¹ E nɛɔ wutu ɔ inyo Pɔlu exe énɔ sɛn ogan , ɖó nɔ sɛn Klisu wutu ɔ ɖo mielɛ mɛ éxé égo nyi Mawusɛntɔ lɛ éleɔ é Takun mɛɔ ² ,Idɔn exe Mawu zɔn inyɔ ɖe odɔmɛ fifa mɛ ɔ , fan awa na eyɛɔ , iɖi fan la mɔ bayi ³ Mawu ɖè inu lehwlɛn xlɛɔ , alomɔ inu jɛ inubudo etɔn go , imɔ lɔ exo viilè do inunu enɛɔ gó do wema éxé lɔ mɛ . ⁴ nɛ ényi fan mi mɔ nɔ xlɛɔ ,mi hɛn ɔ , mi la nyɔ ken imɔ kunnu jɛ inubudo exe eɖe Klisu meɔ go ⁵ ɖé xoxo gan mɛɔ , Mawu go dè inubodo enɛɔ xlɛ gbɛtɔ lɛe vɔ̌ tɛnɔ , é ɖ'exlɛ emɛɖolo xlan lɛ gɔdo ixo yi ɖe emɛ si mɔ ilɔ lɛ zɔn yɛsinsɛn ji ⁶ Inu budo lɔ we: eme exe ego nyi Mawusɛntɔ lɛ eleɔ , la mɔ inumɛmɛyi exe Mawu yi ɖà wan na é habibɔ yi fégodo emɛ éxé ényi Mawusɛntɔ lɛɔ , zɔn éwɛn mɛmɛyiɔ ji éyɛ me tɛtɛ nyi inuɖokpoɔ ɖé agbaza Klisu étɔngo. Ajɔgbe éxé Mawu doɔ , eyɛ lʒ fe la do viile ɖe mɛ zɔ Jezuji ⁷ enu exe Mawu yi ehinhlɔn lo na miɔ ɖe édɔmɛ̀ kinkɔn mɛ , eyè ényi fan un dɔn ɔ̌ , nyi ewɛǹ mɛ́mɛ́yi dido i go a nɔ e mɛ éxé Mawu yi idɔn ⁸ Ido asi na lɛ mɛ ninɔe có Mawu mɔ flin nyɔ́ fé fan a jala éwɛn mɛmɛyi exé ényi odɔkunmagɔn magɔn kilisu étɔn ɔ na eyɛ exe ego nyi mawusɛntɔ lɛɛ eleɔ ⁹ na ajala ewɛn mɛmɛyi lɔ n'ɛ alo t€n un kpego lo kplan gbɛtɔlɛ tɛtɛ nɛ eni lo mɔkunjɛ kɛ inunudo Mawu etɔn éxé éɖe eyɛ mɛɔ a we nyi dóɔ go . Mawu exe ebayi enutɛtɛɔ éyi tito exé nɛɔ , itɔ do gbetɔ lɛ ¹⁰ Nɛ egalɛ fegɔ do acɛ kpatɔ lɛ exe é ɖé egbɛ exe mi go nɔ mɔ lɛ, eleɔ e ni mɔ okunjɛ inu exe enyi inu nyinyo Mawu etɔn ɔ , go lo zɔn alɔ tɛtɛ mɛ fégodo ogunɔ tɛtɛmɛ ¹¹ Mawu wa inu do étɔnɛ emɔ sɔ gbe do elinlin exe eɖoɔ mo we bayi d'eji lo zɔn hwlɛngantɔ mitɔn Yesu Klisu ji ¹² Ikpɔninɔ exe mi ɖéɔ gɔdo klisu fégɔdo inuɖiɖi exe mi ɖo n'iɔ é hyan fan a mi gogo wi fego do ejiɖidè gbekpan lokpo ¹³ eye ezɔnɔ , nɔ byɔ ɖé mi si fan awakan mɛ do vivɛsisè éxé nɔ mo do mi goɔ goe mi ɛ telɛ émɛmɛyi wutu nɛ lǒ sè vivɛsise énɛɔ ¹⁴ exe nɛ lɔ ena lojɛ klo ɖé Mawu itɔ́ɔ ¹⁵ éxé ényi etɔ́vna hennu éxé éɖé sɛxwɛɔ tɛtɛ fegɔdo exe eɖe awlangoji lɛ tɛtɛ ¹⁶ ounkɔn ; ibyɔɛ fan kɛn ekaf́úkafú sɔn jihwle ɖoɔ ni dò wunsɛn wu mi lo zɔn yɛsinsɛn ¹⁷ Ji ; mó byɛ fan klisu ninɔ mieayilɛmɛ lo zɔn inu exe midi n'iɔ mɛ mɔ gɔ nɔ byɛ fan a mi do eɖɔ do mɔ lido ɖé wanyiyi mɛ ¹⁸ mɔ gɔ byɛ fan miělɛ fegɔ do émɛ cincyan Mawu étɔn tɛtɛ ni mɔ kunnu jɛ kɛn Mawu é wan yiyi kikɛ ɖoɔ go fégɔ do ken éziza ɖóɔ go kɛn é sɔn jǐhwle ɖoɔ go fegɔ do kɛn é siso ɖoɔ go ¹⁹ xónugbo nɛ! mi mɔ kunnu jɛ éwanyiyi go , éɖé étɔnɛɔ éwanyiyi go , éɖé étɔnɛɔ inu éxé Mawu nyiɔ mɔ júɔ mi ě ayi lɛ mɛ tɛtɛbi é ɖé étɔ nɛ cóɔ , emɛti go mɔ kunnu jɛ wanyiyi mawutétɔn go lɛ fó kpɔn gblě kpɔn gblě ²⁰ Mawu ɖo hinhlɔn mɔ henɔ , é la wa énu na mi ,é mɔ hugan wu enu éxè mǐ byɛɔ , alo exe mi tlɛ nɔ linɔ lozɔn hinhlɔn exe enɔ wa ɖé mi mɛɔji ²¹ kafúkafú na Mawu ɖe ogun lɔ mɛ ɖé Klisu Yesu mɛ ɖé tɛnɔ gbɔn ló sɔn lósɔn magɔn magɔn . Ami.