Takun 8
1
Etyɛni exe ehu lɔ jɛ solu nukun azan enɛ gbe ehu etyɛni ɔ gbɛtɔ lɛ jɛ aya do na agun yesu etɔn exe de jeluzalɛmu lɔ ji . eyɛ mɛ tɛtɛ mɔ gba kpe judée gɔdo samalii gbe ji vɔ emɛ ɖolo xlan lɛ lokponɔ géé jan ego sɔn hitie.
2
Gbɛtɔ exe zɔndo Mawu esɛn lɔ de gan enɛ mɛ lɛ kɔ etyɛni e cwɔ la ɖi gɔdo avi ɖe okunmɛ .
3
Solu eyɔ mɔ nɔ hɔnlɔn ni lo gba yesu e agun ezɔn sinmɛ sinmɛ ni lo wli islun gɔdo nyɔsi exe ɖo nuɖiɖi na yesu lɛ do gankpa mɛ.
4
Vɔ emɛ exe gbakpe lɛɔ eyɛlɛ mɔnɔ jla ewɛnɖagbɛ lɔ zɔn hi tɛtɛ.
5
Enɛ go eɖe filipu lo su ito gbokpan ɖehwlɛn mɛ ɖe samalii e xwlango ji e mɔnɔ klisu exolɔ tɔn.
6
Exe ahwankpɔ lɔ se ixo exe filipu nɔ lɔ lɛ mɔ mɔ inu exe enɔ jlɛ lɛ ɔ eyɛmɛ tɛtɛ yi nukplɔn emɛ etɔn.
7
Gbigbɔ makɔn makɔn tɔn ɖe azɔntɔ susu ji gɔdo abobo etɔnɔ ke kplibɔ nɔ susu mɔ ozɔn yiyɔ esɛkunɔ lɛ fee ozɔn mɔ yɔ.
8
Enɛ na jiji jwɛ gbo wu gbɛtɔ exe ɖe itolɔ mɛ lɛ.
9
Dahwe ɖehwlɛn samalii to lɔ mɛ san emɔ ylɔ fan sinimɔɔ dahwe enɛ nɔ ma ji ki lɔ kpa lɔkpa bayi tɔn emɔ nyi nu mɔ kpaca wu emɛ exe mɔ ɖe samalii gbe ji lɛ tɛtɛ eyɔ tete mɔmɔ fan eyɛ enyi
emɛ kɔsu.
10
Gbɛtɔ lɛ tɛtɛ mɔ ɖoto wi tawun vikpɛvu gɔdo mɛ xo tɛtɛ lɔ fan dahwe exe enyi igan Mawu etɔn exe eylɔ fan igan gbo lɔ.
11
Yɛ mɛ tɛtɛ mɔ ɖoto wi ta wun ɖo inu exe enɔ jlɛ zɔn maji ki biba yi mɛ lɛ nɔ kpaca wi tɛn ɔ e dɛn .
12
Vɔ gan exe mɛ e nyi e wɛn ɖagbɛ exe filipu nɔ jla do acɛkpasin Mawu etɔn gɔdo nyikɔ yesu klisu etɔn mɔ ɖo inu ɖiɖi ni ɔ e lɛ yehwesin nɛ islun gɔdo nyɔsi tɛtɛ.
13
Simmɔɔ fe ɖinu emɔ lɛ yɛhwesin ni enɛ we nyan ɔ e gɔ lɛ kɔ ɖe godo na filipu inu jijlɛ gɔdo inu kpaca budo exe filipu nɔ biba yi tɔn xo avo di .
14
Emɛ ɖoloxlan exe ɖe jeluzalɛmu lɛ we se fan sama linu lɛ ɖinu na ixo lɔ e mɔ ɖo piyɛɛ gɔdo jaan do xlɛn .
15
Exe ejɛ ito lɔ mɛ ɔ e xo edɛ inuɖiɖ tɔn na nuditɔ lɛ e nɛ ɔ Mawu mɔ lo na e gbigbɔ wi.
16
Gbigbɔ ɖedovo lɔ go jɛte do mɛti ji ɖe gan enɛ mɛ gba e yɛhwesin jan emɔ lɛ nɛ ɖe hwlɛngantɔ yesu klisu e nnyikɔ mɛ.
17
Exe jaan gɔdo Piyɛɛ xo eɖɛ yɔɔ e ɖo olɔ e ji Mawu mɔ na e gbigbɔ wi.
18
Exe sinmɔɔ mɔ fan emɛɖoloxlan lɛ ɖo olɔ inuɖitɔ lɛ ji Mawu mɔ na e gbigbɔ wiɔ e fan jɔgbe ixwa etɔn nɛ fan.
19
Mi na acɛ inyɔ ɔfe enɛ ɔ emɛ exe ji iɖo olɔɔ Mawu mɔ na e gbigbɔ wi.
20
Piyɛɛ mɔ ɖoego mi fan oyɔ fe gɔdo ixwa itɔn eyi lo xɔ inunina Mawu etɔn.
21
Nuti go kɛn ɖe ixo exe mɛ e gbɛ nuti go wa itɔn ɖe mɛ e ɖo susu itɔn go jɔ ɖe Mawu e kunmɛ e .
