¹ Nɔvi lɛ mi inu ee wa lɔ na mi we mi mɔ nyɔ ɖo mi nyɔ e sɛn lɔ gan ee mɛ gbɛtɔ ɖe gbɛ ɔ eyɔ jan e sɛn kpa cɛ ni . ² Inu ee go ekpɔn do we nyɔsi ee ɖe osu xwɛɔ esɛn cɛɛ do esu go kaka lo jɛ gan ee mɛ esu wa nɔ igbɛ na ɔ vɔ nɛ fan osu lɔ ku ɔ nyɔsi lɔ lɛ ɖe sɛn ee ca ɛ do esu go ɔ ee acɛ ɛmɛ. ³ Vɔ nɛ nyɔsi ee nɛ jo e ɖee do na isun bu gan ee mɛ esu kpeɖe egbɛ ɔ e la ylɛ fan ogalɛtɔ yɔ nɛ ɛ fan esu ku ɔ ɖe esɛn lɔ e mɔ ji ɔ e jɛ eɖee si nɛ ehɛn ela islun bu esi gan ee nɛ mɛ ɔ ego gɔ ylɔ ɛ fan ogalɛtɔ e. ⁴ Etɔ nɛ ke ɔ un nɔvi lɛɛ mi ɖe esɛn enɛ emɔ ji ɔ myɛ lɛ fe mi mɔ ku ee mi ca miɖee gɔ klisi ɔ ku mi mɔ ku ɖe esɛn lɔ e mɔ ji. tɛn ɔ mɛbu etɔn eyɔ mi nyi e mi exe fɔn ɖe ku ɔ etɔn mi nyi na mi lo bayi inu ee jɛ Mawu nukunɔ. ⁵ Xonugbo ɔ ee miɖo ehwɛ huhu e ninɔ mɛ san ɔ ojlo nyi nyla ee esɛn lɔ hɛn lo wa lɛɛ wadɔn e mi agbaeza lɛ mɛ mɔ kplan mi lo sɔn ku. ⁶ Vɔ tɛn ɔ e mɔ ɖe mi sɛ ɖe e sɛn lɔ acɛ mɛ mi mɔ ku ɖe e sɛn enɛ exe hɛn mi lo hɛn ogantɔ ee mɔ ji hun tɛn ɔ nɛ mi hɛn ɔ mi la yi jijɔ yɔyɔ lɔ lo wadɔn na Mawu ɖe kpikpɔ kinkɔn ee acɛ mɛ ego na gɔnyi jijɔ xoxo e mi lo wa dɔn ni ɖe esɛn ee wlan e acɛ mɛ e. ⁷ Amu mi wa lɔ tɛn esɛn ɔ ehwɛ huhu nɛ gbeɖe kpɔn esɛnlɔ eye na lɔ nyɔ inu exe nyi ehwɛ huhu ɔ ɖo nɛ esɛn lɔ go lɔ fan xi okun ni ma nɔ inɔvi enu ti ji ele ɔ go na nyɔ inu exe nyi mɛ bu enu ji jlo e. ⁸ Imɔ exe e sɛn ɖe ɔ eji eyɔ ehwɛ huhu zɔn mɔ yi e mɛ nu ji jlo vovo lɛ tɛtɛ yi do ayi mɛ na mi ɖo nɛ esɛn lɔ go ɖe ele ɔ ehwɛ huhu go na ɖo acɛ e. ⁹ Isan gan ee mɛ esɛn lɔ go de e le ɔ iɖe egbɛ vɔ exe esɛn we gbɛ inu ee ego na wa lɛ ɖe tɛn ji ɔ ehwɛhuhu ɔ mɔ bɛ idɔn wi wa. ¹⁰ Imɔ ku esɛn ee ɖo wa na egbɛ wu e mɛ iku ewe dɔn mi jo sɔn. ¹¹ Ɖo ehwɛhuhu xwedo imɔ exe emɔ ɔ mɔ flu mi lo zɔn esɛn lɔ ji mɔ gɔ zɔn esɛn lokpo enɛ ji lo