyi egbɛ ɖo mimɛ ɖo mawu zomi lo zun hwejɔnɔ na. ¹¹ Nɛ mawu exe fɔn yesu ɖo kúɔ eyɛ se mimɛɔ, emɛ exe fɔn klisu yesu ɖe kuɔ lá na gbɛ mi agbaza exe ɖete na kúɔ zɔn eyɛ exe ɖe mi mɛ ɔ fé ji.́ ¹² Nɔvi lɛ mi, nɛ enyi etɔnɛ ɔ; idɔn ɖoto na mi; ego nyi fán hwɛhuhu é ninɔ mɛ exe miɖoɔ eyi mina w dɔn na; mɔ zan mi egbɛ kɛn e jló ɖoɔ e. ¹³ Ɖó nɛ mi zan egbɛ kɛn hwɛhuhu oninɔmɛ exe ɖoɔ jlo ɖoɔ; mila ku. Vɔ̌, nɛ mi zɔn yɛsinsɛn ji mɔ hu walɔ agbaza etɔn lɛɔ, mila nɔ egbɛ. ¹⁴ Emɛ exe yɛ mawu etɔn wɛ imɔ́ lɛ tɛtɛ eyi owa mwu évi. ¹⁵ Ɖó eyɛ exe mawu namiɔ go nyi, eyɛ exe layi mi loɖo kannumɔ, mɔ bay keun mi mɔ trɔzu xrsinɔ e. Vɔ̌ yɛsinsɛn exe kɔmi lotrɔzu mawu evi, mɔ gɔ na acɛ mi, keun mimɔ do abobo mɔ ylɔ mawu fán: " ǔn tɔ! vivɛna ɔ nɛ". ¹⁶ Eyɛ mawu etɔn mɔ yigbɛ do inu exe miyɛ lɔ ɔ́ ji fn nyi mawu evi. ¹⁷ Exo enyi fán evi eyi mi nyi ɔ, mi la ɖo mima ɖɛ ɖagbɛ exe é ze d'awan na e togun ɔ mɛ, mɔ gɔ ɖo dagbɛ ěnɛ gɔ klisu. Ɖó nɛ mi jiya gɔ klisu ɔ, mi la gɔ ɖo mima ɖo susu mɛ. ¹⁸ Imɔ fan inu exe nɔ gbo miɖe gan exe mɛ ɖetɛn ɔ, ego kpego á jlɛ ɖo susu exe mawu la we ɖexlɛ miɔ go e. ¹⁹ Inu exe e bay lɛ tɛtɛ ɖete, mɔ ɖo ijlo gbó, mɔ nɔ gan exe mɛ mawu la ɖe evi kpɛlɛ xlɛ do ɔ. ²⁰ Inu éxé ebay lɛ jɛ inu exe go kplan emɛ losɔn xiti e leɔ́ e acɛ mɛ; gbɛ e go fan yelɛ tete ojlo, mɔ jɛ é acɛmɛe; mawu eyi e kwɛ ɖo e acɛmɛ; éɖé etɔn ce okunɖiɖo nɛhwlɛn ɖo. ²¹ ɖó éla ɖ́ě ɖe inu hɛngblɛtɔ hɛ̌n lo hɛn gantɔ e acɛ mɛ gbe lokpo, kéun emɔ ɖo mima ɖe emɛɖe sin jije susunɔ exe mawu evi lɛ ɖoɔ mɛ. ²² Xonugboɔ, mi nyɔ fán kaka lo jɛ tɛn ɔ,inu exe e bay lɛɔ tɛtɛ eyi ehɔ wɛn ozɔn;, mɔ nɔ vivɛ hyɔsi éxé ɖe ajido nu gbɛnɔ mɔɖe. ²³ Vɔ̌, ewa inu exe e bay lɛ tɛtɛ eyi ozɔn kéun emɔ nɔ wɛn ozɔn e, mi mɛ exe mɔ ɖo yɛ̌sinsɛn, emɔ nyi inu tantɛn exe mawu na mi, ɖe enu ninalɛ mɛ ɔ, myɛlɛ fe nɔ wɛn ozon ɖe ayimɛ, mɔ ɖoto kpɔn fan mawu ɖomi ɖe mi agbaza mɛ, mɔ lɔ fán mi wá eyɛ evi, mɔ hcwɛn mi tɛtɛ. ²⁴ Ɖó emɔ hwlɛn mi gan, vɔ̌, mi nɔ ɖo okun fan ni hwlɛn mi tɛtɛ. Nɛ enɔ mɔ inu exe enɔ ɖo okunɔ,egɔ̌ wa okun ɖidoe; emɛ la gɔ nɔ ɖo okun inu exe émɔ nɔ mɔ? ²⁵ Nɛ migo nɔ ɖo okun inu exe migo nɔ mɔ̌ eleɔ, mi ɖɛte kpɔn gɔ sɔxwixwɛ. ²⁶ ́Etɔnɛ lokpoɔ, yɛsinsɛn fé gɔ olɔ nami ɖo mi hinhlɔn mǎ ɖomɛ, ɖó mi go nyɔ eɖɛ xixo kɛn ejɛɖo e; vɔ̌, eyɛ lɔ tete xo eɖɛ do takun mɛ na mi gɔ ozɔn winwɛn éxé é go kpego alɔ ele ɔ. ²⁷ Kéun mawa exe mɔ okun nu ja ayimɛɔ mɔ okunny jɛ inu éxé yɛsinsɛn na byɔ ɔ go, ɖó eyɛ xo eɖɛ kɛn mawu din ɖo ɔ na emɛ exe nyi mawu etɔn lɛɔ. ²⁸ Mi nyɔ fan emɛ exe nyi wan na mawu lɛɔ, emɛ exe eylɔ do étitomɛlɛɔ, inu exe jɔ do oji lɛ tɛtɛ ɔ, ɖagbɛ eyi elo bay nɛ́. ²⁹ Ɖó emɛ exe mawu mɔ́ nyɔ ɖe do lɛ ɔ, egɔ lɔ d'awan fán eyɛ la bay kéun é mɔ cidi eyɛ evi ha mɔ ɖɛ, keun evi mɔ nyi ivi hukɔn tɔn ɖɛ nɔvi susu cɛncɛn. ³⁰ Emɛ exe mawu ɖo gbɛta énɛ tɔn na lɛɔ, ogɔ ylɔ ɛ; emɛ exe é ylɔ lɛ ɔ, é kɔɛ lozun hwɛjijɔ nɔ, emɛ exe ékɔn lo zun hwejijɔ nɔ lɛ ɔ, egɔ bay kéun é mɔɖo mima ɖe e susumɛ. ³¹ Ɖe inu énɛ lɛ tɛtɛ mɛ ɔ, amu mi la gɔ lɔ? nɛ mawu ɖo miji ɔ, mɛti go kpego awa nuti na mi e. ³² Eyɔ emɛ exe go hwlɛn evi etoe; mɔ kɔɛ iná do mimɛ tɛtɛ é takun mɛɔ, amukɛn esu na inu tɛtɛ migɔ evi eɖo? ³³ Emɛ la do ehwɛ emɛ exe mawu cyan lɛ? Mɛti go ɖee, ɖó mawu eyi ojan fan enyi hwɛjijɔ nɔ. ³⁴ Emɛ la ɖo ehwɛ nɛ́ tɛn? mɛ tigo ɖe e, ɖo klisu yesu eyi ewa emɛ exo kuɔ, inu exe hugan etɔnɛ ɔ eyi enyi fán e fɔn ɖe ku, mɔ ɖe tɛnxwe gbo mɛ ɖe ɖsixwo na mawu, mɔ́ nɔ ɖokuku na mawu domi takun mɛ. ³⁵ Amu ela tɛ́n kpego lo ɖo mi do vo na wan hyinyi éxé klisu ɖo na miɔ? Vivɛsisɛ nɛ, okun bya emɛ nɛ, ofɔku nɛ, kudan nɛ? ³⁶ Kɛn mawuxowɛma lɔ̀ ɖo ɔ: oyɔ wutu élo nɔ mi hu tɔn okun kɛngbe okun kɛngbe, ekplan mi lɛngbɔ éxé ekplan ló sɔn lanhutɛn ɔ mɔɖe. ³⁷ Vɔ̌, inu ɛ́nɛ lɛ tɛtɛ nɔ jɔ, có klisu exó nyi wan na mi ɔ nɔ do olɔ wu mi, kéun mi mɔ ɖo ɖuɖɛji tɛtɛ. ³⁸ Ɖó i ɖoji fan nuti go kpego aɖo mi devo na ewan nyinyi e: mi ɖogbɛoo, mi ɖe ku oo, kpego a ɖo mi do vo na e wan nyinyi o, wɛnzangun lɛ, acɛkpikpa lɛ, gɔdo hinhlɔn éxé juhwle lɛti go kpego a ɛe mi dovo na e wan nyinyie, etɔn jɛn inu exe nɔ jɔ égbé lɛ, gɔdo éxé la wɛ jɔ isɔ go kpego aɖɛ mi do vo na e wan nyinyi e wenɛ. ³⁹ Inu éxe ɖé hwegun lɛ gɔ inu exe ɖo awlango gun lɛ, gɔdo nubu exe e bay ɔ tigo kpego á ɖemi ɖo vo na wan nyinyi exe mawu ɖɛ xlɛ́mi zɔn mi aklunɔ yesu jie.