¹ Enɛ egodo ɔ, inɔ ewɛnzangun bu enɔ jɛte ɖe jihwe , e ɖo acɛ gbo ɖehwlɛn, e susu e klɛn do awlango ɔ tɛtɛji. ² Wɛnzangun lɔ d'abobo jlili mɔ lɔ fan: "a j'awan lóoo Babilɔnu toxo gbo ɔ j'awan lóoo, awovi lɛ e tɛnxwe e nyi tɛn, mɔ nyi bibɛtɛnxwe na gbigbɔ nyinyilan olokpa olokpa lɛ tɛtɛ; ehɛ xwedwi xwedwi ehɛ gbɛhɛn olɔkpa olɔkpa lɛ eyi enɔ hinnɛ. ³ Ɖo ena oga éxé elɔ e vin baɖa baɖa wu ito tɛtɛ, emɔ nu. Kɔsu awlangojitɔn lɛɛ lɛ oga gɔdi. Ojɔtɔ awlangoji tɔn lɛ mɔ jɛ odɔkun zɔn e gbɛɖunu exé e ɖo zɛ jlɛgolɛ mɛ. ⁴ Enɛ e godo ɔ, i se igbe bu emɔ lɛ ɖe jihwle mɔ nɔ lɔ fan: "un togun mi tɔnɖe e cɛncɛn na mi ma we wu exwɛ éxé enɔ hu lɛ gɔdi e. Mi ma we ɖo mima ɖe inu nyinylan éxé na we jɔ deji lɔ mɛ e. ⁵ Ɖo e hwɛ lɛ likpɔ kaka mɔ sɔn jihwle. Mawu go wɔn inu nyinylan éxé e wa lɛ e. ⁶ Mi wanu gɔdi ɖikɛn e wanu gɔ mi ɖo ɔ, kɔfo éxé mɛ e caka ahan do na miɔ mi caka etɔnɛ ha donu owe demɛ n'i. ⁷ Kɛn e kɔ eɖe su mɔ din ocɔ ɖo ɔ, etɔnɛ ke mi wa do aya ni ɖo, etɔnɛ ke mi wa doe alwɛmɛ ɖo; ɖo elɔ do ayimɛ fan: " i ɖe awansinɔ ɖe xie ɖi kɔsu nyɔsi mɔɖe. ⁸ Go nyi osukusi e, gbɛ go na nɔ alwɛmɛ gble. Enɛ wutu inu nyinylan éxé ela yi ɖ'awan ni lɛ la wejɔ deji ɖe klɛmɛ lokpo. Inu nyinylan enɛlɛ enyi ikuzɔn, alwɛ gɔdo xovɛ. E la yi izo lo fyɔɛ ɖo Aklunɔ Mawu éxé nɔ lɔ ehwɛ di ɔ ɖo hinhlɔn. ⁹ Gan éxé mɛ Kɔsu awlangoji tɔn éxé lɔga gɔdi mɔ ɖu egbɛ gɔdi lɛ la mɔ izo éxé nɔ fyɔɛ lɛ e ozɔ ɔ, e la vi avi ma nale ɖo tixo gbo ɔ wutu. ¹⁰ E la nɔ hu cicwɔ na vivɛ éxé e la se lɛ ɔ maa ci ozɔga mɔ nɔ lɔ fan: "aaoo aaoo Babilɔnu toxo gbo ɔ, toxo hinhlɔn nɔ ɔ, e yi gan xixo lokpo iɖote mɔ yi lo ɖo kojo nɛ." ¹¹ Ojɔtɔ awlangojitɔn lɛ fe nɔ viavi mɔnɔ na ale ɖo eyɔ wutu; ɖo mɛti gɔ xɔ e ojɔnu lɛ e. ¹² Ojɔnu enɛlɛ enyi sika, fatagan, ekpɛn xɔxwa gɔ ejɛ lɛɛ, ixwsuvɔn bibya fɛfɛyi lɛɛ, ovɔn fɛfɛyi hɛɛ lɛɛ, sɛda, otin olɔkpa olɔkpa éxé e go kpego lo mɔ kpohun lɛ le ɔ, inu olɔkpa olɔkpa éxé eyi ajinaku e ohwu lo bayi lɛ, éxé eyi otin lo bayi lɛ, éxé eyi ogan fɛfɛyi lo bayi lɛɛ, éxé eyi ogan gɔ ekpɛn ganj ganji eéx eylɔ fan mablu ɔ lo bayi lɛɛ. ¹³ Inuhwɛnkun exe eylɔ fan kanɛlu gɔ nuhwɛnkun vovo bu lɛɛ, amisisa mila gɔ linfin, vin, ami; lofin, gɔ blée; nyibu gɔ lɛngbɔ, isɔ gɔ kɛkɛvi, kanlin lɔlɛ gɔ gbɛtɔ bu lɛɛ. ¹⁴ Ojɔtɔ enɛlɛ lɔ na toxo lɔ fan: "sinsɛn éxé ojlo wa mɔ lɛ ɔ tɛtɛ bu ɖe ikɛ; i dɔkun gɔ i gbɛɖuɖu lɛ tɛtɛ bu; gbɛ o go na gɔ myɛn gblée. ¹⁵ Ojɔtɔ éxé wa ojɔ ɖe toxo enɛmɛlɛ la ɖo cicwɔ huhu na vivɛ éxé ela mɔ lɛ mɔ ci ozɔga. E la vi avi mɔ na aléé. ¹⁶ E la lɔ fan: "aaoo! aaoo! amu ejɔ do toxo gbo lɔ ji etɔ ya. Ixwasuvɔn bibya fɛfɛyi nɛhwlɛn e do san mɔ do ovɔn fɛfɛyi hɛɛ ganji ganji; e bɛ sika lɛ, ekpɛn xɔxwa gɔ ejɛ lɛ lo ɖo ocɔ. ¹⁷ Dɔkun enɛlɛ tɛtɛ mɔ gɔnɖe ganxixo lokpo géée mɛ! Iga éxé kpacɛ na tɔjihun lɛ tɛtɛ gɔ emɛ éxé do tɔjihun lɛ, gɔ emɛ éxé wadɔn ɖe tojihunmɛ lɛɛ gɔ emɛ éxé wadɔn de xwuji xwuji lɛ tetɛ ci ozɔga. ¹⁸ Exé emɔ izɔ éxé nɔ fyɛlɔ e ozɔ ɔ, e bɛ abobo dido fan: "toxo exe ci ɖi toxo gbo éxé ha ɔ ti gɔ ɖe kpɔn gblée! ¹⁹ E bɛkɔ kɔn takun mɔ nɔ avivitɔn , mɔ nɔ ale natɔn, mɔn abobo dotɔn fan: "awoo! awoo! Amu we jɔ do toxo gbo lɔ ji etɔ? E dɔkun e do dɔkun na emɛ éxé ɖo mɛlɛ ɖe exwuji lɛ tɛtɛ. Emɔ yi ganxixo lokpo géé lo gbidi. ²⁰ Jihwle , jɔji ɖo gba éxé e gbɛɛlɔ wutu! Emɛ ɖedovo Mawu etɔn lɛ, emɛɖolohlan lɛ gɔ ixoyimɔlɔtɔlɛ, myɛlɛ fe mi jɔji! Ɖo Mawu mɔ ɖo inu nyinylan éxé e wa gɔ mi ɔ e kojo n'i. ²¹ Gan enɛmɛ ɔ, ewɛnzangun hinhlɔnnɔ nɛhwlɛn kɔ ekpɛn ɖi ese gbo ha nɛhwlɛn yi ɖu do tɔmɛ mɔ lɔ fan: " kɛn e wa kɔ toxo gbo babilɔnu ɔ du do ido ɖo, gɔdo hinhlɔn ɖo ɔ wenɛ gbɛ ego na gɔ mwɛn gbléé. ²² E go na gɔ se agida xotɔ lɛ gɔ hanjitɔlɛ e nuxixo gblée ɖe i ada e; e go na gɔ se kpete kuntɔlɛ gɔ ekpɛn kuntɔ lɛ e nuxixo gblée ɖe i ada e. E go na gɔ mɔ idɔn ti watɔ ɖe i ada e; e go na gɔ se ese egbe ɖe i ada e. ²³ Zogbɛn e kinklɛn go na gɔ klɛn ɖe i ada gblée. E go na gɔ se osu gɔ osi exé gɔ ɖe eɖe tlo lo e gbe ɖe i ada e ɖo i ojɔtɔlɛ mɔ nyi inusu gbo egbɛlɔ etɔn san, emɔ yi majiki e nu wiwa lɛɛ lo flu itolɛ tɛtɛ. ²⁴ E dɔnto na Babilɔnu ɖo emɔ ixoyilɔtɔ lɛ gɔ emɛɖedovo Mawu etɔnlɛ gɔdo emɛ éxé ehu ɖe awlangiji lɛ tɛtɛ ehunɖe i ada.