1 Enɛ godo ɔ ɔ yesu gɔ do lo lokpo na eɖevi lɛ lo ɖe xlɛ fan eɖo la vankan ɖe eɖɛ xixo mɛ wakanmɛɛ ni ma kwi gble e. 2 Efan ehwɛ lɔ tɔ lokpo ɖe ito lehwlɛn mɛ gbɛ ego ɖo sisi na Mawu gbɔn lo si gbɛtɔ tie . 3 Sukusi lokpo mɔ ɖe to lɔ mɛ mɔ wa ehwɛ lɔ tɔ lɔ kɔ mɔ lɔ ni fan hwlɛn ɔ gan ɖe emɛ exe jite do un go lɛ si. 4 Ehwɛ lɔtɔ lɔ mɔ gbɛ kaka gba tɛn ɔ emɔ we lɔ do odɔ mɛ fan nɛ go ɖo sisi na Mawu e gbɛgo mɔ gbɛtɔ lo mɔ nu ti e le ɔ. 5 Kɛn nahwe sukusi etɔ nɔ jɛ kɔ na ɖo mɔ nɔ do tagba na ɖo ɔ lagbɔjwɛ gbo do etɔn ji ma nɛ e la nɔ do tagb na kaka ogbɔ mɔ kpe o. 6 Mawu mɔ gɔ lɔ fan mi gɔ se exo exe ehwɛ agɔ lɔ tɔ lɔ. 7 Nɛ inu ɖe etɔ nɛ ɔ amutu Mawu go go wa yawu gbo ehwɛ na etɔn lɛ e xé ɖe yi ylɛtɔn ozan gɔ do kle le ɔ ela dɛn fe lo do olɔ wi nɛ . 8 Na lɔ xonugbo na mi fan bleun Mawu ba na ehwɛ jijɔ wi vɔɔ gan exe mɛ inyɔ gbɛ tɔ vi la we wa ɔ la we mɔ nuɖitɔ ɖ'axwangloji . 9 Yesu mɔ gɔ do lo exe tɔ lo lɔ xo ji do emɛ exe mɔ eɖee lo mɔ e mɛ ganji gbɛ ego mɔ mɛ ɖe tɔ lɛ lo mɔ nu ti e le ɔ fan . 10 Dahwe owe ɖehwlɛn lɛ ɖee emɔ sɔn eɖɛ xo tɔn mɛ lokpo nyi falizyɛn nu mɛ lokpo mɔ nyi toxwa yitɔ . 11 Falizyɛnnu lɔ ɖete mɔ xo eɖɛ do aximɛ mɔ nɔ lɔ fan un Mawu ido ekpɛ nɛ ɖo go nyi gbɛtɔ ajotɔ ɔ e mɛ nyinyla ogalɛtɔ lɛ ha e i mɔ gɔ do ekpɛ nɛ ɖo go nyi tohwayitɔ eye tɔ ha e . 12 Inyɔ ɔ i bla nu jɔ ɔ we ɖe kwasiɖa lokpo mɛ inu exe i ɖo lɛ ɔ i na ema do owoe. 13 Toxwayitɔ mɔ ɖe te ɖe ozɔga gbɛ ego ze takun tete e nɛ lo ɖe xlɛ fan ehwɛ hutɔ ewa eyɛ ɔ e do olɔƥ e okɔn nugbɛn mɔ lɔ fan un Mawu yi ɛhwɛ yilkyɔ ɖo ehwɛhutɔ eye wa. 14 Yesu mɔ lɔ fan alɔ xonugbo na mi toxwayitɔ lɔ lɛ kɔ lo sɔn exwɛ agban ti ma gɔ hɛn lo sɔn sin falizenu lɔ ehwɛ exe ehu lɛ ɔ bɛ ɖe kɔ ni ɖo emɛ exe yi eɖee do oji ɔ Mawu la ze dodo e mɛ exe ze eɖee do do ɔ Mawu la ze do oji. 15 Mɛ lɛ kplan ivi ɖe onɔ nugbɛn lɛ ɛ lo wɛ yesu kɛ fan ni ɖo olɔ eji mɔ xo eɖɛ nɛ vɔ exe edevi lɛ mɔ etɔ nɛ ɔɔ ebɛ adan do mɛ lɛ ji . 16 Yesu mɔ ylɔɛ fan nɛ jo vikpɛ vu lɛ do nɛ wa un kɛ mi ma su imɔ de e ɖo xɔlu ɖuto Mawu etɔn ɔ e mɛ exe ci ɖi vikpɛvulɛ ha etɔn nɛ. 17 Na lɔ ɔ xonugbo na mi emɛ exe go na yi xɔ luɖuɖu Mawu e tɔn ɖi vi kpɛvi lɛ mɔ ɖe e le ɔ ego na byɛ e mɛ e. 18 Jifu lɛ ega lokpo kanxose jesu fan cica e mɛ ganji amu wa wa nɛ Mawu ni lo na egbɛɛ magɔn magɔn wu. 19 Yesu mɔ yi gbe ni fan amutu olo ylɔ fan emɛ mɛmɛyi mɛti go nyi e mɛ mɛ mɛyi zɛ Mawu lokponɔ gee go e . 