¹ Énɛ ɔ godo ɔ, wuntun aci-owe lɛɔ, i mɔ lɛngbɔvi ɔ gba tantenten ɔ, kéun i mɔ se inu ɖegbe ene lɛ lokpo dogbe jokun dogbe mɔɖe, mɔlɔ: " wa!". ² I kpɔ́n mɔ isɔ́ wéwéyi lokpo; ama éxé ɖé isɔ lɔ jiɔ hɛn gá lokpó, kéun emɔ na kɔsugbá lokpowi. élɛ́ eme éxé mɔ ɖuɖéjiɔ mɔɖe, mɔ́ na du ɖ'éjì. ³ Énɛ ɔ dodoɔ, lengbɔvi ɔ gba wuntun owegɔɔ, lkeun imɔ se nuɖegbe owegɔɔ nɔ lɔ fan: éwa!". ⁴ Isɔ́ bú mɔ tɔ́n; mɔ wá isɔ́ fefeyi; é na ace eme éxé ɖé isɔ́ ji fán ni bay kéun ahwanhwan ƒunƒun ni gbakpe awlango ɔ ji, kéun gbɛtɔ lɛ ɖémɔhu ɖe. Ékɔ iji gbo lokpo do olɔmɛ n'i. ⁵ Énɛɔ godoɔ, lengbɔviɔ gba wuntun otɔngɔɔ, imɔ se kén nuɖegbɛ otɔngɔɔ nɔlɔ, fán:"wá" ikpɔn mɔ mɔ isɔ́ huwɔ lokpo; omɛ exe ɖé isɔ́ lɔ́ jiɔ hɛn nudagan lokpó de olɔmɛ. ⁶ Isé ken igbe nehwlen leɖé inuɖegbɛ énɛlɛ cɛhcɛn, mɔ lɔ: " ble kilo lokpgé jen é kɔ idɔnxwá gbe lokpo tɔnɔ tɛ́tɛ́ loxɔ́; ɔji kilo otɔn eyi é kɔ́ idɔnwxágbelokpo tɔnɔ tɛtɛ ló xɔ. vɔ̃, ma d'olɔ ami go ven go e." ⁷ Eneɔ godo ɔ, lɛngbɔviɔ gba wuntun enegɔɔ, imɔ se nú ɖ'égbɛ enɛgɔɔ hɔlɔ fán:"wa". ⁸ Ikpɔ́n mɔ mɔ isɔ amamu lokpo; ome éxé ɖé isɔ́ lɔ jiɔ nyi kú, kéun kútomɛ mɔ xwedĩ. É na acɛ wi nɛ́ lo hu gbɛtɔ lɛ gɔ iji, é la ɖo odɔnɛ̃, keun émɔ ku; éla zɔ́n kéun gbekanlin éxé ɖe awlango ji lɛ lá hu gbɛtɔ lɛ ɖe awlango ɔ é má do en ji. ⁹ Éneɔ, dodoɔ, lengbɔviɔ gba wuntun atɔ́ngɔɔ, keun imɔ mɔ ome éxé e hu, ɖó e j'a Mawu xó ɔ, mɔ́ nɔ gbeji ɖe kunuɖiɖe etɔn mɛlɛ e kla ɖe vɔsakpeɔ gun. ¹⁰ E dó abó́bó hili, mɔlɔ fan: Aklunɔ kinkɔn, Aklunɔ xonugbónugbó, gbɔn lojɛ gan lowukɔ mɛ owa nɔ te jɛ, mɔ lɔ hwe gɔ zmɛ éxé ɖé awhango jilɛ, mɔ din hlɔ́n na mi, ɖó hu éxé ehumi ɔ wutu?. ¹¹ Ena awu zá weweyi yɛmɛ lókpo lokpo, mɔ lɔ nɛ fán nɛ̃ gɔ gbɔjwe na ganme vile, gbɔn lo je gan éxémɛ é dɔnvi gɔ enɔvi éxé ena hu hále lá sɔgbe ɔ. ¹² Énɛ ɔ́ godoɔ, imɔ lɛngbɔvi gba wuntun atró kpogɔɔ. Énɛɔ, awlango hunhun gɔ hɔnhlɔ́n, sɛzo trɔzuninu huwɔ lutuvɔn mɔɖe; sunhwlɛ ɔ tɛtɛ trɔzun fefɛyi ihun mɔɖe. ¹³ Sunvi lɛ janwan de jihule kɛn jɔhɔn gbo xó, mɔ húnhún figitin, kéun é sinsen mazin mazin le mɔ janwan ɖoɔ. ¹⁴ Jihwlé mlan kɛn é mlán wéma ɖo ɔ, mɔbú; éɖe sólɛ tɛtɛ gɔ do awlanga éxé tɔ cɛncɛn lɛ tɛtɛ é tɛnxwé lɛ mɛ. ¹⁵ Kɔsu éxé ɖé awlanga jilɛ, nukɔntɔlɛ, awhanga lɛ, dɔkunnɔlɛ, hinhlɔnnɔlɛ, gɔ gbɛtɔ ɖeɔ lɛ tɛtɛ; kannumɔlɛ oo, eme éxé yelɛ tete si ɔ oo, ye mɛ tɛ́tɛ́ sin do mɔ hwlá isolɛmɛ mɔ hwlá do ikṕɛn lɛ godo ɖe sokanmɛ,. ¹⁶ Mɔ lɔ na iso le gɔdo ikpɛn lɛ fán." mi mu do miji, mɔ kɔ mi ihwlá, nɛ eme exe sinnɔ kɔsuzikpe ɔ ji ɔ nima mɔ mie; énɛ ɔ mi la nɔ zɔ́gá na xomesin lɛngbɔviɔ étɔn. ¹⁷ Ɖó é xomɛsin é azán gbo ɔwa; eme la tɛn kpogo nɔteɖe ozan énɛ owunkɔn?"