22
Hun mɔ lɛkɔ ɖe susu gbigble itɔn emɛ gun mɔ ɖe kuku na hwlɛngantɔ enɛɔ nɛnyifan inu la kpego lo nyi etɔnɛ ɔ emɔ lo yi susu nyinylan enɛ exe odo e hwɛ yi kɛ.
23
Ɖo imɔ fan inu gugu ɖoɖo e jwɔ i ayixa mɛ ehwɛ huhu do caba wi.
24
Simmɔɔ mɔ ɖo ego ni fan miɛlɛ tɛtɛ mi ɖe kuku na Mawu na enɛ ɔ ixo exe mi lɔ lɛ ti ni ma lo ɖi ungoe .
25
Exe Piyɛɛ gɔdo Jaan ɖe klun na Mawu mɔ jla Mawu e xo yɔɔ e lɛkɔ nyakpɔ jeluzalɛmu mɔnɔ jla ewɛn Dagbɛ lɔ ɖe mɔ ji lo zɔn samati e gletoxo susu mɛ.
26
Ewɛnzangun hwlɛngantɔ etɔn lɔ na filipu fan ola cite mɔ nyakpɔn exwulaji. ito lɔ etɔn imɔ exe lɛɖe jeluzalɛmu mɔ zɔn zogbeji lo sɔn gaza lɔ eyɔ owa yi lo nɔ sɔn .
27
Filipu mɔ cite yi mɔ dahwe sɔjaga etiopiinu ɖehwlɛn mɔ la sɛn Mawu ɖe jeluzalɛmu lo lɛkɔ nɔ nyakpɔn osin .
28
Dahwe enɛɔ kɔsu dɔn watɔ gbo lokpo enyi eyɔ ekpɔn etiopii kɔsu nyɔsi lɔ e dokun lɛ tɛtɛ ji eɖe awan sinɔ ɖo kɛkɛvi etɔn mɛ mɔ nɔ hlɛnu ɖe xoyilɔ ɖawantɔ ezayii e xoma mɛ.
29
Mawu e gbigbɔ mɔ lɔ na filipu fan sɔn kɛkɛvi enɛ kɛ.
30
Filipu mɔ do wezun mɔ sɔn kɛkɛvi lɔ kɛ mɔ nɔ se dahwe etiopiinu e nu hihlɛ ɖe xoyilɔɖawantɔ ezayii e xoma mɛ e mɔ nɔ kanxo se wi dego fan o nɔ mɔ kunnu jɛ inu éxé onɔ hlɛ lɔ go tɛn ya.
31
Etipiinu lɔ mɔ ɖo ego ni fan nɛ nyi fan mɛ ti go tin emɛ na le ɔ amu wa hɛnɖo lo mɔ kunnu jɛ ego emɔ lɔ na filipu fan ni byɛ kɛkɛvi lɔ mɛ mɔ si nɔ awan ɖe eyɛ kɛ.
32
Inu éxé enɔ hlɛ ɖe Mawu xo xoma mɛ lɔ we e dwɛn ɖi kɛn e kplan alin lo sɔn kpakoji ha eci xwii ɖikɛn alin ci xwii ɖɖe olɔmɛ ɛ na emɛ éxé nɔ kpa fun ni ha.
33
E do inya wi e tafu ego do kojo etɔn ganjie emɛ la kpego lo kpitan evikpɛlɛ etɔn ɖɖo ehui sɛ ɖe egbɛ éxé lɔ mɛ.
34
Mɛɖaxo sɔjaga enɛɔ mɔnɔ kan xo filipu fan emɛ go xoyilɔ ɖawantɔ Mawu etɔn lɔ nɔ lɔ xodo eyɔ tete go enɔ xodo ya alo emɛbu iɖe kuku lɔ na a se.
35
Filipu mɔ jɛ xoji mɔ bɛ ɖe inu éxe dahwe enɛ lɔ ji mɔ lɔ ewɛn dagbɛ yesu etɔn exo ni.
36
Eɖe imɔ lɔ ji nɔ sɔn emɔ la mɔ esin ɖe xiɖe hwlɛn sɔjaga lɔ mɔ lɔ fan kpɔn esin we amu ela kɛ na fan ama lɛ yɛɛhwesine.
37
Filipu mɔ ɖo ego ni fan nɛnyi fan oɖo nuɖiɖi gɔdo i ayixa tɛtɛ ɔ e hɛn ɔ ela lɛ yɛhwesin nɛ etiopiinu lɔ mɔ yigbe ni fan ido nuɖuɖu fan yesu klisu ɔ Mawu evi enyi .
38
Emɔ ɖo kɛkɛvi lɔ te eyɛmɛ owe lɛ mɔ jɛte ɖe kɛkɛvi lɔ mɛ emɔ byɛ esin lɔmɛ filipu mɔ lɛ yɛhwesin ni .
39
Exe etɔn ɖe esin lɔ mɛɔ gbigbɔ Mawu etɔn kɔ filipu lo lɛ gbɛ sɔ jaga lɔ gɔ kpego lo mɔ ɛn e ɛ mɔ yi emɔ gɔ do jiji jwɛ.
40
Egodo ɔ filipu mɔ we eɖe ito éxé e ylɔ fan azɔtɔsi lɔ mɛ mɔ yi mɔ, mɔ nɔ ewɛn ɖagbɛ lɔ jlatɔn zɔn to lɔ lɛ mɛ to lɛmɛ kpɔn lo sɔn seza lée.