¹ Enɛ é godo ɔ , i mɔ wɛnsagun Mawu étɔn hinhlɔnnɔ bu , é mɔ nɔ jɛ te ɖé jihwle ; akpɔkpɔ bu i ; nyi ɖi trɔ do takun ni . E okun mɛ kɔn sɛzo ha , e zangandɛn lɛɛ ci zotin ha . ² E hɛn xoma vintin lokpo olɔ mɛ kewun émɔ ɖe hunhun . E zé é oƒɔ ɖusi ɔ do xu ji , oƒɔ omiɔn ɔ mɔ ɖe awlango ji . ³ E do abobo tlili kpɔ do gbe ha . Exé é do abobo ɔ yɔ ɔ , so aciowe lɛɛ do gbe dogbe lo sɔn gbe do ni tɔn . ⁴ Exé so aciowe lɛɛ do gbe yɔ ɔ , i jlo a jɛ nu exé e lɔ lɛ wlan ji , vɔ i se gbe nɛhwlɛn ɖe jihwlé gbé ɔ mɔ lɔ na ƒan : Hɛn nu exé so aciowe lɛɛ lɔ do ayimɛ , ma wlan é . ⁵ Wɛnsagun exé imɔ ɖe te ɖe xu gɔdo awlango ji ɔ dlɛn é olɔ ɖusi ɔ do jihwlé , ⁶ mɔ xwle nu do Mawu é nyikɔ mɛ .Mawu exé ɖe gbɛ gbɔn lo sɔn , mɔ bayi jihwlé gɔdo nu exe e ɖémɛ lɛɛ tɛtɛ e nyikɔ mɛ ; Mawu exé bayi awlango gɔdo nu exe é ɖemɛ lɛɛ tɛtɛ é nyikɔ mɛ ; Mawu bayi xu gɔdo nu exé é ɖemɛ lɛɛ tɛtɛ ɔ é nyikɔ mɛ ; é xwlé nu do Mawu é nyikɔ ƒan : Gan mɛ ti o gɔ kpo émɔ ɖo é . ⁷ Vɔ gan exé mɛ wɛnsagun aciowe gɔ ɔ la jɛ kpɛn kun ji ɔ , nubudo Mawu étɔn la jɛ kɛn é mɔ lɔ ɖo na é mɛsɛntɔ gbéyilɔ lɛɛ ɔ . ⁸ Enɛ é godo ɔ , gbe exe i se ɖe jihwle san ɔ lɔ xo exé lɛɛ na ; é ƒan : lɛ yi xoma vintin exé ɖé hunhun ɖe wɛnsagun exé ɖe té ɖe xu gɔdo awlango ji ɔ é dɔ mɛ ɔ . ⁹ Xonugbo ɔ , i sɔn wɛnsagun ɔ kɛ m̵ɔ lɔ ni ƒan ni zé woma vintin ɔ na . Kewun wɛnsagun ɔ mɔ lɔ na ƒan : Yi mɔ ɖu : é la vɛ ɖe odɔmɛ nɛ , mɔ vivi ɖikɛn win ɖe kemɛ nɛ . ¹⁰ I yi xoma vintin ɔ ɖe olɔ mɛ ni mɔ ɖu . E vivi ɖe ƙémɛ na ɖikɛn wiin ; exé i lo mi ɔ , é trɔzu nu vivɛ ɖe un odɔgo mɛ . ¹¹ Enɛ é godo ɔ , é lɔ na ƒan : O ɖo a do wɛn Mawu étɔn exé lɔ xo do togun susu , to susu , gbe susu gɔdo kɔsu susu go ɔ .