¹ Enɛ e godo ɔ, i kpɔn mɔ mɔ alinvi lɔ ɖe siɔnnisolɔ ji. Gbɛtɔ 144.000 exé owunkɔn e wlan e nyikɔ gɔ e tɔ e nyikɔ do lɛɛ ɖe hinnɛ gɔdi. ² I se igbe ɖehwlɛn ɖi ɖe jihwle, emɔnɔ jannu ɖikɛn esin gbokpan ɖehwlɛn enɔ kɔn do kɔmɛ mɔɖe; ɖikɛn gbɛmɛ e nɔ ɖegbe mɔɖe; igbe éxé nɔ se lɔ ɖi agidigbo xotɔlɛɛ enɔ xo agidigbo ha. ³ Gbɛtɔ 144.000 enɛlɛ ɖete ɖe Kɔsuzinkpoe lɔ wunkɔn, ɖe inuɖegbɛ enɛ lɛɛ gɔdo mɛxo lɛɛ owunkɔn, mɔnɔ ji ihan yɔyɔ ɖehwlɛn. Mɛti go kpego wa kplɔn ihan enɛlɛ zɔn gbɛtɔ 144.000 éxé e gɔ vɔxɔ ɖe awlango ji lɛɛ go e. ⁴ Emɛ enɛlɛɛ go hɛn eɖe lɛ deɖwi gɔ nyɔsi e. ɖo ego sɛkpɔ wu nyɔsi kpɔn e; ewlibo na eɖe do kinkɔn ji; e xwedo alinvi lɔ zɔ xie esɔn lɛ tɛtɛ; egɔ vwɛ ɖe gbɛtɔlɛmɛ, nɛlo nyi gbɛtɔ owunkɔntɔn éxé ena Mawu gɔ alinvilɔ. ⁵ Ego se e ɖu xosu kpɔn gblée; oblɔ ti go ɖe ego e. ⁶ Enɛ e godo ɔ, i mɔ wɛnzangun bu e mɔ zlɔn zɔn jihwle, e ɖo wɛnzangun magɔn magɔn nɛhwlɛn mado na emɛ éxé awlango ji lɛ tɛtɛ, ela jla ewɛn lɔ na ito tɛtɛ. ⁷ Ewɛnzangun lɔ zegbe loxlan jihwle loxlan: "mi ɖo sisi na Mawu mɔ kpa gigo ni ɖo gan éxé mɛ ewa lɔ ehwɛ na egbɛlɔ do su. Mi sɛn emɛ éxé da jihwle gɔ awlango, mɔ da exwu gɔ itɔ sisalɛ." ⁸ Wɛnzangun owegɔɔ jɛ owunkɔn tɔn lɔ e godo mɔ lɔ fan: "e j'awan, toxo gbo éxé e ylɔ fan babilɔnu j'awan; e na e viwun wu itolɛ, oga éxé e lɔɔ e viwun nyinylan lɔ wu itolɛ emɔ nu." ⁹ Wɛnzangun otɔngɔ jɛ godo na owe owunkɔn tɔn lɛ ogodo, e mɔ kɔ igbe do jihwle mɔ lɔ fan: "mɛ éxé nɔ sɛn kanlin lɔ gɔ e akpajlɛ lɛ, mɔ yi e jesidolɛ do owunkɔnnu lɛ, alo olɔ lɛ ɔ, ¹⁰ Mɛ enɛ fe la nu xomɛsin e viwun Mawu etɔn; viwun enɛ exe e ɖa ɔ, ego kɔnwɛn do Mawu e xomesin viwun aku lɔ e kɔfolɔmɛ e ¹¹ Izo gbo exe la do tagba nɛ ɔ, e ozɔ nɔ slo kaka losɔn. Izan gɔ okunkinkɛn , e go ɖo vivo e. ¹² Inu éxé wutu elo byɔ fan emɛɖedovo Mawu etɔn lɛ éxé nyi Mawusɛn lɔ lɛɛ , mɔ ɖo inuɖiɖi na Yesu lɛ ɔ, eɖo wa doji ɔ wenɛ. ¹³ Ise igbe nɛhwlɛn ɖi ɖe jihwle mɔ nɔ lɔfan: "wlan inu éxé , emɛ éxé nɔku ɖe Klisumɛ bɛ ɖe tɛn ɔ, inu jɔhun nɛ" gbigbɔ lɔ mɔ lɔ fan "ɛɛn" e hɛn ɔ e la gbɔjwɛ ɖe idɔn sinsiɛn éxé e wa lɛmɛ, ɖo ɖagbɛ éxé e walɛ gɔɖe enɔ sɔn. ¹⁴ Gɔnɔ kpɔn mɔmɔ kpɛtɛvi weweyiɖehwlɛninu ɖi gbɛtɔ ha ɖehwlɛn mɔɖe awansinɔ ɖeji. Kɔsu gba éxé eyi sika lo bayi mɔ takun ni, emɔ hɛn nukun ɖenu ɖiɖa lokpo do olɔmɛ. ¹⁵ Ewɛnzangun ibu mɔ tɔn ɖe sinsɛnxɔ lɔ mɛ, mɔ d'abobo clili, mɔ lɔ loxlan emɛ éxé ɖe awansinɔ ɖe kpɛtɛvi ji lɔ fan: "yi inuɖenu itɔn lo ɖe nukun, ɖo nukun ɖiɖe e ganmɛ mɔ su; ɖo nukun éxé ɖe awlango ji lɛ mɔ sin." ¹⁶ Emɛ éxé sinɔ awan ɖekpɛtɛvi ji lɔ mɔ yinukunɖenu etɔn lo kplɔ nukun lɔ lɛ ɖe awlango lɔ ji; enɛ ɔ, nukun éxé ɖe awlango ɔ ji tɛtɛ mɔ nyi ɖeɖe. ¹⁷ Ewɛnzangun ibu mɔ gɔ tɔn ɖe sinsɛnxɔéxé ɖe jihwle lɔ mɛ; eyɔfe hɛn nukunɖenu ɖiɖa lokpo. ¹⁸ Enɛ ɔ, ewɛzangun ibu éxé ɖo acɛ do izo ji ɔ mɔ lɛ ɖevɔsakpe lɔ kɛ lo wa. E do abobo , mɔlɔ loxlan ewɛnzangun éxé hɛn nukunɖenu ɖiɖa lɔ fan: "kɔ nukunɖenu itɔn mɔ gbo viwun tukpo éxé ɖe awlango ji lɛ tɛtɛ; ɖo sinsɛn etɔn lɛ mɔ bya." ¹⁹ Ewɛnzangun lɔ mɔ du nukunɖenu lɔ lo kplɔ viwun tukpo lɔ lɛ ɖe awlango lɔ ji , viwun tukpo éxé ɖe awlango ɔ ji lɛ mɔ nyi gbigbo, emɔ yi kɔndo Mawu e xomɛsin e viwunfyɔnnu gbo ɔ mɛ. ²⁰ E li viwun sinsɛn lɔ ɖe viwunto mɛ, ɖe toxo lɔ e godo, ehun mɔ sa ɖe viwunto lɔ mɛ gblagbla, mɔ gbakpe awlango gbɔn na kilomɛtlu 300, awlangomɛ bibyɛ etɔn la bayi mɛtlu lokpo afan etɔnɛ.