¹ Enɛ e godo ɔ, ise egbe nɛhwlɛn emɔ ɖi lele emɔ ɖi ɖe sinsɛnxɔ ɔ mɛ e mɔ nɔ lɔ na ewɛnzangun acyowe lɛ fan mi sɔn lɛ dwɔ mawu e xomɛsin exe ɖe sinnugannu acyiowelɛmɛ ɔ do awlangoji. Wɛnzangun tantɛn ɔ sɔn mɔ dwɔ e xomɛsin kɔn awlangoji. ² Wɛnzangun tantɛn ɔ esɔn mɔ ɖwɔ e sinnu gannu kɔn awlangoji,. Gan enɛ mɛ ɔ alan baɖabaɖa, alan nyinyɔn nɛhwlɛn e kɔn do emɛ éxé go ɖexlɛ kanlin ɔ etɔn ɖe em sɛn e akpajlɛ lɛɛ ɔ e wutu. ³ Wɛzangun owegɔɔ e ɖwɔ e sinnugannu kɔ ehwumɛ, ehwɛlɔ mɔ tlɔ mɔ ciɖi mɛkuku e hun mɔɖe. Inu lɛgbɛ éxé ɖe ehwumɛlɛ tɛtɛ mɔ ku. ⁴ Wɛnzangun otɔngɔɔ e ɖwɔ e sinnugannu do tɔsisa gɔ itɔ exé jɔ lɛmɛ emɔ tlɔzun ehun. ⁵ Enɛ e godo ɔ, ise wɛnzangun éxé ɖo acɛ do esin lɛ ji ɔ fan oyɔ emɛ éxé nyi kinkɔn, oyɔ emɛ éxé ɖe mɔ ɖe san ɔ, ehwɛ jijɔnɔ eyɔ onyi mɔ lo lɔ ehwɛ etɔnɛ. ⁶ Enɛ e godo ɔ, e kɔn emɛɖedovo Mawu etɔn lɛ ehun d'awan, tɛn ɔ, o na ehun wi emɔ nu. Inu éxé jɛ gɔɖe ɔ wenɛ. ⁷ Enɛ e godo ɔ, ise gbe nɛhwlɛn emɔ lɛ ɖe vɔsakpe lɔ e owunkɔn, mɔnɔ lɔ fan: xonugbo nɛ Mawu inu tɛtɛ go kpetɔ i ehwɛlilɔ lɛ nyi xonugbo mɔ sɔgbe. ⁸ Wɛnzangun enɛgɔɔ e ɖwɔ e sinugannu kɔndo sɛzo ji emɔ nagbe sɛzo fan ni yi e zo mɔ fyɔ gbɛtɔ lɛ. Zozo gbo nɛhwlɛn fyɔ gbɛtɔ lɛ, ⁹ e mɔ do nugbɛn wu Mawu éxé ɖo acɛ do inu nyinylan etɔnɛ lɛji ɔ e nyikɔ go; e go lɛkɔ ɖe e hwɛlɛgun ma kafu wu Mawu e nykɔ e. ¹⁰ Wɛnzangun atɔɔngɔɔ éyɔ wɔ e sinnugannu kɔndo kanlin ɔ e kɔsu zinkpwe ji, zinvlu gbo nɛhwlɛn mɔ cɔn e Kɔsu zinkpwe. ¹¹ Gbɛtɔ lɛ nɔ se vivɛ gbɔn mɔ nɔ hanɖu éé ɖɛlɛ. E nylan nugbɛn do Mawu sɛxwɛtɔn lɔ go. Ɖo vivɛ exé enɔse lɛ gɔ alan etɔnlɛ wutu. Ego gbogɔ ɖe inu nyinylan éxé enɔ wa lɛ gun é. ¹² Wɛnzangun atlkpogɔɔ ɖwɔ e sinu ganu kɔndo tɔsisa gbo exe eylɔ fan Eflatii ɔ mɛ. Itɔ lɔ xwu mɔ ɖemɔ na Kɔsu éxé zwan ɖe klɛmɛ hwezɛtɛn lɛ. ¹³ Enɛ e godo ɔ, i mɔ gbigbɔ nyinylan otɔn e mɔ ci ɖi egé bese ha; etɔn ɖe dlagɔn gɔ kanlin ɔ, gɔdo gbeyi mɔlɔ nyikɔjɛtɔɔ e kɛmɛ. ¹⁴ Awovi exe nɔ jlɛnu ɔ e gbigbɔ lɛ nɛ; gbigbɔ otɔn enɛlɛ mɔnɛ kpɔn Kɔsu éxé ɖe awlango ji lɛ tɛtɛ kɛ, mɔ na bwɛ na ahwan éxé ena fun ɖe Mawu inutɛtɛgo kpetɔɔ e azan gbo ɔ gbe ɔ. ¹⁵ Ɖoto, la wa ɖi ajotɔ mɔɖe, inu jɔhun na emɛ éxé wa ɖe unkle mɔ ɖe e awulɛ mɛ ɔ, nɛ ni ma lo zɔn gogoligoe losɔn, ne we mɔɛn ɖe ama ama nɛ inya ni lo we wɛ e. ¹⁶ Gbigbɔ nyinylan lɛ bɔ Kɔsulɛ do tɛnxwe éxé eylɔ fan Haamaédɔɔni ɔ do eblée gbe mɛ ɔ. ¹⁷ Wɛnzangun acyowe gɔɔ ekɔn e sinnugannu do jɛhɔnmɛ; emɔ se igbe lélé nɛhwlɛn ɖe sinsɛnxɔ lɔ mɛ; ¹⁸ igbelɔ lɛɖe kɔsu zinkpe ɔ kɛ mɔnɔ lɔfan "esɔgbelo!" Gbɛmɛ ɖe abi emɔ se igbe ɖehwlɛn, awlango mɔ hunhun gɔdo hinhlɔn. Awlango go hunhun etɔnɛkpɔ bɛɖe gan éxé mɛ e bayi gbɛjɔ e! e siɛn tete! ¹⁹ Toxo gbo ɔ ma do otɔn, toxo éxé zɔn ito lɛ mɛ ɔ gba hannyan. Mawu go ɔn Babilɔnu gbo ɔ e. Enɛ xomɛsin gbo ɔ e vin gbo éxé ɖe é sinnugannu mɛ ɔ wi emɔ nu. ²⁰ Itɔ cɛncɛn e awlango lɛ tɛtɛ bu, e gɔ mɔ osolɛ ti e. ²¹ kɛnjokun gbogbo nɛhwlɛnlɛ ja do gbɛtɔ lɛ ji; kɛn enɛ ɔ, lokpo lokpwe la da kaka lo sɔn kilo kanle . Gbɛtoɔlɛ nylan nugbɛn da Mawu gbo ɖo inu nyinylan éxé kɛnjokun ɔ dosin ɔ wutu ; ɖo inu nyinylan nɛhwɛn nɛ mɔ siɛn tete.