¹ Énɛɔ godoɔ, wɛn zangun Mawu etɔn átɔ́n gɔo kun ekpɛn. Sunvi lokpo janwán ɖe jihwle mɔ we jɛ awlangoji keuni mɔ ɔ; éwé dotɔ idomaɖo -azanɔ é sanfle ina sunvi. ² Sunvi lɔ hun ihɔn dotɔ domaɖo-azanɔ etɔn, kéun zizɔ ne hwlɛn mɔ tɔn ɖemɛ, mɔ ciɖi otinzo e zizɔ mɔɖe. zizɔ éxé tɔnɖe dotɔɔ mɛɔ hɛn sɛzo gɔ igbɛ mɛ huwɔ. ³ Kle lɛ tɔn ɖe zizɔɔ mɛ, mɔ gbakpé zɔn awlangoɔ ji, énq acɛwi, kéun émɔ ciɖi acɛ éxé kekeɖe lɛ ɖo ɔ ha. ⁴ E lɔnɛ̃ fan nɛ̃ ma wa nu nyi nylan na gbehan e, nɛ́ ma wa nu nyinylán na oma éxé ɖé munomun lɛ ti e; gbɛ ; gbɛ nɛ̌ ma wa nu nyinylán na otin tie. vɔ̌, gbɛtɔ exe e nutɔn wuntun mawu étɔn go ɖe ele ɔ lɛ kɛɖɛ eyi ewá wá inu nyi nylan ná. ⁵ É go na gbe kle lɛ fán ni hu gbetɔ énɛ lɛe vɔ̌, nɛ do ya nɛ́ kowun na sunzan atɔ́n. Vivɛ éxé e mɔ ɖe aya éxé kle lɛ do na eme, ciɖi kɛ́n kekeɖe mɛ emeɔ, vivɛ éxé mɔɔ mɔɖe. ⁶ Ɖe sunzan atɔ́n éne lɛ mɛɔ, gbɛtɔ lɛ la dinkú, gbɛ é go na mɔe; éladin fán eyɛ n'i kú mɔ si losɔn zɔga nɛ̌. ⁷ Kle énɛ lɛ ciɖi isɔ̀ exe ɖe gbesisɔmɛ, mɔ na fun ahwan ɔ mɔɖe; inu ɖi kɔsugbá éxé e kɔ sika lo bay ɔ nɛhwlɛn lɛ ɖetakunnɛ̌; é okun mɛ lɛ ciɖi gbɛtɔ ó kunmɛ mɔɖe. ⁸ É ɖalɛ ciɖi nyɔsilɛ é mɔɖe; é aɖulɛ ciɖi ekpɔ é aɖú mɔɖe. ⁹ Inu ɖi gaglonu éxé e kɔ ogan lo bay ɔ ha nɛhwlɛn ɖe okɔ́nnugbɛnnɛ̃, e abɔ́ lɛ éhinhlɔn ciɖi kɛkɛvi susu éxé isɔ́ nɔ dɔn, mɔ ɖe wezun ji ló sɔ́n ahwangbenu lɛ éhinhlɔn mɔɖe. ¹⁰ Asiké éxé edó lɛ ciɖi kekoɖe étɔn lɛ mɔɖe, kéun e nugbɛn mɔ xwiɖi é asike lɛ mɛ eyi éxé acɛ éxé e la lówa nu nyinylan do gbɛtɔ lɛgo na sunzan atɔ́n ɔ ɖe. ¹¹ Kɔsu lokpo ɖe enugbɛn; eyi enyi wɛńzangun dotɔ domaɖo-azan ɔ etɔn; é nyikɔ nyi "abadɔ́n" ɖe eblegbemɛ, mɔ́ nyi " Apolyɔni" ɖe glɛsigbe mɛ. ¹² Adan tantɛ́n wénɛ we nya; ẽne ɔ gado ɔ, nylado owe bulɛ ha jɔ. ¹³ Énɛ ɔ gogoɔ, wɛnzangun atrokpo gɔɔ kun ékpen, keunimɔ se egbe nehwlɛn nɔ jan nuɖe vɔ̌sakpe éxé e kɔ sika lo bay, kéun émɔ ɖe mawu e wunkɔn é zo enɛ kɔn zwan. ¹⁴ Egbeɔlɔ ha wɛnzangun atrolipo gɔ exe hɛn ikpɛn ɔfán: "Ɖé wɛnzangun ene éxé ɖe wlɔ mɛ ɖe efláti, tɔsisa gbo ɔ kɛ lɛ do te." ¹⁵ Ɖé wɛnzangun énɛ dote; émɔ sɔnǔ d'awan nɛ̌ na gan énɛmɛ pɛ́pɛ́pɛ́, ɖe azan énɛ gbe, na azan énɛ ɔ ɖo sunzan énɛɔmɛ, ná sunzan énɛ ɖe xwe enɛɔmɛ, nɛ́ emɔ hu g ɛtɔ lɛ é made otɔn. ¹⁶ E lɔ ahwanfutɔ nɛmu éxé ɖe isɔ ji lɛna: yɛmɛ dɔkpo ofɔɖé (200 000 000) nɛ. ¹⁷ Kɛn imɔ isɔ lɛ gɔdo sɔxátɔ́ lɛ ɖe un numimɔ mɛ ɖoɔ we: isɔxátɔ́ lɛ hɛn gaglonu ƒɛƒɛyi zo mɔɖe; é hɛn galonu ƒɛsinnɔ ekpɛ́n ɖagbɛ ɖagbɛ éxé eylɔ́ fán safi ɔmɔɖe; é hɛn gaglonu koklome jlo hwemi mɔɖe; isɔ́lɛ é takun ciɖi ekpɔ lɛ é takun mɔɖe; izo gɔ zizɔ, gɔdo hwemi tɔn ɖé e kemɛ. ¹⁸ Nu nyinylan otɔn énɛ lɛ hu gbɛtɔ lɛ é mado otɔn: nunyunylan énɛ lɛ eyi enyi ezo go zizɔ, gɔdo hwemi éxé nɔ tɔn ɖe ésɔlɛ é kemɛ ɔ. ¹⁹ Ɖo hinhlɔ́n esɔ lɛ etɔn ɔ, é keme eyi édé, mɔ gɔ ɖé vɔnnugbɛn lɛ mɛ; é vɔnnugbɛ ciɖi idan mɔɖe mɔ ɖe takun keun émɔ yi lo wa nu nyinylan ná gbɛtɔlɛ. ²⁰ Gbetɔ éxé kpo keun nu nyi nylán énɛ le go hu elɛ go lɛkɔ ɖe inu éxé é kɔ é olɔ lobay lɛ sinsɛn godoé. É go gɔn eyɛ nyinylán le sinsɛn ; gbɛ ego gbe yɛhwe éxé e kɔ sika lo bay na lɛ, éxé ékɔ kpatagan lo bay na lɛ, éxé é kɔ ganvɔn lo bay na lɛ, éxé é kɔ ekpɛ́n lo bay lɛ éxé e kɔ otin lo bay na lɛ sinsɛn e; gbɛ inu énɛ lɛ go kpego amɔ okunnu e; gbɛ é go kpego a setonu e; gbɛ égo kpego á ɖizɔnlin e. ²¹ Gbɛ gbɛtɔ énɛlɛ go lɛkɔ ɖe mɛhuhu, majikibi bay, ogalilɔ gɔ ajojɛ lɛ é godo e.