¹ Enɛ é godoɔ , i mɔ wɛnsagun Mawu etɔn enɛ ɖe te ɖe awlangoɔ é zo enɛ lɛɛ ji ; yé hɛn jɔhɔn awlango ji étɔn enɛ lɛɛ ɖe te , nɛ jɔhɔn ti ni ma dun do wlango ɔ é , ni ma dun do xu é ; ni ma dun do otin ti é . ² Igɔ mɔ wɛnsagun Mawu etɔn bu tɔn ɖe klɛmɛdaxwé mɔ hɛn wuntun Mawu gbɛɖe ɔ étɔn . E dabobo tlili , mɔ lɔ lo hlan wɛnsagun Mawu étɔn enɛ exé yi acɛ , émɔ wa nu nyinnylan do wlango gɔ xu go lɛɛ ƒan : ³ Mi ma to wa nu nyinyla do wlango go é ; mi ma wa do xu go é ; mi ma wa do otin lɛɛ go kaka jɛ gan exe mɛ mi la ɖo wuntun nukɔn na mɛsɛntɔ Mawu mitɔn étɔn lɛɛ do é . ⁴ Gan énɛ mɛ ɔ , ye lɔ mɛ nɛmu exe e mɔ ɖo wuntun Mawu étɔn nukɔn na lɛɛ ɔ un : yé mɛ odɔkpo aciowé dɔkpo 144.000 éyi é ɖo wuntun ɖe togun Izlayɛli étɔn ɖe okɔta lɛɛ tɛtɛ mɛ ⁵ .e ɖo wuntun gbɛtɔ dɔkpo otɔn 12.000 ɖe okɔta Judaa étɔn mɛ , dɔkpo otɔn 12.000 ɖé okɔta Gadi étɔn mɛ ; ⁶ dɔkpo otɔn 12.000 ɖe okɔta Acɛɛ étɔn mɛ , dɔkpo otɔn 12.000 Nɛƒutali étɔn mɛ , dɔkpo otɔn 12.000 ɖe okɔta Manaséé tɔn mɛ ; ⁷ dɔkpo otɔn 12.000 ɖe okɔta Sinmɛnyɔɔ étɔn mɛ ; dɔkpo otɔn 12.000 ɖe okɔta lévii étɔn mɛ ; dɔkpo otɔn 12.000 ɖe okɔta Isakaa étɔn mɛ ; ⁸ dɔkpo otɔn 12.000 ɖe okɔta Zabulɔɔn étɔn mɛ ; dɔkpo otɔn 12.000 ɖe okɔta Jozɛƒu étɔn mɛ ; dɔkpo otɔn 12.000 ɖé okɔta Bɛnjamɛɛ étɔn mɛ . ⁹ Enɛ é godo ɔ , i gɔ kpɔn mɔ mɔ mɛ tobu tobu nɛhwlɛn : mɛti go kpégo a xlɛ mɛ exe éɖé ahwan ɔ mɛ lɛɛ tɛtɛ é , yé lɛ ɖé to lɛɛ tɛtɛ mɛ , mɔ lɛ ɖé okɔta lɛɛ tɛtɛ mɛ , mɔ lɛ ɖé togun lɛɛ tɛtɛ mɛ , mɔ lɛ ɖé gbé éxé é do lɛɛ tɛtɛ mɛ , yé ɖe te ɖé kɔsuzinkpo ɔ gɔ lɛngbɔvi ɔ é nukɔn . Yé do awu zaa wéwéyi mɔ hɛn déma olɔ mɛ .

¹⁰ Yé do abobo tlili ƒan : Mi hwlɛngan lɛɖé mi Mawu exe xinnɔ ƙɔsuzinkpe ɔ ƙɛ , mɔ lɛɖé lɛngbɔvi ɔ kɛ ! ¹¹ Wɛnsagun Mawu étɔn lɛɛ tɛtɛ ɖé te mɔ trɔdo kɔsuzinkpé ɔ gɔ mɛxo lɛɛ gɔdo nuɖégbɛ enɛ lɛɛ . Ye cɔnkɔn ɖe kɔsuzinkpé ɔ nukɔn , mɔ ɖe kɔ na Mawu ¹² mɔ lɔ : Ami ! kpikpa , susu , nunyɛn , kpɛdido , yɛyi , acɛ gɔdo hinhlɔn ni nyi Mawu mitɔn étɔn kaka losɔn . Ami ! ¹³ Mɛxo lɛɛ lokpo kansé ƒan : Emɛ é wa émɛ énɛ lɛɛ exé édo awu zaa wéwéyi ɔ ʔ ¹⁴ I yi gbé ni ƒan : un Aklunɔ go nyɔ la , oyɔ é nyɔ , é mɔ lɔ na ƒan : Mɛ exé é do ya gbo ɔ na lɛɛ ɔ nɛ . Yé nya yé awu gbo lɛɛ , mɔ bɛ do lɛngbɔvi ɔ é hun mɛ , kewun awu lɛɛ mɔ wé . ¹⁵ Enɛ wutu yé ɖé te ɖé kɔsuzinkpé ɔ nukɔn , mɔ nɔ wa dɔn na Mawu zan gɔ klé ɖé é sinsɛnxɔ mɛ . Emɛ exé éɖé awan xinnɔ ɖé kɔsuzinkpé ɔ ji ɔ la cɔn olɔ yé ji . ¹⁶ xovɛ go la gɔ cii gblé , kɔ go la gɔ xui gblé ; sɛzo go la gɔ mɛ ɛ gblé ; zozo ti go la gɔ hɛn ɛ gblé é . ¹⁷ ɖo lɛn gbɔ vi exé ɖé kɔsuzinkpe ɔ cincɛn ɔ la nyi yé lɛngbɔ nyitɔ mɔ klpan ɛ losɔn xi exé sin ɖagbɛ exé é na gbɛ mɛ ɔ nɔ tɔn ɖé lɛɛ . Kewun Mawu mɔ susu ɖasin tɛtɛ sɛɖe okun mɛ nɛɛ .