hu mi. ¹² Hun esɛn ɔ inu kikɔn e nyi keun inu exe ezɔn e mɛ lɛ fe mɔ nyi inu kikɔn mi nyi inu jijɔ nu mɛmɛyi. ¹³ Inu exe nyi inu mɛmɛyi ɔ inu exe hu emɛ ɔ eye we nyi na inyɔ gbeɖe ehwɛhuhu eye na i lo ku ehwɛhuhu ɔ ninɔmɛ tete exe eɖo ɔ eyɔ eɖexlɛ etɔ nɛ eyi inu exe nyi mɛmɛyi ɔ i ɖo owunkɔn lo hu inyɔ kɛn ehwɛhuhu zɔn inu exe esɛ lɔ sɔn ɔ ji lo trɔ ehwɛ ee nyla tawun ɔ ɖo ɔ. ¹⁴ Xɔ nugbo ɔ mi nyɔ fan esɛn Mawu kɛ eye el ɛ ɖe iny ɔ i mɔ ɖo ehwɛhuhu eninɔ mɛ emɔ sa na ehwɛhuhu. ¹⁵ Ɖo go nyɔ inu exe eɖe wiwa tɔn lɛ e go bayi inu exe iɖo ojlo wa wa lɛ e inu exe igb wan na lɛ ɔ eye i bayi . ¹⁶ E e nyi fan inu exe yoɖo ojlo na lɛ eye i bayi i mɔ fan esɛn inu mɛmɛyi nɛ lo zɔn inu exe i wa lɛ mɛ . ¹⁷ Nɛ inu ɖe etɔ nɛ ɔ hun inu exe nɔ wa lɛ ɔ nyɔ tete go nɛ nɔ wa e vɔ ehwɛhuhu ee ɖe un mɛ ɔ eye nɔ wa dɔn etɔ nɛ. ¹⁸ Ɖo inyɔ fan inu mɛmɛyi bi ba yi go ɖe un ji mɛ e eyé nyi fan nu mɛmɛyi wiwa ɖe ehwɛhuhu e ninɔmɛ exe iɖo mɛ e ɖo iɖo ojlo wa lo wa inu mɛmɛyi vɔ yo ɖo hinhlɔn wa lo ba yi e. ¹⁹ Inu mɛmɛyi exe iɖo ojlo wa wa ɔ go bayi e vɔ inu

nyinyla ee igo din e le ɔ eyɔ ewe wa .

²⁰ Nɛ iwe bayi inu exe go jlo lo bayi le hun egɔ nyi inyɔ e nɔ wa nu etɔ nɛ e vɔ ehwɛhu hu exe ɖe xun ayi mɛ ɔ eye nɔ wa nu etɔ nɛ. ²¹ Hun nu exe imɔ do un ɖe gɔ we nɛ iɖo jlo wa wa mɛmɛyi ganlele mɛ ɔ nu nyinyla kɛɖɛ go jɛn ikpe mɔ wa. ²² Ɖe un susu mɛ ɔ Mawu ee sɛn lɛ eye do jijwɛ na. ²³ Vɔ esɛn bu ɖe ɖe xun agbaza mɛ mɔ ɖe evun xo gɔ do esɛn exe ɖe un susu mɛ ɔ mɔ yi wu lo bayi gantɔ na ehwɛhuhu esɛn exe ɖe xun agbazamɛ ɔ. ²⁴ Un egbɛ ɖu odɔnu emɛ la hwlɛngan ɖe agbazan ee tɔ exe dɔn lo sɔn ku si. ²⁵ Mi kafu Mawu zɔn yesu klisi ji ɖe kleun mɛ ɔ nyɔ te fan inyi kannumyɔna Mawu sɛn lɔ ɔ ɖe ehwɛ huhu e ni nɔ mɛ ee iɖo mɛ ɔ inyi kannumyɔ na ehwɛhuhu ee sɛn lɔɔ.