20 Onyɔ esɛn lɔ lɛɛ ma lɔ ga e ma hu emɛ e ma jɛ ajo e ma lɔ inu exe ogo mɔ e si itɔ gɔ inɔ. 21 Dahwe lɔ mɔ yigbe ni fan kaka un ɖekajɛ gbɔn mɔ nɔ nyi esɛn enɛ lɛ. 22 Exe yesu se etɔ nɛ ɔ e mɔ lɔ ni fan ekpo nu lokpo nɛ sa inu exe oɖo lɛ tɛtɛ bi omɔ ma ixwa lɔ na emɛ exe go ɖo nu ti lɛ nɔ lo kpego lo ɖo odɔkun ɖe Mawu kɛ enɛ ogodo ɔ omɔ xwédo. 23 Vɔɔ exe dahwe lɔ se etɔ nɛ ɔ iwu kwi ɖo xwa tɔ nɔ gbogban nɛ. 24 Exé yesu mɔ fan iwu ku dahwe lɔɔ emɔ lɔ fan e la vɛwu na odkunnɔ lɛ nɛ lo byɛ xɔluɖuɖu Mawu etɔn mɛ. 25 Ɖo wɛnnyɛ mɔ nugbɛn zinzɔn la bɔ ɔwu na isɔ hu gan wu odɔkunnɔ ni lo byɛ xɔluɖuto Mawu etɔn mɛ. 26 Emɛ exe nɔ ɖoto yesu lɛ mɔ nɔ lɔ fan nɛ fan inu ɖe etɔ nɛ ɔ e mɛ nɛ mu e nɔ da mɔ hwlɛn gan tɛn e loko. 27 Yesu mɔ ɖo ego nɛ fan inu exe glo gbɛtɔ lɛ go glo Mawu e . 28 Pyɛ mɔ lɔ na yesu fan mi ɛ lɛ we jo mi nu lɛ do mɔ xwe de we. 29 Yesu mɔ lɔ nɛ fan na lɔ xonu gbo na mi emɛ exe wa jo e osin do alo esi do mɔ jo enɔ vi lɛ do mɔ jo emɛ lɛ do alo evikpɛ lɛ do ɖo xɔluɖuɖu Mawu etɔn e un kɔn sinsɔn wutu ɔ. 30 Emɛ e nɛ ɔ Mawu la na inu enɛ lɛ edonu nɛ mule wi ɖe egbɛ exe mɛ emɔ gɔ na egbɛ magɔn magɔn wi ɖe egbɛ exe zwan mɛ. 31 Yesu kplan e devi owio we lɔ lɛ do vo mɔ nɔ lɔ nɛɛ fan jeluzalɛmu we mi nɔ sɔn we nu exe Mawu ewɛn do tɔ lɛ wlan do gbɛtɔvi lɔ go ɔ tɛtɛ la jɔ. 32 Ɖo ela jo e na emɛ exe go sɛn Mawu e lɛ emɔ koe mɔ ylan nu jan ni ela tun otan de go. 33 E la yi lanba lo xo e enɛ ego do ɔ emɔ hui ee azɔn tɔn gɔ gbe ɔ e la fɔn. 34 Vɔ ɔ ede vi lɛ ti go mɔ kunnu jɛ ixo enɛ exe yesu lɔ nɛ lɛ ti tete go e ixo lɔ lɛ bu do dee gbɛ ego nyɔ ixo exe yesu nɔ lɔ nɛ. 35 Yesu gogo ito exe eylɔ fan jeliko ɔ okun gbigbanɔ lokpo mɔ ɖawansinnɔ ɖe mɔto mɔ nɔ byɔnu . 36 Exe ese fan gbɛtɔ lɛ nɔ nya ɔ ekan nu exe nɔ jɔ tase. 37 E mɔ lɔ ni fan yesu nazalɛti tɔn eye nɔ nya. 38 Emɔ da bobo mɔ lɔ fan yesu davidi evi kuwunzinzin na . 39 Emɛ exe xwedo yesu lɛ mɔ mɔ bɛ nu ɖegun fan nɛ bɔnu vɔɔ ego bɔnu e emɔ gɔ do abodo lɔ gangan fan davidi evi ku wunzinzin na. 40 Yesu mɔ nɔ te mɔ lɔ fan mi kplɛn lo wa na eye ewa ɔ yesu kanxo se wi fan. 41 Amu odin fan na bayi nɛ emɔ yi gbe na yesu fan itɔ ba yi na mɔ okunnu . 42 Yesu mɔ lɔ ni fan bo mɔ kunnu xɔse exe oɖo ɔ na ke un Mawu mɔ gbɔ ozɔn nɛ. 43 Jlokpe ɔ dahwe lɔ mɔ mɔ kun nu mɔ xwe do yesu mɔ nɔ mla Mawu exe ahwan exe xwe do yesu lɛ mɔ nukpaca enɛ ɔ eyɛ mɛɛ tɛ bi nɔ mla Mawu