¹ Ovɔsanuxle Mawutɔ gbo lɔ kan xo se wu Etiyɛnu tan: inu zɔn do etɔ nɛ xonu gbo? ² Etyɛ nu mi yixo : ƒan un nɔvi lɛ mi un tɔ lɛɛ mi miɖoto wu, Mawu susunɔ tɔn do mi tɔgbo Blaxamu ji gan ee mɛ ekpa ɖe mɛzopotani, gbɛ ego la sa osin do Halaami mi e ele ɔ. ³ Mɔ lɔ ni ƒan: tɔn ɖe xitomɛ, tɔn ɖe ihɛnnu ee mɛ lɛ , mɔ sɔn ito ee wa xlɛ ɔ mɛ. ⁴ Xo nugbo ɔ Ablaxamu lɛ ɖe kallu denu lɛe eto mɛ, mɔ we sa osin do Halani; éxé etɔ ku egodo ɔ, MAwu ɖe sɛ ɖe xinɛ, mɔ yi lowa ito éxé mɛ mi ɖe tɛn ɔ. ⁵ Mawu go na xwanglo ti wu Ablaxamu do oto xi etɔ é. Hwanglo olɔgogwe lo kpo tète go nyi etɔn é. Vɔ ɔ Mawu do kpa n'i ƒan eyɛ la na ito lɔ wi i, e mɔ we nyi evivu lee étɔn. co. Ablaxamu go ji iviti gan e nɛ mɛ é. ⁷ Mawu mɔ gɔ lɔ ni ƒan: ivvu lɛɛ la ci mɛ by lɛ e to mɛ e mɔ yi lo ɖo kannumɔ mɔ saya nɛɛ na ixwe aƒɔ we(4000). ⁶ Vɔ ɔ, la ɖɔ ehwɛ gɔdo okɔ e mɛ ela nyi kannumɔ ɖe ɔ, e nɛ e godo e mɔ lɛ ɖe ito lɔ mɛ mɔ we sɛn ɔ ɖe xi e tɔ. ⁸ Mawu mɔ jlɔkɔ gɔ di mɔ yi ada gbigbo lo ɖo okɔjijɛ ee nɛ e jɛsido. Ee ne wutu, gan ee mɛ Ablaxamu ji Izati ɔ, é gbo oda n'i ee azɔntɔn gɔ gbé. Ee Izaki ƒe ji jakɔbu ɔ, e gbo oda ni i, Jakɔbu mɔ gbo na mi tɔgbo owiowe lɔ lɛɛ. ⁹ Mi tɔgbo ee nɛ wa hwanlɔ do enɔvi Jozɛfu go, mɔ ze Lasa, emɔ kplɛn loṣɔn ejipu; vɔ ɔ Mawu mɔ nɔ godo n'i. ¹⁰ Mɔ hwlɛn e ɖe inu gbo emɛ lɛɛ tɛtɛ bi mɛ, mɔ na nunywɛ wi, mɔ bayi e nu mɔ jɛ Ejipu ga ee o kun mɛ. E mɔ jyi lo ɖo iga ɖe ito lɔ mɛ ƒegɔdo ee osinmɛ. ¹¹ Xovɛ ɖehwlɛn mɔ tɔn ɖe Ejipu gɔdo kanaa, mɛ tɛtɛ mɔ jɛ oya h=gbo ɖehwlɛn mɛ gbɛ mitɔ gbo lɛɛ ɔ mɔ nuɖuɖu é. ¹² Jakɔbu mɔ se tan jinukun ɖe Ejipu, mɔ ɖo mitɔgbo lɛɛ lo xlan tantɛn atin. ¹³ Jɔ owe gɔ ee ɖo e lo xlan ɔ Jozɛƒu ɖe eɖee xlɛ enɔvilɛ Ejipu ega mɔ ewe nyɔ hɛnnu ee mɛ Jozɛfu lɛ ɖe ɔ. ¹⁴ Jozɛƒu ɖo e lo xlan ƒan nɛ la kplan eyɛ tɔ Jakɔbu gɔ do eyɛ ehɛnnu ee mɛ lɛ tɛtɛ lo wa na eyɛ, eyɛ mɛ gbɛtɔ kanle ogban atɔɔn (75) nɛ. ¹⁵ Jakɔbu sɔn Ejipu yi nɛ eku ɖe, mitɔgbo lɛ ƒe mɔ ku ɖe xinɛ. ¹⁶ Éyi e cwɔ lɛɛ lo sɔn Sikɛmu, mɔ ɖido yɔdo ee Ablaxamu yi ixwalo xo ɖe hlamɔ evikpɛ lɛ si mɛ. ¹⁷ Gan ee mɛ Mawu la ɖe okpa ee e do na Ablaxamu nɔ ya nɛ togun Izlayɛli tɔn lo Jideji, mɔ nɔ ji deji ɖe Ejipu. ¹⁸ È nɔ su de ji e tɔn nɛ kak lo jɛ iga Ejipu tɔn bu ee gɔn nyɔ Jozɛfu e le ɔ, e ganmɛ. ¹⁹ Iga ee nɛ zan ayi nyinyla do mi okɔta go saya na mi tɔhgbo lɛɛ kaka, mɔ zɔn ƒan nɛ ze evikpɛ lɛ gblɛ nɛ ma lo nɔ egbɛ e. ²⁰ Gan e nɛ mɛ ɔ eji Moyizi e mɔ vi ohwɛn tawun do Mawu ee okun mɛ, ee mɛ lɛ kpe okun dego ɖe etɔ xwe na sunzan otɔn. ²¹ Ènɛ egodo ɔ ewe zegblɛ Ejipu ga evi nyɔsi lɔ mɔ la ze, mɔ hɛn ɖi téte evi ha. ²² Xinɛ eye yi nunyinyɔ Ejipunu lɛɛ etɔn tɛtɛ ɖe, mɔ lyewu ɖe ixo hlɔ gɔdo nuwiwa mɛ. ²³ Gan ee mɛ e ɖo ixwe kanlé (40) ɔ, enɔvi Izlayɛlivi lɛɛ enu mɔ byɛ lanmɛ n'i, emɔ lɔ ƒan nɛ eyɛ la kpɔn kɛn e ɖe do ɔ̀. ²⁴ Exé esɔn ɔ, emo Ejipu nu ɖehwlɛn nɔ do ya na Izlayɛlivi lokpo é mɔ jɛhun do etakun mɔ vihlɔn denugbɛn mɔhu Ejpunu lɔ. ²⁵ É bu ƒan eyɛ nɔvi lɛɛ la mɔ kunnujɛgo ƒan Mawu eɖo eyɛ lo xlan ƒan nɛ eyɛ we hwlɛngansin, gbɛ è go mɔ kunnujɛ mɛ e. ²⁶ Okunkɛngbe ɔ, Mɔyizi mɔ Izlayɛlivi owe nɔ xo evun è nɔ kɛxo nɛ lɔ tan: un hwannyi lɛɛ mi, nɔvi minyi à amu ejɔ na mi lo do oya na mi ɖee lɛɛ? E ²⁷ mɛ ee nɔ do oya na ce o we gɔ ɔ, tintlin Moyizi, mɔ lɔ ƒan: e mɛ eyi loyi iga alo ehwɛ lo tɔ ɖe mi nugbɛ? ²⁸ Ona hu miɖikɛn ohu Ejipu nu lɔ isɔ ha nɛ? ²⁹ Ee Moyizi se etɔnɛ ɔ, é si mɔ la ci ito ee eylɔ fan madiani mɛ mɔji ivi islun owe do hunɛ . ³⁰ Ixwé kanle (40) we nya wɛnzangun Mawu etɔn lokpo mɔ tɔn deji ɖe gbetotlo sinayi ee oso tɔn mɛ, ɖe nukan gbo ɖehwlɛn mɛ. Nukun lɔ mɔ wlizo mɔ nɔ hun. ³¹ Inu ee nɛ ee Mɔyizi mɔ ɔ, kpacawi tawun, é mɔ din la sɛkpwɛ ɛ mɔ kpɔn tlintlintɔn mɔ se Mzwu égbé é mo lɔ ƒan. ³² Inyɔ enyi Mawu itɔ gbo lɛɛ etɔn, Mawu Ablaxamu