¹ Enɛ e godo ɔ, wɛnzangun acyowe éxé hɛn sinnugannu acyowe lɛ́ɛ lokpo we lɔ na fan: "wa, na xlɛ kɛn e wa dɔto na ogalɛtɔ gbo éxé nyi toxo gbo exé e gba ɖe tosisa susuto ɖo ɔ. ² Kɔsu éxé ɖe awlangoji lɛ lɛ aga gɔdi, emɛ éxé ɖe awlangoji lɛ mɔ nu inu xwedwi xwedwi éxé e wa lɛ é vin emu. ³ Gbigbɔ lɔ wa unji, wɛnzangun lɔ mɔ kɔ losɔn zogbeji; i mɔ nyɔsi ɖehwlɛn ɖe hinnɛ e mɔ ɖe awansinɔ ɖe kanli fɛfɛyi hɛɛ nɛhwlɛnji; nugbɛn nylan ɖo Mawu g o e nyikɔ kpe kanlin ɔ goKanlin enɛ ɖo takun acyowe azo owoe. ⁴ Nyɔsi lɔ do ixwasu e ovɔn fɛfɛyi nɛhwlɛn godo ovɔn fɛfɛyi hɛɛ ɖehwlɛn; e bɛ sika lɛ gɔdo ekpɛn ixwa gbo lɛ gɔ egɛlɛ lo ɖo ocɔ; e hɛn kɔfo éxé eyi sika lo bayi ɔ lokpo do olɔmɛ; suɖunu gɔ e aga lilɛ xwedwi xwedwi lɛɛ jwɔ kɔfo ɔ mɛ. ⁵ Ewla nyikɔ nɛhwlɛn do e unkɔnnu, nyikɔ enɛ budo, e wlan fan: "Babilɔnu gbo ɔ, agalɛtɔ lɛ gɔ suɖunu egbɛlɔ etɔnlɛ e nɔ". ⁶ I mɔ fan emɛɖedovo Mawu etɔn lɛ gɔdo klunɖe na Yesutɔ éxé e hu lɛ ɔ ehun e mu nyisi; éxé i mɔ nyɔsi ɔ, e kpaca wu tawun. ⁷ Enɛ e godo ɔ, ewɛnzangun lɔ lɔna fan: "amu wutu elo kpaca wi? Inu exé nɔsilɔ gɔ kanlin exé ji e sinɔɔ emɔ ɖo takun acyowe, gɔ azo awoe ni ɔ, la ɖe inu hwihwla éxé ɖemɛ nɛ. ⁸ Kanlin exé o mɔɔ, enɔ egbɛ san; vɔɔ, e gɔ ɖe egbɛ tɛn e; eɖo wa tɔn ɖe ido siso ɔ mɛ mɔ sɔ lɛ clɔn. Emɛ exé ɖe awlangoji gbɛ ego wlan e nyikɔ do egbɛ xoma lɔ mɛ ɖe bibɛ egbɛ lɔ etɔn lɛ le ɔ, é we mɔ kanlin lɔ ɔ, ela kpaca wi: xonugbo ɔ, kanlin ɔ ɖeegbɛ san gbɛ egɔ ɖe egbɛ tɛn e ela gɔ we ɖe edɛxlɛ. ⁹ Inu enɛ byɔ fan eɖo wa ɖo kunnu mɔ jɛ nugo gɔ inu nyinyɔ . Takun acyowe lɛ ɔ oso acyowe nɛ; eyɛlɛ ji nyɔsi ɔ ɖe awansinɔ ɖe; e gɔ nyi kɔsu acyowe . ¹⁰ E mɛ atɔ n jawan ɖe emɛ. Mɛlokpo nɔ ɖu Kɔsu tɛn gbɛ emɛ acyowe gɔ ɔ go wa gba e.Gan éxémɛ ela wa ɔ e go na nawan dindɛn e. ¹¹ Kanlin éxé nɔ egbɛ san gbɛ egɔ ɖe egbɛ tɛn le ɔ, kɔsu atintɔn gɔ eyi enyi mɔ gɔ ɖe emɛ acyowe tantɛn tɔn lɛ mɛ ma sɔ lɛ clɔn. ¹² Izo owoe éxé omɔ lɛ ɔ, Kɔsu owoe nɛ; gbɛ ego bɛ Kɔsu ɖuɖu gba e. Vɔɔ, ela yi acɛkpikpa lɔ do olɔmɛ nɛ, emɔ ɖu Kɔsu na ganxixo lokpo. Linlin lokpo ɔ eyi eyɛmɛ owoe lɔlɛ tɛtɛ ɖo. ¹³ E linlin enyi fan ela yi e hinhlɔn gɔ e acɛkpikpa yi na kanlin lɔ. Ela fun ahwan gɔ lɛngbɔvi ɔ. Lɛngbɔvi ɔ ma ɖuɖe eji. ¹⁴ Ɖo eyɔ enyi Aklunɔ Aklunɔ lɛ etɔn mɔ nyi Kɔsu Kɔsu lɛ etɔn; ela ɖuɖe eji, eyɔ gɔ emɛ éxé ɖe kpwɛ gɔdi lɛ, emɛ éxé e ylɔ mɔ cɛn emɔ ɖe gbeji n'i lɛ. ¹⁵ Ewɛnzangun lɔ gɔ lɔna fantɔsisa eéx o mɔ ɖe xie ogalɔtɔ ɔ ɖe lɛ ɔ, itogun lɛ nɛ, ahwankpɔ lɛ nɛ, ito gɔ igbe lɛɛ nɛ. ¹⁶ Azo owoe éxé o mɔ lɛ gɔ kanlin ɔ la gbɛwan na ogalɔtɔ ɔ, ela bɛ inu éxé eɖo lɛɛ tɛtɛ, ela ɖe do gogoligoe, ela ɖu e lan ma yi izo lo fyɔɛ. ¹⁷ Ɖo Mawu yi ojlo éxé bayi e linlin yi do ayimɛ nɛ. Ela ɖo igbe kpwɛ lo wa idɔn ma yi e kɔsu ɖuɖu yi do olɔmɛ na kanlin lɔ gbɔn lo jɛ gan éxé mɛ Mawu lɔ fan inu lɛ la jɔ do ɔ. ¹⁸ A lo gɔn ɛn ɔ, nyɔsi éxé o mɔ ɔ, tixo gbo éxé kpacɛ na Kɔsu awlangoji tɔn lɛ ɔ nɛ.