¹ Gan e nɛ mɛ ɔ, devilɛɛ gɔ nɔ su deji, jwiƒu e xwedo walɔ glɛɛsinu lɛɛ etɔn, we bɛ hunhun do jwiƒu éxé xwedo walɔ ele nu lɛɛ tɔn go ji, èlɔ ƒan e do vɛ na ee sukusi lɛe ɖe mima ganmɛ ɖe okunkɛngbe okunkɛngbe. ² E nɛ wutu eyɔ emɛ ɖɔ lo xlan owiowe lɔ wa mɔ we ylɔ lɛɛ tɛtɛ kpli mɔ tɔ nɛ ƒan ego je gɔ do ƒan mi la jo Mawuxó jijla do mɔ la ɖe nuɖuɖu ma tɔn é. ³ Enɛ wutu ɔ, un nɔvi lɛ mi mi gbɔjwɛ kpɔn mi ɖee e lɛmɛ mɔ can islun aciwe e xé ɖo jijɔ mɛmɛyi gbigbɔ kinkɔn ƒegɔ nunyinyɔ mɔ jwɔ ayi mɛ na lɛɛ. Na mi lo se do idɔn enɛ lɛ nu gbɛn. ⁴ Énɛ ɔ myɛ lɛɛ ɔ, mi mɔ kpe okun do edɛxixo gɔdo Mawuxe jijlago. ⁵ Ixo enɛ jɛ ogun lɔ tɛtɛ bi nukun, emɔ can e mɛ aciwe lɔ lɛɛ. Etiyɛnu dahwe nu ɖitɔ tite ungbe dehwlɛn nɛ, gbigbɔ kinkɔn mɔ jwɔ ayi mɛ n'i, Ƒilipu gɔdo plokɔɔ, Makanɔɔ gɔdo Timɔɔ, pamɛnasi gɔdo nikolaa antyɔcinu ee mɔ byɛ jwiƒu le e sinsɛn mɛ san ɔ. ⁶ È we kplan eyɛ mɛ aciwe lɔ lɛɛ losɔn e mɛ ɖo lo xlan lɛɛ kɛ. E mɛ ɖo lo xlan lee mɔxo edɛ nɛ mɔ ɖo olɔ è ji. ⁷ Mawuxoi lɔ mɔ bɛ gbigba kpeji, devi lɛ mɔ nɔ su ɖe ji ɖe Jeluzalɛmu. Ovɔsanu- xlémawutɔ lee susu mɔ je nu ɖi na Yesu ji ɖe jwuƒu lɛ mɛ. ⁸ Mawu tɔn acɛɖo etyɛnu ji mɔ na hinhlɔn wii, e lo ɖe inudabaɖa lɛɛ tɛn, mɔ ɖe inu gbogbo lɛɛ jlɛ tɔn ɖe ogun lɔ mɛ. ⁹ Jwiƒu ɖehwlɛn lɛ mɔ lɛ ɖe ikplɔn agabsa éxé eylɔ ƒan: Kannumɔ éxé jɛ eɖesi lɛ etɔn ɔ, mɔ wa mɔ bɛ inu dindɔn gɔdo Etiyɛ nu. Ito vovo mɛ eyɔ jwiƒu enɛ lɛɛ ɖee. mɛ lehwlɛn lɛɛ lɛ ɖe silenɛɛ, alɛsadii, silisi ƒegɔ do azwi exwlanglo ji. ¹⁰ Vɔ e go kpego lo nɔ te ɖe Etiyɛnu e un kɔn è. Ɖo eɖe ixo lɔ tɔn gɔɖo nunyinyɔ e e gbigbɔ kinkɔn ni i ɔ. ¹¹ E gbɔjwɛ dɔn mɛ ɖehwlɛn lɛɛ do awomɛ, mɔ na ixwa wi i nɛ lo ɖo awo do etiyɛnu kɔ ƒan : « Mise dehwe e e tɔ n nyla nu do Mawu gɔdo Mɔyizi go. ¹² Ixo enɛ e e ekpa mɔ lɔ na keun togun lɔ gɔ ɖɔ itomɛxo lɛɛ gɔdo esɛn kplɔn emɛtɔ lɛɛ tɛtɛ xozin, mɔ zɔn Etiyɛnu ji mɔ wli i. Mɔ kplɛn ɛ losɔn toxolɔkpɛ ɔ e o un kɔn. ¹³ E kplan iklun ogɔ ɖetɔ bu leɛ lo wa, è mɔ lɔ ƒan: « dahwe e e tɔ go gɔn ixo nyinylan lɔ do sinsɛnxo kinkon éxé tɔ gɔdo Moyizi esɛn lɔ go é». ¹⁴ Ɖó mi se e mɔ lɔ ƒan: Yesu nazalɛtinu lɔ la gba sinsɛnxɔ lɔ mɔ lile hwɛndo éxé Moyizi yi do awan na mi ɔ. ¹⁵ E mɛ éxé sin na wan ɖe toxolɔgbɛ lɔ mɛ lɛɛ tɛtɛ bi, mɔ ƒɔ okun do Etyɛnu wɛnzangun Mawu eton lɛɛ e e okunmɛha ɖe e o okunmɛ.