etɔn, Mawu Izaki etɔn, Mawu Jakobu etɔnn, ée Mɔyizi se etɔnɛ ɔ, é gbɛ sisɔsisɔ, gbɛ ee ɔ kpego lo gla lo kpɔn é. ³³ Aklunɔ mɔ lɔ ni ƒan ɖe iƒakpa lɛe, ɖe xwanglo ee ji oɖe te ɖe ɔ. Xwanglo kinkɔn nɛ. ³⁴ I mɔ vivɛ ee un togun nɔ se ɖe Ejipu ɔ, ganji. Ise ozɔn ee énɔ wɛn ɔ imɔ jɛte lowa alo hwlɛn gan, tɛn ɔ, wa la ɖoe lo xlan Ejipu. ³⁵ Mɔyizi ee nɛ ee mɔ gbɛ, mɔ kɛnse ƒan; e mɛ yi lo yi iga alo ehwɛ lɔtɔ ɔ, ja ɔ, eyɔ Mawu we do lo xlɛn, mɔ na hinhlɔn wi zɔn wɛnzangun ee tɔn de ji ɖe zungo dwe mɛ ji, nɛ lo ɖu iga ɖe enu nu gbɛn, mɔ hwlɛn gan. ³⁶ Mɔyizi ene eye kplan Izlaɛlivi lɛɛ tɛn ɖe Ejipu, wɔn nudabaɖa ee eɖe tɛn lɛ gɔdo inu ee é jlɛ ɖe ito enɛ mɛ, mɔ jlɛ ɖe ixu ƒɛyito mɔ jlɛ ɖe gbetotlo mɛ na ixwé kanle(40), gblamɛ. ³⁷ Mɔyizi lokpo enɛ ke lɔ na izlayɛlivi lɛɛ ƒan Mawu labayi, gbe yi mɔ lɔ inyɔ ha lokpo la tɔn ɖe togun mitɔn mɛ. ³⁸ Gan ee togun lɔ bɔ ɖe gbetotlo mɛ ɔ, é we nɔ kpɔ gɔ de e; é nɔ kpɔ gɔdo mi tɔ gbo lɛ, gɔdo wɛzangun ee lɔ xɔ ni ɖe sinayi ee lɔ xɔ ni ɖe sinayi ee osɔ egbɛ wue mi ɔ, mɔ lɔ na mi. ³⁹ Vɔ mitɔ gbo lɛɛ go jlo wa se otonu ni é mo gbɛ exo gbe exo, mɔ din wa lɛkɔ lo sɔn Ejipu. ⁴⁰ È mɔ lɔ na Alɔɔn ƒan bayi yɛhwe exé wa kpego lo nɔ unkɔn na mi ɔ, bayi na mi, ɖo Mɔyizi ee nee ee kplan mi ɖe Ejipu ɔ, mi go nyɔ egbɛ ee mɛ e ɖe tawun e. ⁴¹ Énɛ ɔ, è bayi nyibuvi lokpo gan ee nɛ mɛ, mɔ bɛ ovɔsanu xwixwle, inu exé eyɛ tet lɛ yi olɔ lo bayi lɛɛ ɔ, mɔ gɔ nyi jijwe nɛ. ⁴² Mawu do ekpɛ nɛ mɔ joe do, emɔ bɛ ihwe gɔdo isun gɔ sunvi lɛɛ sɛn ji, kɛn e mɔ wlan do gbeyi mɔ lɔ Mawu e tɔn lɛɛ e wema mɛ ɖoɔ, è wlan ƒan: Izlay€livi lɛɛ mi ee mi mɔ gbetotlo mɛ na ixwe kanlé(40) ɔ, kanklin lo unkɔ mi hu na? ovo lo unkɔ mi sa na gbɔn? ⁴³ Yɛhwexɔ Mɔlɛkitɔn ƒegɔdo sunvi yɛhwe hleƒanitɔn e otinkpavi ryɔ gonɛ mikpa, mɔ hɛn, mɔ sɛn? Énɛ wutu ɔ, enɛ wutu ɔ, la bɛ mi ɖe mi tomɛ losɔn babilɔnu godo. ⁴⁴ Gan e mɛ mitɔgbo lɛ nɔ sɔn ɖe gbetotlomɛ ɔ, é hɛn ixɔ ee ɖexlɛ ƒan Mawu ɖe kpɔ gɔde ɔ, Ekpin owe ee ji Mawu e sɛn lɛɛ mɔ ɖe emɛ Mɔyizi bayi ixɔ e nɛ, e mɔ sɔ gbe gɔde éxé e mɔ ɔ? ⁴⁵ Ixɔ enɛ we jɛ witɔgbo lɛ si. Jozuwe mɔ nɔ e nugbin è mɔ ze lobyɛ ito ee mɛ Mawu nya okɔta ɖetɔ le ɖe e mɔ ɔ mɛ ixɔ lɔ nɔ esi ɖe xinɛ kaka lo jɛ gan ee mɛ Davidi ɖu iga do ɔ. ⁴⁶ Davidi enu jɛ Mawu ee Jakɔbu sɛn ɔ e okun mɛ. Davidi mo byɛ ƒan ni na gbe wu eyɛ nɛ eyɛ nɛ gba ixɔ lokpo n'i. ⁴⁷ Vɔ xɔlu Salumu ewe gba ixɔ ee nɛ na Mawu. ⁴⁸ Vɔ Mawu ajalɔmɔ go nɔ ixo ee gbɛtɔ gba mɛ e ee egbeyi mɔ lɔ tɔ lɛɛ mɔ tɔ ɖo ɔ, é ƒan. ⁴⁹ Aklunɔ ƒan: jihwle ɔ, un xɔluzinkpo nɛ, xwanglo mɔ nyi xun oƒɔ ɖo tɛn xwè osin lo unkɔ mila kpego lo gba na? alo xe lakpego lo nyi xun gbɔ jwɛ tɛnxwe? ⁵⁰ Inyɔ go nɛ bayi inu nɛ lɛ tɛytɛ bi?. ⁵¹ Myɛ mɛ takun mɛ syɛtɔ ototlitɔ, ayisinsyɛn nɔ lɛ mi, ogu jan mi ƒn do gbigbɔ kinkɔn ji inu ee mitɔgbo lɛɛ bayi ɔ, yɔ Jan mye lɛ ƒe no wa. ⁵² Gbeyimɔgbo lɛɛ godo oya na e le ɔ? èhu e mɛ exé we lɔ ƒan ehwɛjijɔnɔ wa lɛɛ ehwɛjijɔnɔ enɛ lɛɛ eyɔ myɛ mi sa, mɔ hu i tɛn. ⁵³ Myɛ mɛ ee yi esɛn lo sɔn wɛzangun Mawu etɔn lɛ ji ɔ, migo nyi esɛn lɛ é, dun ekpin lo hu Etyɛi. ⁵⁴ Ée itoxodlɔtɔ lɛɛ se exo éxé Etyɛnu lɔ, xomɛ sin do ego tawun, è bɛ aɖukunɖuɖu. ⁵⁵ Gbegbikinkɔn jwɔ ayi mɛ na Etyɛnu, e mɔ kpɔn jihwle mɔ mɔ́ giga Mawu etɔn Yesu mɔ ɖeté aɖusi mɛ na Mawu. ⁵⁶ É mɔ lɔ ƒan mi ɖoto! imɔ sɛxwɛ ɖe hunhun, mɔ mɔ́ gbɛtɔvi lɔ ɖe te ɖe aɖu si mɛ na Mawu. ⁵⁷ Ée ese etɔ nɛ ɔ, eyɛ mɛ tɛtɛ do abobo tlinlin, mɔ su oto , mɔ zɔn eji do kpɔ. ⁵⁸ Mɔ dɔn ɛ lo sɔn ito lɔ godo, mɔ dun ekpɛn di gbɔn mɔ hu i klunɖetɔlɛe zɔn ee awu lɛɛ hinhɛn wu ɖe ka je ɖehwlɛn, è mɔ ylɔ ƒan solu. ⁵⁹ Gan e mɛ e nɔ dun ekpɛn do Etyɛnu ɔ, Étyɛnn xo eɖɛ mɔ lɔ ƒan. Aklunɔ Yesu yi xun kla. ⁶⁰ Énɛ egodo ɔ, ejɛklo mɔ do abobo tlili mɔ lɔ ƒan. Aklunɔ ma lɛn ehwɛ etɔ do ko nɛ é. Exé elo etɔnɛ ɔ, e mɔ myɔnu.