¹ Nɔvi lɛ mi, inu exe nɔ din gɔ un ayi tɛtɛ, mɔ nɔ biɔ ɖe mawu si na juifu lɛ ɔ, eyi enyi fan nɛ mɔ hwlɛngan. ² ɖo ihɛn ɔ la ɖekunu nɛ fan inu bayi mɔ jɔhun ɖe mawu si e akpakpa gbo nɛhlɛn ɖe ye ji , vɔ ego ɖo okunumɔjɛ nu mɛ tete lɔ e. xonugbo ɔ, ye mɔ okunu jɛ kɛn mawu yi gbɛtɔ lo trɔzun hwɛjijɔnɔ na ɔ go e. ³ mɔ din e lɛ tete emɔ, alo trɔzun hwɛjijɔnɔ ɖe mawu e unkɔn enɛ ɔ, eo gɔ zɔn imɔ exe mawu ɖe gbɛtɔ lɛ mɔ zɔn ɔ mawu lo kɔ ye lo trɔzun hwɛjijɔnɔ na ɔ e. ⁴ ɖo klisu eyi enyi emɛ exe kɛ moyizi sɛn ɔ kplan mi lo sɔn ɔ, nɛ mawu la kɔ emɛ exe ɖinu lɛ tɛtɛ lo trɔzun hwɛjijɔnɔ. ⁵ moyizi wlan fan: e mɛ exe mawu ylɔ fan hwɛjijɔnɔ mɔ wanu kɛn esɛn ɔ zɔn ɖo ɔ la mɔ egbɛ zɔn esɛn ɔ ji. ⁶ vɔ ixo exe elɔ do kɛn mawu kɔ gbɛtɔ lo trɔzun hwɛjijɔnɔ na ɖe eyɔ tete eunkɔn ɔ, zɔn nuɖiɖimɛ ɔ we: ⁷ ma lɔ do ayi mɛ fan emɛ la sɔn jihwle, mɔ ɖe klisu jɛte e. ma gɔ lɔ do ayi mɛ fan, emɛ ela sɔn kutomɛ mɔ fɔn klisu ɖe ku e. ⁸ Amu ewalɔ tɛn, inu exe elɔ ɔ we: ixolɔ ɖe ikɛ , eɖe kemɛ nɛ mɔ ɖe ayimɛ nɛ. ixo enɛ ewa nuɖiɖi ewɛn exe mi nɔ jla ɔ. ⁹ ɖo nɛ okɔ inugbɛn lo lɔ ɖe mɛ tɛtɛ e unkɔn fan yesu eyi ewa aklunɔ mɔ ɖinu ɖe i ayi mɛ fan mawu fɔn ɛn ɖe ku ɔ, mawu la hwlɛngan. ¹⁰ ɖo nɛ mɛ lele ɖinu ɖe eayi mɛ ɔ, esɔn enɛ go mawu mɔ yi lo trɔ hwɛjijɔ nɔ ɖe e unkɔn. nɛ mɛ lele lɔ ɖe mɛ lɛ tɛtɛ e unkɔn gɔ e nugbɛn fan yesu enyi hwlɛngantɔ ɔ, e la sɔn enɛ go mawu mɔ hwlɛngan. ¹¹ xonugbo ɔ, mawu xo wema ɔ fan: mɛ lele kpokpoe ɖinu ni ɔ e go na ɖu aya e. ɖo votintɔn ti go ɖe mɛ exe e nyi juifu gɔ mɛ exe go wa juifu e mɛ e, ¹² yɛmɛ tɛtɛ eyi e ɖo aklunɔ lokpo ɔ, mawu exe dona emɛ exe xomlanwi lɛ e mɔ gbafla. ¹³ ɖo kɛn mawu xo wema ɔ lɔɖo ɔ, emɛ lele kpokpoe e ylɔ mawu e nyikɔ ɔ, mɛ lɔ la gan. ¹⁴ vɔ ɔ nɛ mɛ le le go ɖinu ni ele ɔ, amu ewa xomlan wi ɖo nɛ e go lɔ exo emɔ se ele ɔ a mu e wa ɖinu ni ɖo nɛ mɛ lele go jla e xo ele ɔ, amu ewa se ixo lɔ ɖo. ¹⁵ nɛ ego ɖo emɛ lo hlan ewɛn jla tɔn ele ɔ amu ewa mɔ wenɖagbe jla tɔ ɖo kɛn mawuxowema ɔ lɔ ɖo we: nɛ emɔ wɛnɖagbɛ jla tɔ lɛ zun an ɔ evi kpinkpɔn lo. ¹⁶ vɔ ɔ mɛ tɛtɛ go nɛ yi gbe na wɛnɖagbɛ ɔ e. xonugbo ezayi fan : emɛ ɖinu na mawu xo exe mi lɔ aklunɔ enɛ ɔ, ¹⁷ inu exe enɔ se ɔ mɛ nuɖiɖi tɔn ɖe. inu exe enɔ se ɔ mɔ nyi klisu exo exe enɔ jla ɔ ¹⁸ vɔ ɔ ikanse fan: ye go se mawu xo lɔ enɛ ɛɛ ye se ganji ɖo mawuxowemaɔfan,: ye lɔ xo e mɔ se zɔn awlango ɔ tɛtɛ ji ixo exe olɔ ɔ sɔn kaka xie gbɛ ɔ kpado ɔ. ¹⁹ i gɔ kanse fan togun izraeli etɔn ɔ go mɔ kun nu jɛ nu go e nɛ alo xosin exe moyizi na ɔ we: la na mi mɔ wa hwanlɔ do okɔta exe go nyi okɔ ta xonugbo e go.la bayi okɔta exe go ɖo nu nyinyɔ e lado xomɛsin na mi ²⁰ exo exe ezayi lɔ fan: emɛ exe go nɔ din un san lɛ ele ɔ, e mɔ un. ikɔ un ɖe i xlɛ e mɛ exe o kan un tase san lɛ e le ɔ. ²¹ vɔ ɔ inu exe elɔ do izraeli go ɔ we: tɛgbɛ tɛgbɛ eyi idlɛn olɔ na togun exe vɔ otonuse mɔ fɔn gu ɔ.