¹ Enɛ e godo ɔ, e zé fanti oba ha lokpo yi do asi na mi. Mɔ lɔ fan sɔn la jlɛ sinsɛnxɔ Mawu etɔn gɔdo vɔsakpé ɔ, mɔ xlɛ emɛnɛmu e nɔ sɛn Mawulɛ. ² Vɔɔ, jogélɔji do; ma jlɛ eyɔ e; ɖo emɔ yi na emɛ éxé go nɔ sɛn Mawulɛ. e mɔ gbidi do ofɔgo gbɔn na sunzan kanlé kun owé. ³ La ɖo un klunɖetɔ lɛ loxlan emɔ do otin, mɔ do ewɛn Mawu etɔn na azan 1260. ⁴ Olivutin ewé lɛ gɔdo zogbɛnhɛnnu owe lɛ eyi ewa klunɖetɔ owe éxé ɖe awlangoji owelɛ. ⁵ Nɛnyifan mɛlele jlo awa inu nyinylan dwe ɔ, izo tɔn ɖe kɛmɛ ni mɔ fyɔ emɛlɔlɛ. Etɔnɛ ke pɛpɛ ela hu emɛ éxé la ɖo jlo a wa inu nyinylan dego lɛ. ⁶ E ɖo acɛ walo su jihwle, na jokun ti ni ma lo ja ɖe gan exe mɛ enɔ do ewɛn Mawu etɔn e. Eɖo acɛ walo yi esin lo tlɔzun ehun, e gɔ ɖo acɛ walo ɖo inu nyinylan hamɛ hamɛ lɛ loxlan awlango ji; nɛnyifan e jlo e ganlele kpokpwemɛ ɔ e hɛn ɔ, ela bayi inu enɛlɛ. ⁷ Gan éxé mɛ ela ɖo ewɛn éxé ela do ɔ, kanlin éxé ɖe dotɔsukpo ɔ mɛ ɔ la tɔ ahwan wi, ma ɖu ɖe eji; e la wi. ⁸ E cwɔlɛ la ci toxogbo lɔ e mɔji, xie aka e hwlɛngantɔ lɔ do otinsogaji ɖe ɔ, e ylɔ itolɔ fan Sodɔmu gɔ Ejipu, hinnɛ e ka Osintɔ Yesu do. ⁹ Gbɛtɔ éxé ɖe e gbɛlɔmɛlɛ tɛtɛ la kpɔn e cwɔ na okunkinkɛn otɔn afan, e go na lwɔn nɛ lo ɖi e. ¹⁰ E ku la vivi na gbɛtɔ éxé ɖe awlango ji lɛ; e la mɔ jijwɛ do emɛ owe enɛlɛ éxé ku wutu, ɖo aya éxé emɔ do na gbɛtɔ éxé ɖe awlangoji lɛ wutu. ¹¹ Vɔɔ ɖe okunkinkɛn otɔn enɛ lɛ godo ɔ, gbigbɔ éxé na egbɛ emɛ lɔ la lɛɖe Mawu kɛ mɔ byɛ emɛ, e mɔ fɔn. ¹² Gbeyilɔ enɛlɛ lase igbɛ lohwlɛn la lɛɖé jihwle mɔ lɔnɛ fan: "mi yla jihwle zɔn xie". Gan éxé mɛ e kɛntɔlɛ la nɔ kpwɛn ɔ, e la zɔn kpɛtɛvimɛ mɔ yla jihwle. ¹³ Gan enɛ jlokpe ɔ, awlango lɔ hunhun , toxo lɔ ma do owoe, mɔ mu. Awlango enɛ éxé hunhun ɔ, e hu gbɛtɔ 7000; enɛ ɔ, cicwɔ jɛ emɛ kpɔtwɛ ji, e mɔ kafu Mawu éxé ɖe jihwle ɔ. ¹⁴ Nylando owegɔ lɔ wenɛ nya enɛ, mi ɖoto etɔngɔɔ éxé na jɔ zanle tɛn ɔ. ¹⁵ Enɛ ogodo ɔ wɛnzangun Mawutɔn acyowe gɔɔ kun ekpɛn, igbe gbo lohwlɛn mɔ ɖi ɖe jihwle mɔ lɔ fan kɔsu ɖuɖu Mawu etɔn gɔdo evi etɔn tɔn. Ema ɖu kɔsu lɔ kaka lo son mavɔ. ¹⁶ Mɛxo kokun enɛ éxé ɖe awansinɔ ɖe e azinkpoeji ɖe Mawu e unkɔn lɛ ɔ, e cɔn okunmɛ do, mɔ ɖekɔ na Mawu . ¹⁷ Mɔ lɔ fan: " Mawu éxé kpe inu tɛtɛ go ɔ, oyɔ emɛ éxé ɖe mɔ ɖe kaka lo sɔn ɔ, mi do ekpɛ nɛ; Ɖo i hinhlɔn gbo éxé o yi lo wadɔn ɔ wutu; ¹⁸ Itolɛ mɔ ɖe adanji , vɔ gan éxé mɛ o la ɖe i xomɛsin yi xlɛ do ɔ ewa. Gan éxé mɛ ola na ojɔ wu i emɛsɛntɔ lɛ do ɔ wa; emɛ éxé nyi itɔn lɛ gɔ emɛ éxé na oswu wi tɛtɛ, e gɔ nyi mɛxoalo vikpɛvu can ɔ , gan éxé mɛ o la na ojɔ wi ɔ su; gan éxémɛ ola viva mɛ éxé hɛn awlango ɔ gble lɛ do ɔ su. ¹⁹ Gan enɛmɛ ɔ e hun sinsɛnxɔ Mawu etɔn ɖe jihwle , emɔ okɔjɛgba ɔ ɖemɛ ɖikɛn gbɛmɛ e ɖe abi mɔɖe, ɖikɛn jokun e dogbe mɔde; awlango ɔ hunhun ɖikɛn jokun ja ɔ mɔɖe.