¹ Exé lɛngbɔvi lɔ gba wuntun aciowe gɔɔ jihwle eci tóó ná ganxixo lókpo emamɛ étɔ́nɛ, ² imɔ mɔ wɛnsagun Mawu etɔn aciowe éxé éɖé te ɖe Mawu enukɔn lɛ. Yɛ fɔ ekpɛn gbǒ aciowe yinɛ. ³ Wɛnsagun bú weci vɔ̌sakpe lɔ́ kɛ́; éhɛn enú éxe mɛ ye fyɔ línfín ɖé ɔ lókpo; siká ye lo bayi. Yena línfín susu wúi, émɔ́ yi é́yɔ gɔ emɛ ɖeɖovo Mawu etɔ́n lɛ tɛ́tɛ́ édɛ lɛ yixwle Mawu ɖé vɔ̌sákpe éxe yeyi siká lobayi ɔ jǐ. ⁴ Linfin ɔ ézi zɔ tún ɖé wɛnsagun lɔ́éó lɔmɛ, zizɔ lɔ́ gɔdo emɛɖedovo Mawu étɔn lɛ é́ɖ́ɛ nɔ́ jihwle sɔ́ntɔn ɖé Mawu é nukɔn. ⁵ Wɛnsagun Mawu étɔn ɔ mɔyi linfin fyɔnú ɔ, mɔkɔn vɔ̌sákpe é́zokán ɔ ɖemɛ, émɔ jwɛ́ɛ, émɔ zée yidun do awlángoji, yemɔ se mɔ egbe nɛhwlɛn lɛ; eso éɖe abi, jihwle mɔ kɛ mlawun, awlángo mɔ hunhún. ⁶ Wɛnsagun Mawu étɔn aciowe éxe éhɛn ekpɛn gbǒ aciowe lɛ nɔ́sɔ́nú, mɔ̌nǎbɛ ekpɛn gbǒ lɛ kunkun. ⁷ Wɛnsagun tántɛ́n ɔ ekunkpɛn kɛ́njókún gɔ ezo mɔ caká gɔdo ehun mɔkɔn do awlángoji. Awlángo ɔ émá do otɔn éfyɔ; otin lɛ émádo otɔn éfyɔ; igbě múomú lɛ tɛ́tɛ́ fyɔ. ⁸ Énɛ́ é godo ɔ, Wɛnsagun owegɔɔ ékun ekpɛn, inú ɖikɛn isó gbó nɛhwlɛn mɔ́nɔ hǔn, yemɔ yíi dun do exumɛ, exulɔ́ émado otɔn mɔ zun ehun. ⁹ Inúɖíɖí gbɛgbɛ éɖé xugǔn lɛ ɔ tɛ́tɛ́ émádo otɔn ékǔ, tɔjǐhún lɛ émádo otɔn mɔ gblé. ¹⁰ Énɛ́ é godo ɔ, Wɛnsagun otɔngɔ ɔ ékun ekpɛn sunvǐ gbó nɛhwlɛn mɔ́nɔ hǔn ɖí zihwin mɔ́ɖe, mɔjowán ɖé jihwle; mɔ jɛ tɔ lɛ gɔ tɔjijɔ lɛ émá do otɔnjǐ. ¹¹ Sunvǐ enɛ ényikɔ́ nyí vǐvɛ́, esin lɛ émado otɔn mɔ vɛ́, emɛ éxe énu lɛ susu mɔ kú, ɖó esin lɔ́ vɛ̀ wútu. ¹² Enɛ́ é godo ɔ, Wɛnzangun enɛ gɔ lɔ mɔ kun kpɛn , e mɔ do nugbɛn sɛzo lɔ́ émádo otɔn , mɔ do nugbɛn esun émádo otɔn , mɔ donugbɛn sunvǐ lɛ mádo otɔn, yě kinklɛ́n é mado otɔn mɔdo zuvlu; kekle é mado otɔn gɔ́ɔ nákinklɛn e, ezǎn fé émado otɔn gɔ́ɔ ná kinklɛn e. ¹³ Gɔ́nɔ kpɔn, mɔmɔ gangan lókpǒ nɔ́ɔzlɔn zɔ́n jɛhɔn mɛ ɖé jihwle bóó; ǐse ̌ émɔ́nɔ d'abobo clili fan: áwo! áwo! amúwe énǎ xa emɛ éxe é́ɖé hɔnnɛ́zanji lɛ gan éxe mɛ Wɛnzangun otɔn ɖétɔ́ lɛ akunkpɛndo ɔ, ye mɔ́ se ɔ?