¹ Yesu nɔ zɔn Jeliko. ² É mɔ́ dahwe lokpo emɔ ylɔ ɛ fan Zacé, tohwa cyantɔ lokpo nɛ , e mɔ gɔ wa odɔkunnɔ ³ mɔ nɔ din amɔ Yesu , vɔ ahwan wugan, ɖo emɛ gɛngɛn yi nɛ, ⁴ Emɔ do hwe zun mɔ la hlá otin ji na Yesu nɛ lo muɛn . Ɖo Yesu la zɔ xi lɔ lo nyá́ ⁵ Exe Yesu jɛ xilɔ ɔ́, ekpɔn jihwle mɔ lɔ fan zacé jɛ te blehun do i osinmɛ ida fin egbé́. ⁶ e jɛte gɔ jijwɛ . ⁷ Éxé́ Yesu hwé do dahwe lɔ ɔ́, e jɛ xo lɔ dego ji fan esɔn hwɛ hu tɔ kɛ. ⁸ Zacé tété ɖe Yesu e unkɔn mɔ nɔ lɔ fan: Mawu , la ma un odɔkun lɛ do owe, mɔ na lokpowu wamamɔnɔ lɛɛ. Vɔ́ na i tafu emɛ lele ɔ, la ma eyɔ do donu enɛ. ⁹ Yesu lɔ ni fanegbe ɔ fifi ixwɛ. Ɖo ɔ oyɔ fe ɔ Ablaxamu evi ewɛ. ¹⁰ Ɖo Mawu ɖo gbɛtɔvi lɔ loxlan fan nɛ lɛ din emɛ exe bu lɛ mɔ hwlɛngan ¹¹ Éxé mɛlɛ nɔ ɖoto ixo éxé e nɔ lɔ́ ego d'olo bu nɛ. ɖo e mɔ sɛkpɔ Jeluzalɛmu mɛ lɛɛ mlɔ fan tlolo tɛn kɔsuɖuto Mawu etɔn da bɛ sin. ¹² Emɔ́ nɔ́ lɔ fan dahwe okunɖeji lohwlɛn e sɔ nu nɔ sɔn ito dindɛn mɛ da do kɔsu ma lɛkɔ lo wa osi ¹³ E ylɔn e mɛ owoe de e de vi lɛɛ mɛ. mɔ yi sikahwa owoe iɖo olɔ mɛ nɛ . mɔ́ nɔ lɔ nɛ fan nɛ nɔ do ojɔ gɔ sika xwa lɔ kaka na gan exe mɛ eyɛ wa gɔ dó. ¹⁴ Etomɛ tɔ lɛɛ gbɛwan ni. emɔ ɖe e mɛ. ewɛn mɔ jɛ godo ni fan nɛ la lɔ na emɛ exe dayi nɛ lo du kɔsu lɛɛ fan mi go din fan e mɛ enɛ nɛ du ga ná mi é. ¹⁵ Éxé eyi kɔsu emɔ́ lɛkɔ wa osin ɔ́ eylɔ emɛ de nɔtɔ lɛɛ fan ixwa amu mɛ lokpo lokpoe zan ɖo. ¹⁶ E tantɛn wa mɔ lɔ fan Tɔhonɔ i xwa ji ixwa owe. ¹⁷ Iga lɔ yi gbe ni mɔ lɔ fan: o wanu ganji. Ɖo mɛsɛntɔ mɛmɛyi ewɛ́ .Kɛn onɔ gbeji ɖe inu vitin kɔn ɖo ɔ, layi do inu gbo kɔn tohó gbo nugbɛn ¹⁸ Emɛ owegɔ wa fan, Tɔhonɔ i xwa ji ixwa otɔn bu do eji. ¹⁹ Iga lɔ mɔ yigbe ni fan olá nɔ ito atɔɔ́n nugbɛn. ²⁰ Mɛ bu wa fan Tɔhonɔ yi xwa o yi na ɔ ovɔnto i sin do, mɔ yi tɔ́. ²¹ I cwɔ do igo ɖo gbɛtɔ nyinylan e wɛ. O mɔ nylan hun tawun inu exe ogo yi do ayimɛ le ɔ́ oyɔ ola yi. Nu exe ogo do le ɔ́ eyɔ oɖé ²² Iga lɔ mɔ yigbe n'i fan " oyɔ emɛsɛntɔ nyinylan exe tóɔ́ ixo etɔn ɖe yi ke mɛ ɔ walo ɖa ehwɛ nɛ. Exe omɔ nyɔ fan inylan hun. inu exe i yi do awan iyi ɔ́ mɔ ya nu exe i go do ɔ. ²³ A hutu oyi un xwa lado ixwa jivi tɛnwe na lomɔ́ jivi le ɔ ²⁴ E lɔ na mɛ lɛɛ fan mi yi ixwa lɔ la na emɛ exe mɔ owe do e xwa ji lɔ. ²⁵ E mɔ yi gbe ni fan iga eyɔ mɔ ixwa owé á ²⁶ E yi gbe nɛ fan na lɔ na mi e la na nu wu emɛ exe ɖo lɔ deji, emɛ o ɖo nuti lé ɔ́ , e la ni lokpé, exe ɖesi ɔ. ²⁷ Un kɛntɔ e fan go da du ga lɛ lé ɔ mi dɛn lo wa xié na nɛ́ hwi de ún okun mɛ. ²⁸ Exe Yesu lɔ ixo lɛɛ xo gɔn e bɛ́ Jeluzalɛmu mɔ. ²⁹ E sɛ kpɔ Bɛtifajɛ gɔ Betani fe ɖe oso exe ylɔ fan olivutin so fe é do e ahwanvi dowe loxlan mɔ lɔ nɛ fan: ³⁰ mi sɔn Gletoxo exe ɖe okɔn enɛ mɛ. Mi byɛ mɛ tlolo ɔ mi la mɔ isɔ lohwlɛn ɖe kan mɛ. Mɛ ti go hla eji kpɔn ée. Mi tlui. Mɔ yi lo wa. ³¹ Nɛ fan mɛ lele kanxo wumi fan amuwutu mi lo tlui ja ɔ, mi ɖo ego ni fan enu e hudo Mawu ³² Exe elosɔn e mɔ kɛn Yesu lɔ ɖo ɔ́. ³³ Exe lo tlu ikan na isɔ́ lɔ ɔ, isɔnɔ lɔ kan xo wi fan: amu wutu mi lo tlu sɔ lɔ. ³⁴ E fan e nu e hu do Tɔhonɔ. ³⁵ E mɔ yi lo wa na Yesu. Mɔ tɛ́ é ovɔ lɛ́ do e ji ni mɔ ze Yesu xinawan deji. ³⁶ E Yesu ɖe mɔji lo sɔn, e mɛlɛ nɔ tɛ ovɔn do mɔji ni ³⁷ Exe sɛkpɔ Jeluzalɛmu mɔ nɔ jɛ te ɖe olivutin so ji lo byɛ do klɔmɛ losɔn, e mɔ jijwɛ ahwan xwe di kpɔ, mɛ tɛtɛ mɔ nɔ kpa susu na Mawu. Gɔ abobó, ɖo i ni u exe e nɔ jlɛ lɛɛ wutu. ³⁸ Enɔ lɔ́ fan Mawu nɛ xo eɖɛ do kɔsu exezwan lɔ ji ɖe Tɔhonɔ e nyikɔ mɛ lɔ ji. Fifa ne nɔ é sɛxwɛ, susu na Mawu. ³⁹ Falizyɛn nu exe ɖe ogun lɔ mɛ nɔ lɔ ni fan cícá, lɔ na xi ahwanvi lɛ́́ɛ fan nɛ bɔnu. ⁴⁰ Yesu mɔ yigbe nɛ fan: na lɔ xonugbo na mi , nɛ fan e bɔnu can ɔ, ekpɛn lɛɛ la d'abobo lo kpa. ⁴¹ Exe Yesu sɛkpɔ Jeluzalɛmu ɔ, mɔ mɔ ito lɔ loxlan ɔ, e vi avi do ito lɔ takun. ⁴² Mɔ lɔ fan ijé́ Jeluzalɛmunu lɛɛ é́ mi egbé tɛn ɔ, na inu exe adɔn fifa lo wa na mi. Mi mɔ mlɔn je vɔ́vɔ́. E la jɔhun eyɔ yé́ mi go nyɔ e. ⁴³ Okun lohwlɛn la we kɛn na mi kɛntɔ lɛɛ ma tɔn ahwan mi. E la xa mi to mɔ ján mi zɔn xi tɛtɛ. ⁴⁴ Ela gba oyɔ gɔ yi kpɛ lɛɛ. ekpɛn e lo tunxɔ lɛɛ. iti ji é ɖo gbe e gbe Mawu lo wa mi kɛ ɔmi go nywɛ́n é ⁴⁵ Yesu byɛ sinsɛn xɔmɛ mɔ nya nusatɔ lɛɛ. ⁴⁶ E lɔ nɛ fan:" Mawuxo ɔ lɔ́ fán un osin ɔ ɖɛxo sin nɛ, vɔ miɛlɛ mɔ yi ɖo ojɔ avatɛn" ⁴⁷ Tɛgbɛ ɔ Yesu we kplɔn nu mɛlɛɛ ɖe sinsɛnxɔ mɛ. Ovɔsanu xwle Mawu tɔ ga lɛɛ gɔdo esɛn kplɔn emɛ tɔ lɛɛ gɔ Tomɛxo lɛɛ na din da hwii. ⁴⁸ Vɔ e go nyɔ kɛn e wa bayi ɖo lokpe e gó é. Ɖo ogun lɔ tɛtɛ e tɔ okun wi mɔ nɔ ɖo to wi gɔ do e ayi lɛɛ tɛtɛ.