Takun 17
1
Jesus lɔ na é nu kplanvi lɛ: « I nu lɛ la wé nɔ awan tité ungbé mɔ wé ɖɔn mi biɛ nyla do mɛ. Vɔ ta nyla kan na é mɛ é ji nɛ nɛ nu la zɔn!
2
E nyɔ wu ni fan é la wé nyi ofɔ klin nu ma é mɛ.
3
Mi do ayi té, nɛ i nɔvi jɔ gɔ ɔ fɔn ɛ cité, nɛ é lɛ vɔ jɔ ɔ i ogɔ jijɛ ɔ i kɛ.
4
Nɛ é jɔ gɔ dé, ja aciowé ɖé o kun kikɛn ɔ, ja ciowé é mɔ lɛ kɔ lo wa i kɛ ɔ fan yi jɔgɔ dé ɔ, i mɔ lɛ vɔ jɔ ɔ odo ayi ogɔ é jɛ lɔ i kɛ .
5
Nukplanvi lɛ lɔ na Jesus: « do xɔsé xɔsé ji na mi.»
6
Hlɛngantɔ lɔ nɛ fan: « Nɛ mi ɖo nu ɖi ɖi kɔkuin mɔ ɖé ɔ mi la lɔ na oso fan sɛ tɛn mɔ biɛ xu mɛ é mɔ sé gbé na mi.
7
Vɔ é mɛ ɖé mi mɛ mɔ ɖo dɔn wavi é lɛ glé alo mɔ kplan kanlin ɖé é gigɔ mɛ ɔ ha kun ɖé glé mɛ la lɔ ni fan: Wa sin na wan mɔ ɖu nu jlo kpé ?
8
Alo a lɔ fan, wé la ɖa nu na na ɖu wlé bo na i ɖé mɔ bayi nu na na ɖu mɔ nu foto nɔ lo ɖu itɔn mɔ nu.
9
E godo é kpɛ na mɛsɛntɔ na fan é bayi inu ézwɛné alo?
10
Mi le fé mɛ mi bayi inu ézɔn mi tɛtɛ ɔ, mi lɔ fanmi wa mɛsɛntɔ ma jɛgɔ do tɔ ɖo mi bayi é go mi kpé ɔ wa bayi ɔ.
11
Ewé jɛ fan mi nɔ sɔn Jerusalem mi mɔ ɖasa idé Samari gɔ Galilé tɔn.
12
Exé mi lo biɛ ito lɔ mɛ ɔ i srun gundu nɔ owé wé kpé mɔ ci ozo ga ni
13
é mɔ, bɛ a bobo Jesus, ku unsinsin na mi!»
14
E lo mɔ yé ɔ, é fan mi la yi miɖé lɛ yi xlɛ vɔsan nu ylé Mahu tɔ lɛ gan é mɛ é bɛ mɔ ɔ, é wéla mɔ ozan hɛngbɔ ɖé mɔ ji.
15
E xé mɛ lokpo mɔ klun jɛ go fan ozɔn gbɔ na é yɛ ɔ é lɛkɔ wa mɔ lɔ
ɛ gigo, kpikpa na Mahu gɔ a bobo.
16
E mɔ jɛ klo ɖé Jesus fɔ gun mɔ nɔ yi gigo na Mahu é mɛ nɛ ɔ Samaritain nɛ.
17
E lo gogo Jesus fan é mɛ owé ɖé tɔ lɛ ɔ é o ozɔn hɛn gbɔ é nɛ? xɛ é mɛ a ci nɛ ɖétɔ lɛ lɔ?
18
Mɛti gɔ ɖé é mɛ a wé yi kafu kafu na Mahu gbɔn vo na mɛ jlo éxé? »
19
E mɔ nɔ lɔ fan, cité mɔ sɔn ɖo i nu ɖiɖi mɔ hlɛngan.
20
Lo zɔn do Pharisien nu lɛ éxo kansé ɔ ɖo fiɔ ɖu Mahu é tɔn é wiwa go Jesus yi gbé fan: « Fiɔ ɖu Mahu tɔn go wa inu éxo o kun é.
21
Gbɛ égo na lɔ fan kpɔn yié tɔ alo kpɔn xi mɛ do fiɔ ɖu Mahu é tɔn ɖé mi cɛn mɛ.
22
E lɔ na nukplanvi lɛ fan: « Azan la wéwa, mi mɔ jlɔ a mɔ ivi Mahu tɔn é a zan vɔ mi go na mɔ é.
23
A lo é lɔ na mi fan: "Mi kpɔn xlé, mɔ kpɔn xi nɛ" Vɔ ma sɔn gé jié mi ma do wézun gɔ dé.
24
Dikin hwézizé zɛ ɖé a da ɖé lo jɛ a da ɖé ɖo ɔ étɔ nɛ ivi gbɛtɔ étɔn la nɔ ɖé é ya zan gbé.
25
Vɔ ɔ tant€n a tɛ ɔ, é la sé vivɛ susu glé glé co gbɛtɔ lɛ mɔ ɖé kɔ ɖé go.
26
Ɖikɛn éjɔ ɖé Noé hwénu mɔ ɖé étɔ nɛ ké na jɔ ɖé ivi gbɛtɔ é tɔn é hwénu.
27
E nɔ ɖu nu, é nɔ nu, é nɔ ɖé, é nɔ zɔn lɛ, é nɔ na osu évi kpɛlɛ, gbɔn na gan é mɛ Noé biɛ aklo mɛ ( gbɔn itɔ mɔ wawé gbɛ é mɔ sɔn ci vrɔn gbé nu.
28
Ɖikin kɛn wa ɖé Loth é whénu ɖé é nɔ ɖu, nɔ nu, nɔ xɔ, nɔ sa, nɔ do, nɔ gba.
29
Gbé é gbé Loyh tɔn ɖé Sodome jokun izo tɔn gɔ ozɔ e lɛ ɖé ji hlé mɔ jɛ to lɔ ji mɔ crɔn mɛ tɛtɛ.
30
E tɔ nɛ pɛpɛ ɖé ivi gbɛtɔ tɔn é wiwa gan mɛ.
31
Ɖé azan é nɛ gbé ɔ é mɛ xé ɖé xɔ ji ɔ. Nɛ ma jɛté lo wa é nu lɛ bɛ gbé dosin mɛ é gbɛ é mɛ ɖé glé mɛ nɛ ma gɔ é.
32
Mi flin Loth é si.
33
E Mɛ é na hlɛ é gbɛ gan ɔ la bwi, é mɛ é na bu é gbɛ la mɔ ɛ mɔ yi.
34
Nɔ lɔ na mi ɖé ozan éxé mɛ é mɛ owé la nɔ ozan lokpo ji é la yi mɛ lokpo co mɛ ɖé tɔ mɔ ci a wan,
35
nyɔsi owé la ɖé nuli tɔn ɖé zo mɔ mɛ é mɔ yi mɛ lokpo mɔ jo mɛ ɖé do
36
( sun owé la ɖé glé mɛ é mɔ yi mɛ lokpo mɔ jo mɛ ɖé do)
37
E mɔ nɔ kɛn sé fan: «Xé nɛ, hlɛn tɔ? « E mɔ nɔ lɔ nɛ fan: « xi nɛ ké aklasu lɛ wé bɔ ɖé ».